اقتاۋدا «نۇر وتان» پارتياسى ماڭعىستاۋ وبلىستىق فيليالىنىڭ ححVIII ەسەپ بەرۋ-سايلاۋ كونفەرەنسياسى ءوتتى. جيىندا ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى حالىققا جولداۋىندا ايتىلعان تاپسىرمالاردى جۇزەگە اسىرۋ بويىنشا پارتيانىڭ ءرولى تالقىلاندى.

كونفەرەنسيا جۇمىسىنا وبلىس اكىمى، «نۇر وتان» پارتياسى ماڭعىستاۋ وبلىستىق فيليالىنىڭ ءتوراعاسى ەرالى توعجانوۆ، «نۇر وتان» پارتياسىنىڭ حاتشىسى قانىبەك جۇماشيەۆ، «نۇر وتان» پارتياسى وبلىستىق فيليالى ساياسي كەڭەسىنىڭ مۇشەلەرى، پارتيا ارداگەرلەرى، «جاس وتان» جاستار قاناتىنىڭ مۇشەلەرى قاتىستى.

بۇگىندە وبلىستىق فيليال قۇرامىندا 158 باستاۋىش پارتيا ۇيىمى جانە 26 432 مۇشەسى بار. ۇسىنىلىپ وتىرعان باستامانىڭ ءبىرى پارتيانى جاڭعىرتۋ جانە ونىڭ قىزمەتىندە قازىرگى زامانعى تەحنولوگيالاردى قولدانۋعا باعىتتالعان.

2018 جىلدىڭ 10 ايىندا قوعامدىق قابىلداۋ بولىمدەرىنە 1677 ءوتىنىش كەلىپ تۇسكەن.

«پرەزيدەنتتىڭ بەس الەۋمەتتىك باستاماسىنىڭ» ماڭعىستاۋ وبلىسىندا ىسكە اسىرىلۋىن باقىلاۋ بويىنشا قوعامدىق كەڭەس قۇرىلعان. ەڭ وزەكتى ماسەلە «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» ءبىرىنشى الەۋمەتتىك باستاماداعى «7-20-25» باعدارلاماسىنا قاتىستى بولدى. قازىرگى تاڭدا وسى باعدارلامامەن ءوتىنىم بەرگەن 326 ادامنىڭ 212-cءىنىڭ وتىنىمىنە كەلىسىم بەرىلدى. نەسيە سوماسى 1 733 496 246 تەڭگەنى قۇرادى، دەمەك، 212 ادامنىڭ باسپانا الۋعا قولى جەتتى. ماڭعىستاۋ وبلىسى رەسپۋبليكا بويىنشا 3-ورىندا كەلەدى.

قانىبەك جۇماشيەۆ پارتيا تاراپىنان جاسالىپ جاتقان ىرگەلى ىستەر تۋرالى ايتتى.

- ەلباسى، «نۇر وتان» پارتياسىنىڭ ءتوراعاسى ن.نازاربايەۆتىڭ تاپسىرماسىمەن ەلىمىزدە ەكونوميكالىق، ساياسي جانە الەۋمەتتىك جاڭعىرۋ جۇزەگە اسىرىلىپ جاتىر. ءبىزدىڭ ساياسي ۇيىم وسى وزگەرىستەردىڭ بىرىنەن دە قالىس قالماي، ەلدى-مەكەندەردە ورىندالۋىنا زەر سالاتىنى انىق. پارتيانىڭ ءوز ىشىندە دە اۋقىمدى جاڭعىرتۋ جۇمىستارى باستالىپ كەتتى. سونىڭ ىشىندە ۋاقىت تالابىنا ساي سيفرلاندىرۋ ماڭىزدى ءرول اتقارادى، وسىعان كوبىرەك ءمان بەرىلۋى ءتيىس، - دەدى قانىبەك بەكبولات ۇلى.

كونفەرەنسيادا پارتيانىڭ وبلىستىق فيليالى ساياسي كەڭەسىنىڭ ەسەپتى مەرزىمدە اتقارعان جۇمىسى جانە باقىلاۋ-تەكسەرۋ كوميسسياسىنىڭ ەسەبى تىڭدالدى. ودان كەيىن جاڭادان وبلىستىق فيليالى ساياسي كەڭەسى، ساياسي كەڭەس

بيۋروسى جانە باقىلاۋ – تەكسەرۋ كوميسسياسىنىڭ مۇشەلەرى سايلاندى.

شارا بارىسىندا «نۇر وتان» پارتياسى ماڭعىستاۋ وبلىستىق فيليالى باقىلاۋ-تەكسەرۋ كوميسسياسىنىڭ ءتورايىمى،اقتاۋ قالالىق «ءبىلىم ۇيلەستىرۋ» ورتالىعىنىڭ سەكتور باسشىسى ادا كيم «نۇر وتان» پارتياسى ماڭعىستاۋ وبلىستىق فيليالى باقىلاۋ-تەكسەرۋ كوميسسياسىنىڭ جۇمىسى تۋرالى ەسەپ بەردى.

جەكە كاسىپكەر ساكەن قارجاۋبايەۆ مەملەكەت تاراپىنان كاسىپكەرلىكتىڭ دامۋىنا جاسالىپ جاتقان قولداۋدىڭ بارىن ايتىپ، ءوز كاسىبىن دوڭگەلەتەر جاستاردىڭ قاتارى ارتا تۇسەتىنىنە سەنىم ءبىلدىردى. سەبەبى كەلەر 2019 جىل «جاستار جىلى» بولىپ جاريالانادى، دەمەك جاستاردىڭ ماسەلەلەرى نازاردان تىس قالماسى انىق.

بيىلعى وبلىستىق بايقاۋعا 13 ۇيىم قاتىسىپ، ولاردىڭ 3ء-ى رەسپۋبليكالىق بايقاۋعا جولداما الدى. شارا اياسىندا «ەڭ ۇزدىك باستاۋىش پارتيا ۇيىمى» بايقاۋىنىڭ جەڭىمپازدارى ماراپاتتالدى.

ححVءىىى ەسەپ بەرۋ-سايلاۋ كونفەرەنسياسىنىڭ جۇمىسىن قورىتىندىلاعان«نۇر وتان» پارتياسى ماڭعىستاۋ وبلىستىق فيليالىنىڭ ءتوراعاسى، وبلىس اكىمى ەرالى توعجانوۆ كەلەر جىلى پارتيانىڭ 20 جىلدىعىن جوعارى دەڭگەيدە اتاپ وتۋگە شاقىردى. كونفەرەنسيا سوڭىندا «نۇروتان» پارتياسىنىڭ ءانۇرانى ورىندالدى.