«I'm a Singer Kazakhstan» تالانتتار شوۋىنداعى تالاس-تارتىس كۇن وتكەن سايىن قىزا تۇسۋدە. ءقازىر شوۋدا تەك مىقتىلار عانا قالدى، ولاردىڭ مۇمكىندىكتەرىنە «I'm a Singer Kazakhstan» شوۋىنىڭ قازىلار القاسى باعا بەرەدى. وسى جەكسەنبى 19.00-دە «31 ارنادان» تاماشالاڭىزدار!
ءاربىر شىعارىلىم جاڭا ءبىر جۇلدىزدىڭ باعىن جاقسا، ناعىز ءادىل قازىلار قاتىسۋشىلاردىڭ ونەرىنە باعا بەرۋ ارقىلى سايىستىڭ كوركىن قىزدىرىپ وتىرادى. ولاردىڭ ءبىرى – قازاق ەستراداسىنىڭ «ەركە قىزى»، تۋرا مىنەزىمەن ەرەكشەلەنەتىن ماقپال ءجۇنىسوۆا وتكەن جەكسەنبىدە قازىلار القاسىنىڭ قۇرامىنا قوسىلدى.
بايقاۋدىڭ جاڭا تۋرىندا قاتىسۋشىلار ساحناعا جۇپ بولىپ شىعىپ، دۋەت ايتادى. ءان شىرقالىپ بولعان سوڭ قازىلار كەلەسى كەزەڭگە ەكى ءانشىنىڭ قايسىسى وتەتىنىن انىقتايدى. ەڭ ۇزدىك ءانشى دەگەن اتاققا تالاسقان انشىلەر ءاربىر جاڭا شىعارىلىم سايىن جاڭا سەرپىنگە يە بولىپ، كورەرمەننىڭ دەلەبەسىن قوزدىرۋدا. بۇل جولى كورەرمەندەر دە تەك قانا ءبىر انشىگە داۋىس بەرە الادى. شوۋ سوڭىندا كوپ داۋىس جيناعان قاتىسۋشى سايىستا قالىپ، جەڭىلگەن ءانشى شوۋمەن ءبىرجولا قوش ايتىسادى.
«بۇل شوۋدا ءوزىنىڭ ءانشى ەكەنىنە شىن جۇرەگىمەن سەزىنگەن ورىنداۋشى عانا جەڭىسكە جەتەدى»، - دەيدى بەلگىلى ءانشى، قازىلار القاسىنىڭ مۇشەسى ساكەن مايعازييەۆ. ايتقانداي، ساكەن مىرزا موينىندا ۇلكەن جاۋاپكەرشىلىك بارىن تۇسىنگەندەي. ويتكەنى بۇعان دەيىن ماقپال يسابەكوۆا، ەلحان ۇشەۋى تاڭداعان انشىلەرگە بۇدان بىلاي اسا قۇرمەتتى ماقپال ءجۇنىسوۆا تورەلىك ەتەتىنىن جاقسى بىلەدى. ولاردىڭ تاڭداۋىنا ماقپال حانىمنىڭ كوزقاراسى قانداي بولار ەكەن؟
بۇعان دەيىن تالايلاردى تامساندىرىپ، جۇلدىز دەگەن اتقا يە بولىپ ۇلگەرگەن قوس ءانشى رومان كيم مەن روزا مۇقاتايەۆا وسى شىعارىلىمنىڭ دا ەڭ تاماشا جۇبى اتاندى. بۇرىن روماندى تەك قانا تەلەديداردان كورەتىن روزا ءوز ويىن بىلاي جەتكىزدى: «رومانمەن دۋەت ايتۋ كەرەمەت ءلاززات سىيلايدى. ول ناعىز ءانشى، ءاندى جۇرەگىمەن شىرقايدى. مەن ونى قاتتى قۇرمەتتەيمىن، ەكەۋمىزدەن وتە جاقسى دۋەت شىعاتىنىنا سەنىمدىمىن. بۇل جولى ەكەۋمىز حالىق ءانى «ارمان-ايدى» ورىندايمىز. مەن باستايمىن، رومان جوعارى نوتالاردى الادى». ال رومان بولسا: «مەن ءۇشىن بۇل ءاندى ورىنداۋ ۇلكەن جاۋاپكەرشىلىك. ونى جاي ورىنداماۋ كەرەك، جۇرەكپەن ءتۇيسىنۋ قاجەت»، - دەيدى. «روماننان كەيىن ءان سالۋ مۇمكىن بە؟» - دەپ كۇلدى روزا.
جەكسەنبى كۇنى رومان كيمگە كورەرمەندەر 66 ۇپاي بەرسە، روزاعا 34 ۇپاي عانا بۇيىردى. قازىلار دا 100 پايىزعا روماندى قولدادى. «ماعان روماننىڭ ورىنداۋى قاتتى ۇنادى»، - دەدى ماقپال ءجۇنىسوۆا. – روزا رەنجىمەسىن، داۋسى جاقسى بولسا جاقسى شىعار. ءبىراق مەن سەنى بۇرىن ەش جەردەن كورگەن ەمەسپىن. سوندىقتان ايتارىم، بۇل ءان سىزگە كەلمەيدى». روزا، بۇل ءاندى ورىنداۋ بارىسىندا روماننىڭ تەمبرى سىزگە قاراعاندا قىزىقتىراق، جاقسىراق بولدى، - دەدى ارىپتەسىنىڭ ءسوزىن قوستاعان ماقپال يسابەكوۆا. – ءبىراق دۋەت ادەمى شىقتى».
«راقمەت. ناعىز قازاق قىزدارىنا ءتان جومارتتىق!» دەپ ازىلمەن قاعىتتى جۇرگىزۋشى.
ايتكەنمەن، تالانتتار شوۋى – شىنايى، ءادىل ءارى قاتاڭ باعالاناتىن ورىنداۋشىلار اراسىنداعى تارتىستى سايىس. ونى سيلۆيا مەن ءدجاۆيدتىڭ دايىندىعى مەن ءان ورىنداۋىنان دا انىق كورۋگە بولادى. دايىندىق كەزىنەن-اق سيلۆيانىڭ ارىپتەسىنە كوڭىلى تولماي، جۇيكەسى جۇقارا باستادى. كوڭىل-كۇيى بولماعان ءانشى بىرنەشە رەت دايىندىققا قاتىسپاي كەتىپ قالدى. كەيىن ءوزى مويىنداعانداي، وعان ورىندايتىن تۇرىك تىلىندەگى ءان اسا ۇناماپتى. ويتكەنى بۇل ءان شىعىس ناقىشىندا ءان ورىنداپ ۇيرەنگەن دجاۆيدكە وڭايعا سوعىپتى. «ونىڭ جانىندا مەن قاراپايىم ءانشى سياقتى بولىپ قالدىم»، - دەپ جىلاپ جىبەردى سيلۆيا. ال نەگىزىندە، دجاۆيد ايتپاقشى، كەيىن ءانشىنىڭ ءوزى دە تۇسىنگەندەي، سيلۆيانىڭ داۋسى جاقسى بولعانىمەن، بويىندا وزىنە دەگەن سەنىمدىلىك جوق ەكەن. دجاۆيدپەن بىرگە دايىندىق كەزىندە بويجەتكەن سونى بىردەن سەزگەن.
قاتىسۋشىلاردىڭ تاعدىرىنا الاڭداساڭىز، وسى جەكسەنبى 21.00-دە «31 ارنادان» شوۋدى وتكىزىپ الماڭىز. ەستەرىڭىزگە سالساق، بۇل جولى جۇلدە قورى – 50 ميلليون تەڭگە. وعان قوسا، ءان جازۋ، بەينەبايان ءتۇسىرۋ، جەكە كونسەرت ۇيىمداستىرۋ سياقتى ءاربىر ءانشى ارماندايتىن سىيلىق تاعى بار. ال قازىلاردىڭ ارنايى سىيى – اۆتوكولىك.
