قازاقستاندىق بوكسشى دانيار ەلەۋسىنوۆ (4-0، 2 كو) مونتە-كارلوداعى (موناكو) بوكس كەشى اياسىندا نيكاراگۋالىق ماركوس موحيكامەن جەكپە-جەك وتكىزدى دەپ جازادى Qamshy.kz اقپارات اگەنتتىگى sports.kz سايتىنىڭ دەرەگىن نەگىزگە الىپ.
جەكپە-جەك سەگىز راۋندقا ەسەپتەلگەن بولاتىن، ءبىراق مەرزىمىنەن بۇرىن اياقتالدى: ەلەۋسىنوۆ ءۇشىنشى راۋندتا تەحنيكالىق نوكاۋتپەن جەڭىسكە جەتتى.
نوكاۋت پەن جەكپە-جەكتىڭ تولىق ۆيدەوسىن نازارلارىڭىزعا ۇسىنامىز.
وسىلايشا، دانيار كاسىپقوي بوكستاعى بەسىنشى جەڭىسىنە قول جەتكىزدى، ونىڭ ۇشەۋىن مەرزىمىنەن بۇرىن اياقتادى. بۇعان دەيىن قازاق بوكسشىسى امەريكالىق نوا كيدتى (3-1-1، 2 كو) ءۇشىنشى راۋندتا، تاعى ءبىر اقش وكىلى مەتت دوەرتيدى (8-6-1، 4 كو) ءبىرىنشى راۋندتا تەحنيكالىق نوكاۋتپەن ۇتقان بولاتىن.
