جاقىندا اتىراۋدا «قازپوشتا» اق-نىڭ سالەمدەمەلەر سۋپەرماركەتى اشىلدى، دەپ حابارلايدى atyrautv.kz اقپاراتتىق اگەنتتىگى.

بۇل قالادا اشىلعان 5ء-شى سۋپەرماركەت. ونىڭ اشىلۋىنا «قازپوشتا» اق باسقارما ءتوراعاسى ساكەن سارسەنوۆ، اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆ جانە ت.ب. تۇلعالار قاتىستى.

«كەزىندە قاعازعا بايلاپ كوگەرشىنمەن ۇشىراتىن بولسا ءقازىر زاماناۋي تەحنولوگيا ءقازىر عانا جازعان حاتىڭدى 1-2 مينۋتتا اكەلەدى. مىنە تەحنولوگيانىڭ وسكەن زامانى. سوندىقتان دا ءبىز بۇل زاماننىڭ تالابىنان قالماۋىمىز كەرەك. سول زاماننىڭ تالابىمەن بىرگە ءجۇرۋىمىز كەرەك. قازپوشتا سالاسىندا وسىنىڭ بارلىعى ىستەلىپ جاتقان ىستەرىن كورىپ، كوڭىلىمىز تولىپ جاتىر، - دەدى س. شاپكەنوۆ.

سالەمدەمەلەر سۋپەرماركەتىنىڭ ارقاسىندا تۇرعىندار سالەمدەمەلەرىن 2 مينۋتتىڭ ىشىندە الۋ مۇمكىندىگىنە يە بولدى. وسىلايشا، جاڭا ورتالىق سالەمدەمەلەردى قابىلداۋ مەن جىبەرۋ ۋاقىتىن قىسقارتىپ، كومپانيانىڭ شىعىندارىن ۇنەمدەمەك. قازاقستاندا مۇنداي سۋپەرماركەتتىڭ 214ء-ى بولسا، ونىڭ 10-ى اتىراۋدا ەكەن.

ايتا كەتۋ كەرەك، قازپوشتانىڭ «ترانسفورماسيا» باعدارلاماسى بويىنشا جانە «سيفرلىق قازاقستان» مەملەكەتتىك باعدارلاماسىنا سايكەس، رەسپۋبليكانىڭ ءار وڭىرىندە سالەمدەمەلەر سۋپەرماركەتى اشىلىپ جاتىر. اتالعان سۋپەرماركەت تۇرعىنداردىڭ سالەمدەمەلەردى دەر ۋاقىتىندا الۋىنا مۇمكىندىك بەرەدى. تۇرعىندار بۇرىڭعىداي كەزەك كۇتىپ وتىرمايدى. سالەمدەمە جىبەرىلگەننەن كەيىن ونى قابىلداۋشى ازاماتتىڭ تەلەفونىنا سمس كەلەدى. ازامات سول بويىنشا «قازپوشتا» مەكەمەسىنە كەلىپ، سۋپەرماركەتتەن سالەمدەمەنى الىپ كەتەدى. مۇنداي جوبا العاش رەت تمد-دا جۇزەگە اسىرىلعان.
ال ەلىمىزدەگى ەڭ ۇلكەن سالەمدەمەلەر سۋپەرماركەتى وتكەن ايدا الماتىدا اشىلعان بولاتىن. وسىلايشا، وسىنداي جاڭا ورتالىقتار تۇرعىندارعا ساپالى قىزمەت ۇسىنۋعا ايتارلىقتاي كومەك كورسەتۋدە.