2018 جىلدىڭ مامىرىنان بەرى «قازپوشتا» اق «ساتىپ ال دا جەڭىپ ال!» ۇتىسىن ويناتۋدا. وسىلايشا، سالەمدەمەگە تاپسىرىس بەرە وتىرىپ، Lada Xray اۆتوكولىگىن ۇتىپ الۋىڭىزعا مۇمكىندىگىڭىز بار.

اتالعان ايتۋلى شاراعا جاسى 18-دەن اسقان كەز كەلگەن ادام قاتىسا الادى. ول ءۇشىن نەبارى ينتەرنەتىڭىز بولسا جەتكىلىكتى. اكسيا اياسىندا جەڭىل كولىكتەن بولەك قۇندى سىيلىقتار دا ءوز يەسىن تاپپاق. ال قورىتىندىسى 20 جەلتوقساندا بەلگىلى بولماق. جەڭىمپازدىڭ ەسىمى كەزدەيسوق جاعدايدا انىقتالادى.

«ساتىپ ال دا، جەڭىپ ال» شاراسىنا قاتىسۋ ءۇشىن ەڭ الدىمەن ينتەرنەت ارقىلى ءۇش تاۋارعا تاپسىرىس بەرىپ، ارتىنشا قازپوشتانىڭ پرومو سايتىنا تىركەلىپ، سالەمدەمەنىڭ ترەك-نومەرىن ەنگىزىپ، كونكۋرس تۋرالى الەۋمەتتىك جەلىدە پوست جاريالاۋ قاجەت. تاپسىرىستى 15 جەلتوقسانعا دەيىن كەز-كەلگەن ينتەرنەت-دۇكەنگە جىبەرۋگە بولادى. تاۋار قۇنى دا ماڭىزدى ەمەس. بۇل اكسياعا 18 جاستان اسقان كەز كەلگەن ادام قاتىسا الادى.

«ءبىز جىل بويى كليەنتتەرىمىز اراسىندا ءتۇرلى ۇتىس ويىندارىن وتكىزىپ ءجۇرمىز. بۇل جولى كەرەمەت سىيلىقتارىمىز بار. باس جۇلدە - جەڭىل اۆتوكولىك. ەڭ باستى تالاپ - سالەمدەمە ءسىزدىڭ اتىڭىزعا راسىمدەلىپ، kazpostpromo.kz سايتىنا تىركەلۋ كەرەك»، – دەپ اتاپ ءوتتى «قازپوشتا» اق كوممەرسيالىق ديرەكتورى ساۋلە ابىلبايەۆا. 

بيىل قازپوشتانىڭ قۇرىلعانىنا 25 جىل تولدى. اتاۋلى مەرەيتويعا بايلانىستى مەكەمە اۆتوكولىكتەن بولەك، قازپوست/الي ەكسپرەسس اتتى 25 تولەم كارتوچكاسىن ۇتىسقا قويماق نيەتتە. ونىمەن كەز كەلگەن تاۋاردى ءبىر جارىم پايىز جەڭىلدىكپەن ساتىپ الۋعا بولادى. سونىمەن قاتار، ءار كارتوچكانىڭ ىشىندە 25 مىڭ تەڭگە قارجى بار.