باسەكلەستىك ورتاعا قۇنى 700 ميلليارد تەڭگە بولاتىن قور توبىنا ارنالعان ساتىپ الۋ ساناتتارى وتەدى.
«سامۇرىق-قازىنا» اق مەن ۇلتتىق كاسىپكەرلەر پالاتاسىنان بىرلەسكەن قولداۋ شارالارى وتاندىق وندىرۋشىلەردىڭ جاعدايىن جاقسارتۋعا كومەكتەسەدى. بۇل پىكىرىمەن ءماجىلىس دەپۋتاتى ازات پەرۋاشيەۆ ءبولىستى.
بۇرىن بۇقارالىق اقپارات قۇرالدارىندا ايتىلعانداي، «سامۇرىق-قازىنا» قورى مەن «اتامەكەن» ۇلتتىق كاسىپكەرلەر پالاتاسى قازاقستاندىق وندىرۋشىلەردى قولداۋ بويىنشا ىنتىماقتاستىق تۋرالى كەلىسىمگە قول قويدى. وسى مەموراندۋمنىڭ شەڭبەرىندە شامامەن 700 ميلليارد تەڭگە بولاتىن قور توبىنا ارنالعان ساتىپ الۋ ساناتتارى باسەكەلەستىك ورتاعا جىبەرىلەدى. سونىمەن قاتار، وندىرۋشىلەرمەن ۇزاق مەرزىمدى شارتتار جاساسۋ كوزدەلىپ وتىر.
«جالپى، ارينە،«سامۇرىق-قازىنا»جانە ۇكپ كۆازي-مەملەكەتتىك سەكتورعا بيزنەستىڭ قولجەتىمدىلىگىن قامتاماسىز ەتۋ نيەتىن قۇپتاۋ كەرەك. بۇدان بولەك، ءقازىر «مەملەكەتتىك ساتىپ الۋ جانە كۆازيمەملەكەتتىك سەكتورداعى ساتىپ الۋ تۋرالى» زاڭ ق ر پارلامەنتىنىڭ ماجىلىسىندە وزەكتى ماسەلە رەتىندە تۇر، وتاندىق ءونىم بەرۋشىلەرگە جەڭىلدىكتەردى قوسا العاندا، جەڭىلدىكتەرگە قاتىستى ءبىرقاتار تۇزەتۋلەر ەنگىزىلۋدە»، - دەدى ازات پەرۋاشيەۆ.
دەگەنمەن، ماجىلىسمەننىڭ ايتۋىنشا، مۇنداي تۇزەتۋلەرمەن ۇكىمەت ەاەو-نىڭ ەرەجەلەرىنە قايشى كەلەتىنىن ايتىپ كەلىسپەيدى. سونىمەن قاتار، ونىڭ ايتۋىنشا، كورشى رەسەيدە زاڭ بار، وندا رەسەي ءوندىرىسىنىڭ ونىمدەرى شارتتى باعا ارزانداۋى جانە باسقا دا ارتىقشىلىقتارى بار ەكەنى انىق ايتىلعان.
«سوندىقتان ءبىزدىڭ كاسىپكەرلەرىمىزدى كورە المايتىن ءبىزدىڭ ۇكىمەتتىڭ ۇستانىمىن تۇسىنبەيمىن. مۇمكىن، ۇكپ مەن «سامۇرىق-قازىنا» سياقتى ىنتىماقتاستىقتىڭ ارقاسىندا بۇل ماسەلە شەشىلەتىن بولادى»، - دەدى ازات پەرۋاشيەۆ.
