اقتوبە وبلىسىندا 24 كۇن بۇرىن جوعالىپ كەتكەن كەنجەباي الداشيەۆتىڭ ءولى دەنەسى اقشات اۋىلى ماڭىنان تابىلدى.

«ەرىكتىلەر ەركەكتىڭ دەنەسىن ءبىر ساعات بۇرىن تاپتى. ءوزى ايتقانداي اقشات اۋىلى ماڭىنان تابىلدى. 24 كۇن بويى ىزدەدىك. ءتىپتى ءبىر كۇندى قۇر بوسقا وتكىزبەدىك، ەرىكتىلەرىمىز ىزدەۋ جۇمىستارىنا بەلسەنە ارالاستى. كوماندامىزدا 30 ادام بار. ال شاراعا 15 ادامعا دەيىن قاتىستى»، - دەدى 5 جەلتوقسان كەشكىسىن zello.poisk ەرىكتىسى ەكاتەرينا گولوتينا جۋرناليستەرگە بەرگەن سۇحباتىندا.

«ءبىز ول اۋدانعا بىرنەشە مارتە باردىق. تەك توتەنشە جاعداي جازباسىن ءبىر اپتا بۇرىن عانا ەستىدىك. جازبا قازاق تىلىندە بولعاندىقتان، ونى تولىق اۋداردىق. وسى اۋداننىڭ ءبىرى ەكەنىن ءتۇسىنىپ، ىزدەۋگە كىرىستىك»، - دەدى ەرىكتى.

ەسكە سالا كەتەيىك، كەنجەباي الداشيەۆ 9 قاراشا كۇنى ءىز-تۇسسىز جوعالىپ كەتتى. ول 112 نومىرىنە حابارلاسىپ، شۇڭقىرعا قۇلاپ، بۇتاقتان ۇستاپ قالعانىن ايتتى. ال اياقتارى شۇڭقىرداعى سۋعا كىرىپ تۇرعان. قۇتقۇرۋشىلار ىزدەۋگە شىققانىمەن ءبىر كۇندە تابا المادى. ەركەكتىڭ ءوزى سول كۇيى حابارسىز بولدى.