بۇل جونىندە ماڭعىستاۋ وبلىسى اكىمى ەرالى توعجانوۆتىڭ قاتىسۋىمەن اپپاراتتىق جيىندا ايتىلدى. ماڭعىستاۋ وبلىسىندا جىل باسىنان بەرى 26،6 مىڭ جاڭا جۇمىس ورنى اشىلعان. ونىڭ 85% تۇراقتى نەگىزدە.

«اگروونەركاسىپ كەشەنىن دامىتۋ ءۇشىن 341 جوباعا 1 244،89 ملن. تەڭگە ءبولىندى، ونىڭ ىشىندە 712 500 ملن. تەنگەنى قۇرايتىن 187 جوبا ىسكە اسىرىلدى»، — دەدى وبلىستىڭ اۋىل شارۋاشىلىعى باسقارماسىنىڭ باسشىسى سەرىك قالدىعۇل.

ال شاعىن جانە ورتا بيزنەس سالاسىندا 2017-2021 جىلدارعا ارنالعان «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋ ناتيجەسىندە 543،3 ملن.تەنگەنى قۇرايتىن 37 جوبا، 103 جۇمىس ورنىن قۇرۋ كوزدەلگەنىن جەتكىزدى كاسىپكەرلىك جانە ساۋدا باسقارماسىنىڭ باسشىسى ۆەنەرا مۇستاپايەۆا.

سونداي-اق باسقارما باسشىسى اقتاۋ جانە جاڭاوزەن قالالارىندا شاعىن نەسيەلەۋگە 543 263 مىڭ تەڭگە بولىنگەنىن جانە ونىڭ 2017 جىلعا قاراعاندا 2،2 ەسە كوپ ەكەنىن ايتتى.

ماڭعىستاۋ وبلىسى اكىمىنىڭ باسپا ءسوز قىزمەتىنىڭ حابارلاۋىنشا، جالپى، جىل باسىنان بەرى 26،6 مىڭ جاڭا جۇمىس ورنى اشىلسا، ونىڭ ىشىندە 85% تۇراقتى نەگىزدە. وبلىس بويىنشا باعدارلاما اياسىندا 19،1 مىڭ ادام، ونىڭ 13،9 مىڭى تۇراقتى جۇمىس ورىندارىنا ورنالاستىرىلعان.

«حالىقتىڭ تابىس دەڭگەيىن ارتتىرۋ تارماعى بويىنشا بۇگىنگى كۇنى وبلىستا تابىسى 42،5 مىڭ تەڭگەدەن كەم 39 889 قىزمەتكەرگە تومەن ەڭبەكاقى تولەنەدى. بيۋدجەتتىك ۇيىمداردا جالاقىسى تومەن 24 251 قىزمەتكەردىڭ جالاقىسىن ارتتىرۋعا 2019 جىلعا ارنالعان رەسپۋبليكالىق بيۋدجەتتەن 3،2 ملرد.تەڭگە كوزدەلگەن»، — دەپ اتاپ ءوتتى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى مارينا البەكوۆا.

سونىمەن قاتار، وبلىستا 50 كومپانيا جالاقىسى تومەن قىزمەتكەرلەرگە جالاقى مولشەرىن ارتتىرۋعا دايىن ەكەندىكتەرىن مالىمدەپ وتىر.