بۇل جونىندە ماڭعىستاۋ وبلىسى اكىمىنىڭ باسپا ءسوز قىزمەتى مالىمدەدى.

كاسپييدى قالامەن استاسقان جاعالاۋى سوڭعى بىرنەشە ايدا ۇيىلگەن قوقىس، تاستان ارىلىپ، تۇرعىنداردىڭ دەمالۋىنا قولايلى ورىنعا اينالعان.

ءبىر جارىم اي ىشىندە 1 شاقىرىم 800 مەتر جاعالاۋ جوندەۋدەن ءوتىپ، 48 مىڭ شارشى شاقىرىم تاس توسەلگەن بولاتىن. 70 مەتر ۇزىندىقتا دالا ساحناسى مەن جاعالاۋدا بالالارعا ارنالعان ويىن الاڭدارى بوي تۇزەدى. ال «جارتاستى سوقپاق» جوباسى 6 شاقىرىمدى قامتىعان.

بيىل ءساۋىر ايىندا باستالعان جاعالاۋداعى جوندەۋ جۇمىستارى بۇگىندە 15 شاعىن اۋدان تۇسىندا جالعاسىپ جاتىر.

وبلىس باسشىسى ەرالى توعجانوۆ تەڭىز جاعالاۋىنداعى قۇرىلىس جۇمىستارىمەن تانىستى. بۇل جاعالاۋ دا جاڭا كەلبەتپەن اباتتاندىرىلىپ، 200 اۆتوكولىككە ارنالعان اۆتوتۇراق سالىنباق.

ال جارتاستاردىڭ جانىنا حالىق اۋزىنداعى اڭىز كەيىپكەرلەرى قويىلىپ، ميفتەر الاڭى اشىلادى. سونداي-اق كەزىندە جەكەشەلەنگەن جەر تەلىمى مەملەكەتكە قايتارىلۋدا. ءوڭىر باسشىسى ول جەردىڭ الداعى ۋاقىتتا حالىق دەمالاتىن ورىنعا اينالاتىنىن ايتتى.

سونىمەن قاتار كەلەر جىلى «سامال» شاعىناۋدانىنداعى تەڭىز جاعالاۋىن اباتتاندىرۋ جوسپارلانىپ وتىر. ءسويتىپ بۇلا ايماق ءتۇرلى مادەني-ساۋىق شارالارىن وتكىزەتىن قوعامدىق ورىنعا اينالماق. سۋ بەتىندەگى مەيرامحانا، سۋبۇرقاق سىندى حالىق يگىلىگىنە پايدالاناتىن نىساندار دا سالۋ كوزدەلگەن