پرەزيدەنت «نۇرلى جول باعدارلاماسىنىڭ رەسپۋبليكا ءۇشىن عانا ەمەس، ونىڭ حالىقارالىق ماڭىزى دا ۇلكەن ەكەنىن ايتا كەلىپ، بۇعان قاتىستى جۇمىستار الداعى ۋاقىتتا دا جالعاسىپ، تۇراقتى تۇردە دامىتىلاتىنىن  ءمالىم ەتتى.

– اۆتوكولىك جولى، تەمىر جول بولاشاق ۇرپاق ءۇشىن سالىنىپ جاتىر. قازاقستاننىڭ بارلىق جەرىندە توقتاماستان جول سالىنۋدا. استانادان تارايتىن ساۋلە سياقتى جان-جاققا شىعاتىن ساپالى جول بولادى. ءبىزدىڭ كەڭ بايتاق ۇلى دالانىڭ جەرىندە ۇلكەن جولدار اشىلىپ، حالىققا جۇمىس ورىندارى قۇرىلادى. سوندىقتان، سالىنىپ جاتقان جولدىڭ ساپاسىنا ايرىقشا نازار اۋدارىپ، كوڭىل بولۋلەرىڭ كەرەك، – دەدى ن.نازاربايەۆ.

ايتا كەتەتىن ءبىر جايت، جالپى «نۇرلى جول» باعدارلاماسى اياسىندا جالپى ۇزىندىعى 7 مىڭ شاقىرىم بولاتىن 11 اۆتوجول سالۋ جوسپارلانعان. ونىڭ ءبىرقاتارى ءبىتتى، پايدالانۋعا بەرىلدى. اقيقاتى كەرەك، مۇنىڭ يگىلىگىن ءقازىر حالىق كورىپ جاتىر. قازاقستاننىڭ ترانزيتىك زور الەۋەتىن كورسەتەتىن حالىقارالىق دالىزدەن دۇنيەنىڭ ءتورت بۇرىشىنا قاراي كولىكتەر اعىلادى. مۇنان قازاق ەلى زور پايدا تاباتىنى ءسوزسىز.

 «باتىس ەۋروپا-باتىس جۇڭگو» حالىقارالىق ءدالىزى  پايدالانۋعا بەرىلگەلى سىرتتان كەلەتىن جولاۋشىلار مەن جۇرگىزۋشىلەردىڭ قازاق بيلىگىنە ىقىلاسى ۇشان تەڭىز. ويتكەنى جول ساپالى، تاقتايداي تەگىس جانە كوركەم. جول جاعالاۋىنداعى سەرۆيستىك  قىزمەتتىڭ ساپاسى جوعارى. ەندىگى نازار ۇلكەن الماتى اينالما جولىنا اۋىپ وتىرعانىن ايتا كەتۋ كەرەك . ءقازىردىڭ وزىندە جول سالىناتىن جەر ۋچاسكەسى انىقتالىپ قويدى.

ال اقيقاتىنا كەلسەك، اتالعان جولدىڭ قۇرىلىسى قاشان باستالادى جانە مۇنى ءبىتۋ مەرزىمى قاشان اياقتالادى؟ بۇل تۋرالى ۇكىمەتتىڭ كەڭەيتىلگەن جيىنىندا ينۆەستيسيا جانە دامۋ مينيسترلىگى جەڭىس قاسىمبەكوۆ ناقتى قاداپ ايتتى.

–تولىقتاي قۇرىلىسقا جەر ءبولۋ ماسەلەسى شەشىلدى، ۋچاسكەلەرگە تەحنيكامەن جۋمىسشىلار جۇمىلدىرىلىپ، كارەرلەر راسىمدەلدى. 2021 جىلى قۇرىلىس جۇمىستارىن اياقتاپ، جولدى اقىلى نەگىزدە پايدالانۋعا بەرۋ جوسپارلانىپ وتىر. قۇرىلىس كەزەڭىندە 3 مىڭعا جۋىق جۇمىس ورنى اشىلادى. جول تاۋلىگىنە 38 مىڭ اۆتوكولىك قۇرالىنىڭ قالا سىرتىنا شىعۋىنا مۇمكىندىك بەرەدى. بۇل قالادا كولىكتەردىڭ قاپتاپ كەتۋىنىڭ الدىن الادى  جانە قالانىڭ ەكولوگياسىنا وڭ اسەر ەتەدى، – دەپ اتاپ ءوتتى جەڭىس قاسىمبەك.

بۇل عانا ەمەس، ۇلى دالا توسىندەگى دارا جول ءبىر باعىتتا عانا ەمەس، سان ءتۇرلى ەلدىمەكەندى قامتىعانىن ايتا كەتۋگە ءتيىسپىز. ءبىر عانا مىسال، سوڭعى ايدا ەلدىڭ نازارىنىڭ ءبارى تۇركىستانعا اۋدى. ويتكەنى شىمكەنتكە رەسپۋبليكالىق دارەجەدەگى قالا ستاتۋسى بەرىلىپ، تۇركىستان ايماق ورتالىعىنا اينالدى. وسىعان بايلانىستى ينۆەستيسيا جانە دامۋ مينيسترلىگى «تۇركىستان وبلىسىنىڭ جەدەل اۆتوموبيل جولدارىن سالۋ جانە پايدالانۋ»  جوباسىن باستاعانىن ءمالىم ەتتى. بۇل تۋرالى ۇكىمەت جيىنىنداعى باسقوسۋدا مينيستر جەڭىس قاسىمبەكوۆ وڭتۇستىك ايماقتاعى كولىك جولدارىنىڭ ساۋدا قاتىناسىندا زور ماڭىزى  بارىن ايتتى.

–وسىعان وراي،  شىمكەنت قالاسىنىڭ وڭتۇستىك-باتىس اينالما جولىن (48 شاقىرىم)، سارىاعاش قالاسىنىڭ اينالما جولىن (55 شاقىرىم)، اباي-قىزىلاسكەر ۋچاسكەسىن (34 شاقىرىم) سالۋدى جانە قىزىلاسكەر-شىناز قونىسبايەۆ وتكىزۋ پۋنكتىنە (14 شاقىرىمي) دەيىنگى كىرەبەرىستىڭ جوباسىن جۇرگىزۋ كوزدەلىپ وتىر. جوبا قازاقستان مەن وزبەكستان اراسىنداعى جۇك اينالىمى كولەمىن ۇلعايتۋعا، تاۋلىگىنە 25 مىڭ اۆتوكولىكتى  شىمكەنت پەن سارىاعاش قالالارىنىڭ سىرتى ارقىلى وتكىزۋگە مۇمكىندىك بەرەدى، – دەپ اتاپ ءوتتى  مينيستر  جەڭىس قاسىمبەك.

رەسپۋبليكانىڭ وڭتۇستىگىندەگى حالىقارالىق ماڭىزى بار بۇل جوبا ەڭ الدىمەن وزبەكستانمەن اراداعى ساۋدانى جانداندىرۋعا زور مۇمكىندىك بەرەدى. ءمينيستردىڭ ايتۋىنشا، ءقازىر ونىڭ تەحنيكالىق قۇجاتتارى دايىندالىپ جاتىر. ەگەر بارلىعى دا ۋاقىتىندا اياقتالسا، جول سالاتىن فيرمالارعا جىل اياعىنا دەيىن بايقاۋ جاريالانادى.

ەركىن قالدان