بىرىككەن اراب امىرلىكتەرىنىڭ دۋباي قالاسىندا «Jumeirah Sound» ءىى حالىقارالىق فەستيۆال بايقاۋى ءوتتى.

بارلىق ونەر ءتۇرى بويىنشا جاسوسپىرىمدەر اراسىندا وتكەن بايقاۋدا تمد ەلدەرىنىڭ تالانتتى بالالارى مەن جاستارى باس قوستى.

ونەرپازداردىڭ جەكە تۇلعالىق، شىعارماشىلىق دامۋىن ماقسات ەتكەن سايىسقا ءتۇپقاراعان اۋدانىنىڭ ورەندەرى دە قاتىسۋ ءۇشىن 2 قاراشا كۇنى جولعا شىققان.

فەستيۆالدىڭ وتۋىنە مۇرىندىق بولعان «Chamber Academy of music» اكادەمياسى. ول استانا قالاسىنداعى قازاق ۇلتتىق ونەر اكادەمياسىنىڭ سەرىكتەستىگى.

ماڭعىستاۋدان سايىسقا 8 ونەرپاز بەن ولاردىڭ جەتەكشىلەرى اتتانعان بولاتىن. ولار بارلىق اتالىم بويىنشا جۇلدەلەردى قانجىعالارىنا بايلادى.

اتاپ ايتساق، «سازسىرناي» اتالىمى بويىنشا وزعانبايەۆا قارلىعاش 1 ورىن، «بەينەلەۋ ونەرى» اتالىمىندا تىلەكبايەۆا جاينا 1 ورىن، دومبىرادان ۇجىمدىق اسپاپتىق ورىنداۋدان «اقجەلكەن» ءانسامبلى گران-پري يەلەنگەن. جەكە دومبىرا ورىنداۋدان سۇندەتقالييەۆ جاسۇلان گران-پري، چەرۆونوۆ تەمىرلان 1 ورىن، ءالقۋاتوۆا ءمادينا، مولداعالي بەكايدار، قۇلجان سابينا، قاسىم قىزى رايحان 2 ورىن ەنشىلەدى.

بايقاۋعا ەلىمىزدەن ماڭعىستاۋ وبلىسىمەن قاتار، پەتروپاۆل، قىزىلوردا، استانا قالالىرىنىڭ ونەرپازدارى دا قاتىسقان.