الماتىدا 57 ينتەرنەت ساۋدامەن اينالىساتىن ساۋداگەرلەر ەندى تابىس سالىعىن تولەمەسە دە بولادى. بۇگىنگى تاڭدا الماتى قالاسىندا ەلەكتروندى ساۋدامەن اينالىساتىن 57 كاسىپكەر تىركەلگەن. ونىڭ ىشىندە 27ء-سى زاڭدى تۇلعا بولسا، ال قالعان 30-ى جەكە تۇلعا رەتىندە تىركەلگەن.

الماتىلىق ينتەرنەت دۇكەن يەلەرى ەلەكترونيكا، كيىم، اياق كيىم تاعى باسقا دا حالىق تۇتىناتىن تاۋارلاردى ينتەرنەت كەڭىستىگىندە ساتۋمەن اينالىسادى.

2018 جىلدان باستاپ جاڭا سالىق كودەكسىنە سايكەس ەلەكتروندى ساۋدامەن اينالىساتىن كاسىپكەرلەرگە سالىقتىق جەڭىلدىكتەر قاراستىرىلعان. بۇل جەڭىلدىكتەر ينتەرنەت ساۋدادان تۇسكەن تابىس كاسىپكەردىڭ بارلىق تابىسىنىڭ 90%-ىن قۇراعان جاعدايدا عانا بەرىلەدى.

سونىمەن قاتار، ساتىپ الۋ كەزىندە تولەم تەك قانا كارتوچكامەن ءجۇرۋى كەرەك. ساتىپ الۋشىمەن مامىلە ەلەكتروندى تۇردە جاسالۋى، ساتۋشىنىڭ ءوزىنىڭ جەتكىزۋ قىزمەتى جۇمىس جاساۋى ماڭىزدى ءرول اتقارادى.

جوعارىداعى اتالىپ وتكەن تالاپتاردىڭ بارلىعىنا ساي بولعان جاعدايدا ەلەكتروندى ساۋدامەن اينالىساتىن كاسىپكەر سالىق ورگاندارىنا تىركەلۋگە مىندەتتى.

سونداي-اق، وسىعان دەيىن الماتى پوليسياسىنىڭ ينتەرنەت پابليكتەردى باقىلايتىن ياعني ۆيدەو مەن فوتو سالىنعان پابليكتەردى باقىلاۋ ءۇشىن ارنايى جۇمىس توبى جۇمىسىن باستاعان بولاتىن. ونىڭ قۇرامىنا اكىمشىلىك پوليسيا باسقارماسى، جەرگىلىكتى پوليسيا قىزمەتى، زاڭ ءبولىمى، دەپارتامەنتتىڭ باسپا ءسوز قىزمەتىنىڭ ماماندارى قىزمەت اتقارۋدا. 

ايتا كەتەلىك، ەلىمىزدە وتكەن جىلى ەلەكتروندى ساۋدا كولەمى 30%-عا ءوسىپ 1 ميلليارد دوللارعا جەتكەن بولاتىن. قازاقستانداعى ەلەكتروندى ساۋدا نارىعى وتاندىق ينتەرنەت-دۇكەندەرىندە جانە ەلەكتروندىق قىزمەتتەر سايتتارىندا ساتىپ الۋ سانى بويىنشا تمد ەلدەرى ۇشتىگىنىڭ قاتارىنا ەندى. بيىلعى جىلى مامانداردىڭ ايتۋىنشا ونلاين ساتىلىم مەن ونلاين قىزمەت كورسەتۋ كەم دەگەندە ەكى ەسە ۇلعايادى. ەلەكتروندى ساۋدا سالاسىندا الدىڭعى رولگە شاعىن جانە ورتا بيزنەس وكىلدەرى شىعادى.

نازار اۋداراتىن تاعى ءبىر ءۇردىس - ورتالىق ازيا ەلدەرىنىڭ نارىعىندا ينتەرنەت-دۇكەندەر جەلىسى دامىپ، اقشاسىز تولەم پلاتفورمالارى قۇرىلۋدىڭ ناتيجەسىندە قازاقستاندىق كاسىپكەرلەر بۇل باعىتتا جۇمىس جاساۋدا.