جۋرناليست، بلوگەر وركەن كەنجەبەكتىڭ قازاق ينتەرنەتىندە كونتەنت جاساۋشىلاردىڭ ءىىى فورۋمىندا ايتقانى:

حايپ جاساۋ مادەنيەتى قالىپتاستى. حايپ جاساعان 10 ادامنىڭ 9-ىن قامشىمەن ساباپ، 1-ىنە عانا ريزاشىلىق بىلدىرگىڭ كەلەدى. سەبەبى حايپ جاساۋشىلارعا تاعىلار ايىپ كوپ. نەگىزى، باستى پروبلەما - نەنىڭ حايپ، نەنىڭ حايپ ەمەس ەكەندىگىن اجىراتا الماۋ. ال، جالپى ءونىم، قىزمەت ساپالى، كوڭىلگە قوناتىن بولسا، حايپكە جۇگىنۋدىڭ قاجەتتىلىگى جوق. سەبەبى حايپتى كورگەن، وقىعان ادامدا سول ءونىم نە كومپانياعا دەگەن سەنىمى ۇلعايمايدى. بۇل نازاردى ۋاقىتشا اۋدارتۋ قۇبىلىسى. ءومىرى قىسقا، قىسقاسى. كەزىندە ەركىن راقىشيەۆ قورقىنىشتى كينو ءتۇسىرىپ كوردى. سوسىن باق-قا "مەنىڭ فيلمىمە مونتاج كەرەك ەمەس. ءبىر مونتاجيست "جاسايىن، ءبىراق تۇندە ەمەس دەپ ءوتىندى" دەپ سۇحبات بەردى ۇيالماي. ول كەزدە حايپ دەگەن تۇسىنىك جوق. شىن مانىندە، راقىشيەۆتىكى ناعىز حايپ بولدى. سەبەبى فيلم شىن مانىندە ناشار بولاتىن. وسىنداي اڭگىمە ارقىلى ول ءوز فيلمىنە نازار اۋدارىلعانىن قاتتى قالادى. ماجبۇرلىك ونى حايپ جاساۋعا يتەرمەلەدى. ال، ءقازىر حايپقا دەگەن قىزىعۋشىلىق بار. ءبارى حايپ جاساۋعا قۇمار. الايدا حايپتى كەرەك ۋاقىتىندا ۇتىمدى پايدالانا ءبىلۋ ماقسات. مىسالى، اۆياتا فۋرمانوۆ كوشەسىندەگى فيليالىنىڭ جارناماسىن بىلاي جاسادى: "ءبىز ەندى نازاربايەۆقا جۇمىس جاسايمىز". بۇل جاي عانا مىسال. جارناما رەتىندە قابىلداماڭىزدار. وزدەرىڭىز بىلەسىزدەر، سول ۋاقىتتا كوشەنىڭ اتاۋى نازاربايەۆ بولىپ وزگەرگەن بولاتىن. ولار سونى ۇتىمدى پايدالانا ءبىلدى.