اۋا رايىنىڭ بۇزىلۋىنا بايلانىستى سەنبىنىڭ كەشىنەن باستاپ استانا مەن بەس وبلىستا جولدار جابىلعان. قار ارالاس جاڭبىر، كوكتايعاق پەن ۇيىتقىعان جەلگە بايلانىستى استانادان قاراعاندى، قورعالجىڭ مەن قابانباي باتىر اۋىلىنا قاتىنايتىن اۆتوكولىك جولدارى جابىق تۇر دەپ حابارلايدى Qamshy.kz اقپارات اگەنتتىگى قالا اكىمدىگىنىڭ باسپا ءسوز قىزمەتىنىڭ دەرەگىن نەگىزگە الىپ. 

قاراشانىڭ 24ء-ى كۇنى ساعات 18:00-دە پاۆلودار وبلىسىندا رەسپۋبليكالىق جانە وبلىستىق ماندەگى ءبىرقاتار جولدار جابىلدى دەپ حابارلايدى قازاقپارات. "الماتى - وسكەمەن" (79-615 شاقىرىمى) جانە "سارىوزەك - كوكتال" (15-65 شاقىرىمى) باعىتىنداعى جولداردا كولىك قوزعالىسى توقتاتىلعان. جامبىل وبلىسىندا "الماتى - تاشكەنت - تەرمەز" اۆتوكولىك جولىنىڭ ايشا ءبيبى اۋىلىنان تۇركىستان وبلىسى شەكاراسىنا دەيىنگى جانە جامبىل وبلىسى شەكاراسىنان جاسكەشۋ اۋىلىنا دەيىنگى بولىگى جابىلعان.

سونىمەن بىرگە شىعىس قازاقستان جانە قاراعاندى وبلىستارىنداعى كەي جولداردا كولىك قوزعالىسىنا شەكتەۋ ەنگىزىلگەن.