جۋىردا ۇلتتىق ۇلاننىڭ،  5517 اسكەري ءبولىمىنىڭ ساربازى قازاقستاندىق سامبوشى  قاتارداعى جاۋىنگەر نۇربول سەرىكوۆ رۋمىنيا استاناسى بۋحارەستە ەرلەر مەن ايەلدەر اراسىندا ءوتىپ جاتقان الەم چەمپيوناتىنىڭ جەڭىمپازى اتاندى.

دۇنيەجۇزىلىك دودانىڭ العاشقى كۇنىنەن باستاپ  قارسىلاس شىداتپاعان نۇربول 68 كگ سالماقتا  فينالدا ازەربايجان ەلىنىڭ وكىلى ەميل گاسانوۆپەن كىلەمگە شىقتى. اسا تارتىستى بەلدەسۋ 1:1 ەسەبىمەن تەڭ اياقتالدى. دەگەنمەن سوڭعى ۇپايدى قازاقستاندىق پالۋان العاندىقتان، جەڭىس نۇربولعا بەرىلدى. 

-مەن بىرتە-بىرتە قارقىندى ۇدەتە ءتۇستىم. ودان  ءبىر جىل بۇرىن  الەم چەمپيوناتىنىڭ جارتىلاي فينالىندا وسى بالۋانعا ەسە جىبەرىپ ەدىم. سونىڭ قارىمتاسىن قايىردىم. قۋانىشتا شەك جوق. بەلدەسۋ بارىسىندا ۇستانعان تاكتيكام ءوز جەمىسىن بەردى. تىزگىندى ۋىسىمنان شىعارماي، ۇنەمى شابۋىلداۋمەن بولدىم. ءوزىم،  وسى جارىسقا بارىنشا جاعداي جاساۋعا قول ءۇشىن بەرگەن  قازاقستان رەسپۋبليكاسىنىڭ  ۇلتتىق ۇلان اسكەرىنىڭ  باس قولباسشىسى گەنەرال-لەيتەنانت ءرۇسلان جاقسىلىقوۆ پەن  «باتىس» ءوڭىرلىق قولباسشىلىعىنىڭ قولباسشىسى  گەنەرال-مايور الىبەك سەرالييەۆكە مىڭ ءبىر العىسىمدى بىلدىرەم.وسى كومانديرلەرىم  جارىسقا دايىندالۋىما  بارلىق جاعداي جاسادى.مىنەكي، ەندى  سونىڭ جەمىسىن كوردىم»، – دەدى نۇربول جارىستان كەيىن.

ايتا كەتەيىك، قاتارداعى جاۋىنگەر نۇربول سەرىكوۆ 1993 جىلى قازتالوۆ اۋدانىنىڭ اقپاتەر اۋىلىندا دۇنيەگە كەلگەن. العاشقى باپكەرى – جەڭىس ستامعازييەۆ. بۇگىنگى تاڭدا سەرىك  مەرزىمدىك  اسكەري قىزمەتىنىڭ ورال شاھارىندا ورنالاسقان 5517 اسكەري بولىمدە  ادال ابىرويمەن اتقارۋدا.

 ءسوز سوڭىندا ايتارىمىز، التىن مەدال قۇتتى بولسىن، اعايىن! الداعى ۋاقىتتا  نۇربول ءالى دە  جەڭىستەرىممەن بىزدەردى تالاي قۋانتادى،- دەگەن سەنىمدەمىز.