ديماش قۇدايبەرگەن ماسكەۋدەگى كرەمل ساحناسىندا ءان سالىپ، «نتۆ» ارناسىنىڭ «ورتالىق تەليەۆيدەنيە» باعدارلاماسىندا قوناقتا بولدى دەپ جازادى Qamshy.kz اقپارات اگەنتتىگى. ديماش باعدارلاما سوڭىندا كومپوزيتور يگور كرۋتويدىڭ سۇيەمەلدەۋىمەن "ليۋبوۆ ۋستاۆشيح لەبەدەي" ءانىن ورىنداپ، كوپشىلىكتىڭ قوشەمەتىنە بولەندى.
«وسىدان كەيىن سەن سويلەي الاسىڭ با؟»، - دەپ سۇرادى ءوز تاڭدانىسىن جاسىرا الماعان باعدارلاما جۇرگىزۋشىسى ديماشتان. ال كومپوزيتور يگور كرۋتوي ديماشتىڭ «رەسەي پۋبليكاسىن جاۋلاپ الاتىنىن» ايتىپ ءوتتى. ءبىر ايتا كەتەرلىگى، يگور كرۋتوي "ليۋبوۆ ۋستاۆشيح لەبەدەي" ءانىن ايگىلى فرانسۋز ءانشىسى لارا فابيان ءۇشىن جازعان بولاتىن.
