بۇگىن الماتى اكىمدىگىنىڭ قىزمەتكەرلەرى قالادا قوعامدىق كولىك قوزعالىسىنىڭ كەستەسىن كورسەتەتىن ەلەكتروندى تابلولار قاشان پايدا بولادى دەگەن سۇراققا جاۋاپ بەردى دەپ جازادى Qamshy.kz اقپارات اگەنتتىگى.  رەسمي دەرەكتەرگە سۇيەنسەك، ەلەكتروندى تابلولاردىڭ سالىنۋىنا اكىمدىك تاراپىنان ەشقانداي كەدەرگى جوق. الايدا مۇنى قالا بيۋدجەتىنەن تىس قاراجاتقا ورناتىتىلۋى قاجەت. جوسپار بويىنشا العاشقى ەلەكتروندى تابلولار تيميريايەۆ كوشەسىنىڭ بويىنداعى BRT جەلىسىندە جىل سوڭىنا دەيىن پايدا بولادى. ال بۇل ءىستى كولىك حولدينگى ءوز جاۋاپكەرشىلىگىنە العان.

«مەگاپوليس اكىمىنىڭ تاپسىرماسىنا وراي ءبىز بۇل ءىستى قالا بيۋدجەتىنەن تىس قارجى ەسەبىنەن ورىندايمىز. سونىمەن بىرگە قالانىڭ ءىرى توراپتىق ايالدامالارىن سيفرلى تابلولارمەن قامتاماسىز ەتەتىن بولامىز»، دەدى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى تالعات حوسچانوۆ.

جولاۋشىلار كولىگى جانە اۆتوموبيل جولدارى باسقارماسىنىڭ باسشىسى تالعات حوسچانوۆ. -  200 مىڭنان استام تۇتىنۋشى ونلاين-رەجيمدە كارتا بويىنشا كولىك قوزعالىسىن «وڭاي» قوسىمشاسىنداعى QR-كودى ارقىلى بىلەدى. 360 مىڭ بەلسەندى قولداۋنشى  CityBus قوسىمشاسىن پايدالانۋدا. 

جىل سوڭىندا قوعامدىق كولىك باعىتىنىڭ ءنومىرى، جۇمىس ۋاقىتى كورسەتىلگەن بەلسەندى اقپارات ىلىنەتىن بولادى.

قازىرگى تاڭدا الماتىداعى ەڭ وزەكتى ماسەلەنىڭ ءبىرى قوعامدىق كولىك. جىل سوڭىنا دەيىن الماتىدا جاڭا كولىكتىڭ ۇلەسى 87 پايىزعا دكيىن جەتەدى دەپ جوسپارلانۋدا. ءتىپتى وتكەن اپتادا قالاعا 200 جاڭا اۆتوبۋس كەلگەن.

26 قاراشادا الماتى قالاسىنىڭ اكىمى باۋىرجان بايبەككە قالاعا كەلگەن جاڭا اۆتوبۋستار كورسەتىلگەن بولاتىن. سىيىمدىلىعى ۇلكەن جاڭا اۆتوبۋستار №48 باعىت بويىنشا جۇرەدى. سونىمەن قاتار №12، 19، 56، 70، 77، 123، 124، 137 باعىتتار كۇشەيتىلەدى.

26 قاراشادان باستاپ  №36، 51، 125 باعىتتاعى ەسكى گازەلدەردىڭ ورنى­نا جاڭا اۆتوبۋستار جۇرە باستادى. اتالمىش اۆتوبۋستار مۇمكىندىگى شەكتەۋلى جاندار ءۇشىن قولايلى ءارى تار كوشەلەرمەن جۇرە الادى. №40، 46،122 باعىتتار دا كۇشەيتىلەدى.

ەسكى ءارى ءتۇتىن شىعاراتىن اۆتوبۋس­تار­دىڭ قالادا جۇرۋىنە رۇقسات جوق. جەكە تاسىمالداۋشى كومپانيالار جىلجىمالى قۇ­رام­­دى جاڭالاماسا، ولارمەن كەلىسىم بۇزىلادى. بۇدان وزگە، قوعامدىق كولىك سالا­سىنا جاڭا تەحنولوگيالاردى ەنگىزۋ ماسەلەسى تۇر. بولاشاقتا ءبىر كولىكتەن ەكىنشى­سىنە تەگىن اۋىسۋدى قاراس­تىرعان ءجون. جولاۋشىلاردىڭ كولىك جۇمىسىنا قانا­عاتتانۋى – تاسىمالداۋدىڭ باستى كريتەرييى. جەكە كولىكتى قازىرگى دەڭگەيدە ۇستاپ تۇرۋ ءۇشىن لايىقتى بالاما ۇسىنۋ قاجەت، – دەپ اتاپ ءوتتى مەگاپوليس باسشىسى.