گەنناديي گولوۆكيننىڭ پروموۋتەرى توم لەففلەر GGG مەن مەكسيكالىق بوكسشى ساۋل الۆارەس اراسىنداعى ءۇشىنشى جەكپە-جەكتىڭ 2019 جىلدىڭ جەلتوقسان ايىندا عانا ءوتۋى مۇمكىن ەكەنىن ايتتى. بۇل تۋرالى Qamshy.kz اقپارات اگەنتتىگى fightnews.info پورتالىنىڭ دەرەگىن نەگىزگە الىپ حابارلايدى.
توم لەففەر ازىرگە جەكپە-جەكتى تىكەلەي ەفيردە تاراتاتىن تەلەكومپانيامەن كەلىسىمگە كەلمەگەنىن ايتتى.
"ەڭ ءتيىمدى ۇسىنىستاردى قاراستىرىپ جاتىرمىز. ءبىرىنشى كەلىسىمشارتقا قول قويىپ الايىق، سودان كەيىن عانا جەكپە-جەككە قارسىلاس ىزدەيمىز. مەنىڭشە، گولوۆكيننىڭ كەلەسى كەزدەسۋى كەلەر جىلدىڭ كوكتەمىندە وتەدى. الايدا، Golden Boy پروموۋتەرلىك كومپانياسىمەن جۇرگىزىپ جاتقان كەلىسسوزدەر بۇل كەزدەسۋگە قاتىستى ەمەس. ولار گولوۆكين-الۆارەس جەكپە-جەگىن كەلەر جىلدىڭ سوڭىندا وتكىزۋدى ۇيعارىپ وتىر، مامىر ايىندا "كانەلو" وزگە بوكسشىمەن جۇدىرىقتاسپاقشى. سوندىقتان، گولوۆكين مەن الۆارەس اراسىنداعى ءۇشىنشى جەكپە-جەكتى قىركۇيەك نەمەسە جەلتوقسان ايلارىندا كورۋىمىز مۇمكىن"، - دەدى لەففلەر.
ەسكە سالايىق، قوس بوكسشىنىڭ اراسىنداعى العاشقى جەكپە-جەك تورەشىلەر شەشىمىمەن تەڭ اياقتالعان بولاتىن. ال، ەكىنشى كەزدەسۋدەگى جەڭىس تاعى سول تورەشىلەردىڭ شەشىمىمەن الۆارەسكە بەرىلدى.
