تەمىرتاۋدا "ارسەلورميتالل" اق مەتاللۋرگيا كومبيناتىندا ءورت بولدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ. ق ر ءىىم تجك باسپا ءسوز قىزمەتىنىڭ مالىمەتىنشە، كونۆەرتور سەحتىڭ سىرتقى جاعىندا گاز قۇبىرى ورتەنىپ جاتىر.
"قاراعاندى وبلىستىق تجد جانە "ءورت ءسوندىرۋشى" اق كۇشىمەن جانە قۇرالدارىمەن 34 ادام مەن 8 تەحنيكا گاز قۇبىرىن سالقىنداتىپ جاتىر. كومبينات جۇمىسشىلارى گاز بەرۋدى توقتاتۋ جۇماستارىن قولعا الدى"، - دەلىنگەن حابارلامادا. قازا تاپقاندار مەن زارداپ شەككەندەر جوق. وقيعانىڭ ءمان-جايى ازىرشە بەلگىسىز.
ايتا كەتەيىك، كەيىن ق ر ءىىم تجك رەسمي وكىلى نۇرسۇلتان نۇراحمەتوۆ كومبيناتتاعى ءورتتىڭ اۋىزدىقتالعانىن حابارلادى.
