قىمبات كولىكتەر تۇسىڭىزگە كىرىپ ءجۇر مە؟ از ۋاقىت بولسا دا ءتۇسىڭىزدى شىندىققا اينالدىرا الاسىز. قالاي؟ الماتى قالاسىندا جاڭا كارشەرينگ ىسكە قوسىلدى. بۇل دەگەنىمىز الماتى قالاسىنىڭ تۇرعىندارى مەن قوناقتارى جاپ-جاڭا Volkswagen Polo كولىكتەرىن مينۋتتىق تاريفتەۋ جۇيەسى ارقىلى جالعا الا الادى.
بۇل الەمدەگى دامىعان الدىڭعى قاتارلى مەملەكەتتەرىندە قالىپتاسقان جۇيە. ءقازىر كولىكتى ساتىپ الۋدان گورى جالعا العاندى ءجون كورگەن شەتەلدىكتەردىڭ سانى ارتقان. بۇل جۇيە بويىنشا ەلىمىزدە كولىكتى جالعا بەرۋ ارقىلى تابىس تاباتىن كومپانيالاردىڭ سانى ارتۋدا.
«كارشەتينگ دەگەنىمىز بەلگىلى ءبىر تۇلعانىڭ نەمەسە جەكەمەنشىك كومپانيانىڭ اتىنا تىركەلگەن كولىكتەردىڭ جالعا بەرىلۋى.ءبىر ەرەكشەلىگى كولىكتى جالعا بەرۋ باعاسى مينۋتىنا نەمەسە جۇرىلەتىن جولدىڭ شاقىرىمىنا تىكەلەي بايلانىستى بولىپ كەلەدى. بۇل قىزمەت شىەيساريانىڭ سيۋريح قالاسىندا XX عاسىردا پايدا بولعان.
نەگىزىنەن كارشەرينگ قازاقستان ءۇشىن تاڭسىق ۇعىم دەۋگە بولمايدى. مۇنداي قىزمەت ءبىزدىڭ ەلدە بىرنەشە جىل بۇرىن ىسكە بقوسىلعان بولاتىن. الايدا بۇل قىزمەتتىڭ ءتۇرى ەندى عانا كەڭ قولدانىسقا ءتۇسىپ، سۇرانىسقا يە بولىپ جاتىر.
سول سەبەپتەن ءبىز ەڭ الدىمەن تۇتىنۋشىلارىمىزدىڭ كولىك جۇرگىزۋدەگى تاجىريبەسىنىڭ 3 جىلدان كەم بولماۋىن تالاپ ەتەمىز. بىزدە ۇسىنىلاتىن قىزمەتتىڭ باعاسى قولجەتىمدى. كولىكتى ءبىر تاۋلىككە جالعا الۋ قۇنى ونىڭ ساناتىنا قاراي 7 مىڭنان 15 مىڭ تەڭگەگە دەيىن جەتەدى. جالعا الىنعان «تەمىر تۇلپار» قوزعالىسى كومپانيا ماماندارىمەن ۇدايى باقىلاۋدا بولادى. بۇل باقىلاۋ جۇيەسى GPS ارقىلى جۇزەگە اسىرىلادى. ناتيجەسىندە كومپانيا ءوز مەنشىگىندەگى كولىك قۇرالى مەن تۇتىنۋشىنىڭ دا قاۋىپسىزدىگىن نازاردا ۇستايدى. كولىكتى باسقارۋ كەزىندەگى زاڭدىلىقتارى، وقىس وقيعا ورىن العان جاعدايدا تۋىندايتىن ماسەلەلەر كەلىسىم-شارتتا ناقتى كورسەتىلگەن، –دەيدى كومپانيا ديرەكتورى ناتاليا دەدا.
18 قازاندا كارشەرينگتىڭ الەمدىك وپەراتورى قازاقستانداعى ءوز جۇمىسىن باستادى. رەسەيدە بىرنەشە ىل بويى تابىستى قىزمەت اتقارىپ كەلگەن كومپانيا Anytime دەپ اتالادى. ال اتالمىش كومپانيانى قۇرۋشىلار جوعارى تانىمالدىلىققا يە «دەليموبيل» جانە «دەليساموكات» دەپ اتالاتىن قىزەت تۇرلەرىنىڭ باسشىسى اتانعان.
Anytime كلمپانياسى تۋرالى بىرەر ءسوز
بۇل كومپانيانىڭ قازاقستانعا ارنالعان جوسپارى وتە اۋقىمدى بولىپ كەلەدى. رەسمي دەرەكتەرگە سۇيەنسەك، كومپانيا قىزمەتى ىسكە قوسىلعاننا باستاپ 10 ادام تىركەلگەن بويدا كومپانيا ءۇشىن 100 اۆتوكولىك قولجەتىمدى بولادى. كومپانيا ءوزىنىڭ تۇتىنۋشىلارىنا رەسەيدە وندىرىلگەن اۆتوماتتى ترانسميسسيالى جاپ-جاڭا Volkswagen Polo سەداندارىن ۇسىناتىن بولادى. بيىلعى جىلى كولىكتەردىڭ سانى 100-گە ارتاتىن بولسا 2019 جىلى 500 دانانى قۇرايتىن بولادى. كومپانيانىڭ جوسپارى بويىنشا 2021 جىلعا قاراي كومپانيا 1،5 مىڭ اۆتوكولىكتەن تۇراتىن پارككە يەلىك ەتەتىن بولادى. قازىرگى ۋاقىتتا كارشەرينگ ءوز قىزمەتىن الماتى قالاسىنان باستاپ وتىر. كەلەسى جىلدان باستاپ استانادا دا بۇل قىزمەت ىسكە قوسىلاتىن بولادى. ال 2019 جۆلدۆڭ سوڭىنا تامان اتالمىش اۆتوكولىكتى شىمكەنتتە دە جالعا الۋعا مۇمكىندىك بولادى.
بۇل قىزمەت تىم قاراپايىم. پايدالانۋشىعا ءتيىستى قوسىمشانى جۇكتەپ، بانك كارتاسىن بەكىتە وتىرىپ، جۇرگىزۋشى كۋالىگىمەن جانە جەكە كۋالىكپەن سەلفي جاساۋ ارقىلى تىركەلۋ قاجەت بولادى. مالىمەت راستالعاننان كەيىن اۆتوكولىكتى الا بەرۋگە بولادى.
كولىكتەر قالا بويىنشا شاشىراڭقى ورنالاسقان. كولىككە دەيىن جەتىپ، ونى ىسكە قوسۋ ءۇشىن تەك 20 مينۋت ۋاقىت بەرىلەدى. ايتپەسە كۇتتىرگەنىڭىز ءۇشىن قوسىمشا اقى تولەۋگە تۋرا كەلەدى، ال ونىڭ قۇنى مينۋتىنا 13 تەڭگەنى قۇرايدى. ال ونىمەن ءجۇرۋ باعاسى مينۋتىنا 19 تەڭگەدەن تاۋلىگىنە 13 مىڭ تەڭگەگە دەيىنگى ءارتۇرلى ءتورت تاريف بويىنشا ەسەپتەلەدى.
كولىكتى قالانىڭ كەز كەلگەن جەرىنە،قالدىرۋعا بولادى. الايدا بەلگىلەنگەن شەكتىڭ ىشىندە عانا قالدىرۋ كەرەك. ەڭ باستىسى، تۇراق ورنى جقە-ىن بۇزباۋى ءتيىس، ال كولىك قولجەتىمدى بولۋى قاجەت.
بۇل قىزمەت ءتۇرى تاكسي رەتىندە دە، جەكە كولىك رەتىندە دە ءتيىمدى. ءتىپتى قوعامدىق كولىكتەرگە قاراعاندا اناعۇرلىم ىڭعايلى، تەك كەتەلىسسىز جولدارمەن عانا ءجۇرۋ كەرەك. سەبەبى ءسىز ءۇشىن ءاربىر مينۋت ءتىپتى سەكۋند اقشا بولىپ تابىلادى. ەگەر كەپتەلىسكە بوسقا ۋاقىت جوعالتقان بولساڭىز ءبىراز اقشانى دا بوسقا جوعالتتىم دەپ ويلاي بەرىڭىز.
ءسىز Anytime قىزمەتىن پايداناتىن بولساڭىز كولىكتى جۋۋعا قاراجات جۇمسامايسىز، ءارى جانارماي ءۇشىن تۇتىنۋشى ەمەس، كومپانيا تولەيتىن بولادى. ەگەر كولىكتى جول جيەگىنە قويعان بولساڭىز، اقشا تولەۋدىڭ قاجەتى بولمايدى. سەبەبى بۇل اقىسىز.
نەگىزگى كومپانيانىڭ شارتتارىنا كەلەتىن بولساق: قىزمەتتى پايدالانۋشىنىڭ جاسى 21-دەن كەم بولماۋ كەرەك. سونىمەن بىرگە تۇتىنۋشىنىڭ كەم دەگەندە ەكى جىلدىق تاجىريبەسى بولۋ كەرەك. تاعى ءبىر ايتا كەتەرلىگى تۇتىنۋشىنىڭ قولىندا قاراجاتى بار بانك كارتاسى بولۋى قاجەت.
تەمىر تۇلپاردى جالعا الۋدىڭ ەڭ وڭتايلى مەزگىلى — تاڭعى 6-دان 10-عا دەيىنگى ارالىق. بۇل كەزدە ءار مينۋت ءۇشىن 19 تەڭگە تولەيسىز. ياعني، ەگەر ۇيدەن جۇمىسقا دەيىنگى ارالىق 30 مينۋتتى قامتىسا، وندا 570 تەڭگە بەرۋ قاجەت.
قالاي دەسەك تە، الەمدىك اۆتوكولىك نارىعىنداعى وسى ءبىر ءۇردىس ءبىزدىڭ وڭىرگە دە كەلىپ جەتتى. ەندىگى كەزەكتە جالعا كولىك بەرىپ تابىس تابۋدى ماقسات ەتكەن كوممەرسيالىق ۇيىمدار مەن ولاردىڭ قىزمەتىن تۇتىنۋشىلار قاۋىپسىزدىك ماسەلەسىن باستى نازاردا ۇستاۋدى ۇمىت قالدىرماعانى ءجون.
حاديشا حان قىزى
