جاساندى ينتەللەكتتىڭ ( ءارى قاراي –AI) تەلەجۇرگىزۋشى رەتىندەگى تۇساۋى قىتايدىڭ شىعىسىنداعى چجەسزيان ايماعىندا كەسىلدى دەپ حابارلايدى xinhuanet.com. 8 قاراشا كۇنى چجەسزياندا ءوتىپ جاتقان بەسىنشى دۇنيەجۇزىلىك ينتەرنەت-كونفەرەنسيادا AI جاڭالىق وقىپ، ءوزىنىڭ مۇمكىندىگىن پاش ەتتى.
AI-دى قاراپايىم ەر ازاماتپەن شاتاستىرۋ وڭاي. قيمىل-ارەكەتىندە دە جاساندىلىق جوق. تىكەلەي ەفيردەگى ۆيدەولاردى كورىپ وتىرىپ، ءماتىن قۇراستىرىپ، كادىمگى جۇرگىزۋشى قۇساپ تىلشىلىك قىزمەت اتقارا الادى.
ونى ويلاپ تاپقان سينحۋا اقپارات اگەنتتىگى مەن ىزدەۋ جۇيەسىندەگى Sogou.com قىتايلىق كومپانياسى.
بۇل سىرباز «جىگىتتى» دۇنيەگە اكەلگەن سينحۋانىڭ ايتۋىنشا، ۇجىمنىڭ ءبىر مۇشەسىنە اينالعان ول 24 ساعات بويى ۇزدىكسىز سايتتا جانە باسقا دا الەۋمەتتىك مەديا پلاتفورمالاردا تىنباي جۇمىس جاساي الادى. «سول ارقىلى جاڭالىقتاردىڭ وزىندىك باعاسى كەمىپ، ونىمدىلىك ارتادى» دەيدى سينحۋالىقتار.
