استانا بيلىگى قالا كوشەلەرىن قاردان تازارتۋعا 13 ميلليارد 921 ميلليون 301 مىڭ تەڭگە ءبولدى، بۇل 37 ميلليون 123 مىڭ دوللارعا تەڭ دەپ جازادى Qamshy.kz اقپارات اگەنتتىگى elorda.info سايتىنىڭ دەرەگىن نەگىزگە الىپ. 

قاردى تازالاۋعا ىڭعايلى ءارى مەردىگەر ۇيىمداردى باقىلاۋعا جەڭىل بولۋ ءۇشىن ولاردىڭك اراسىندا قالا اۋماعىن اۋداندارعا عانا ەمەس، شارشىلارعا دا ءبولدى.

"2019 جىلدان باستاپ سانيتارلىق تازارتۋ بويىنشا قىزمەتتكە بايقاۋدى اۋدان اكىمدىكتەرى ءۇش جىلعا وتكىزەدى. ءار اۋدان بىرنەشە شارشىعا ءبولىنىپ، جالپى قالادا  28 شارشى بولماق، ەسىل اۋدانىندا – 8، الماتى – 9، بايقوڭىر – 5، سارىارقا – 6"، — دەپ ءتۇسىندىردى استانا قالاسى جانارماي-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى ينفراقۇرىلىمدى دامىتۋ ءبولىمىنىڭ باسشىسى جاسۇلان بايجانوۆ.

ونىڭ سوزىنە سۇيەنسەك، ەلوردادا قار جاۋعاننان كەيىن كۇرەلۋى ءتيىس اۋماقتىڭ اۋدانى 25 ميلليون 789 مىڭ 047 شارشى مەتر.

"بۇل بيىل قالادا قاردان تازاتىلاتىن اۋماق. ونىڭ ىششىندە مەحانيكالىق تازارتۋ – 9 921 447 شارشى مەتر، قولمەن كۇرەۋ – 15 867 600 شارشى مەتر. ال باعىتتاردىڭ جالپى ۇزىندىعى – 932 766 مەتر"، — دەيدى ول.

استانادا بيىل قىستا كوشەلەردى قاردان تازارتۋعا 1564 كولىك جۇمىلدىرىلماق.