جەڭىل سالماقتا ارالاس جەكپە-جەك فايتەرى، ەتنيكالىق قازاق دامير يسماعۇلوۆ UFC ۇيىمىمەن كەلىسىمشارت جاساتى، - دەپ حابارلايدى Qamshy.kz اقپارات اگەنتتىگى vesti.kz سايتىنىڭ دەرەگىن نەگىزگە الىپ. 

27 جاستاعى سپورتشى بارلىق جارىستا رەسەي اتىنان جۇدىرىقتاسادى. 

يسماعۇلوۆ م-1 اياسىندا جۇدىرىقتاسىپ، 18 جەكپە-جەكتىڭ ون التىسىندا جەڭىسكە جەتكەن. ونىڭ توعىزىن نوكاۋتپەن. سوڭعى رەت ول 15 ماۋسىم ورىنبوردا جۇدىرىقتاستى. العاشقى راۋندتىڭ ءتورتىنشى مينۋتىندا بەلورۋس ارتەم دامكوۆسكيي قارسىلاسى يسماعۇلوۆقا شابۋىلداپ، قولىن سىندىرىپ الادى دا، جەكپە-جەكتى جالعاستىرا المادى. وسىلايشا، يسماعۇلوۆ جەڭىل سالماقتا م-1 چەمپيوندىعىن قورعاپ قالدى. 

ءداميردىڭ UFC-دەگى العاشقى قارسىلاسىنىڭ ەسىمى جاقىن ارادا بەلگىلى بولادى.

ايتا كەتەيىك، يسماعۇلوۆ UFC-مەن كەلىسىمشارتقا وتىرعان العاشقى قازاق ەمەس. مۇنىڭ الدىندا قىتايدا وسكەن جۇمابەك تۇرسىن وسى ۇيمىممەن كەلىسىم جاساسقان ەدى.