اقتوبەدە قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان «ماڭگىلىگىن مانەرلەگەن - ەلباسى» مەرەكەلىك شاراسى ءوتتى. شارا اياسىندا پرەزيدەنتتىڭ ءومىر جولى مەن ساياسي ءومىربايانىنىڭ نەگىزگى كەزەڭدەرى تەاترلاندىرىلعان-كونسەرت تۇرىندە كورسەتىلدى.
سالتاناتتى شاراعا وبلىس اكىمى بەردىبەك ساپاربايەۆ، وليمپيادا چەمپيونى جاقسىلىق ۇشكەمپىروۆ، قازاقستاننىڭ قوعام قايراتكەرلەرى مەن جۋرناليستەر، ءماسليحات دەپۋتاتتارى، ارداگەرلەر، قوعام، پارتيا، كاسىپورىندار، مەكەمە وكىلدەرى جانە ت.ب. قاتىستى.
وبلىس اكىمى قۇتتىقتاۋ سوزىندە قازاقستاننىڭ بارلىق جەتىستىگى ەلباسى نۇرسۇلتان ءابىش ۇلى نازاربايەۆتىڭ ەسىمىمەن تىكەلەي بايلانىستى ەكەنىن اتاپ ءوتتى.
- قۇرمەتتى قوناقتار، قۇرمەتتى جەرلەستەر! 27 جىل بۇرىن قازاقستاندىقتار العاش رەت تۇڭعىش پرەزيدەنتتەرىن سايلادى. وسى 27 جىلدىڭ ىشىندە ءبىز كوپتەگەن قيىندىقتاردى، داعدارىستى باستان وتكەرىپ، بەيبىتشىلىك پەن كەلىسىمدى ساقتاپ قالدىق، ەكونوميكالىق دامۋدا تەڭدەسسىز ۇمتىلىس جاساپ، الەمدەگى باسەكەگە قابىلەتتى ەلۋ ەلدىڭ قاتارىنا ەندىك، ازاماتتاردىڭ الەۋمەتتىك جاعدايىن قامتاماسىز ەتتىك. بۇگىندە ءبىزدىڭ ەل دۇنيە جۇزىنە تانىمال، حالىقارالىق ارەنادا بەدەلدى، ەڭ باستىسى – كوپۇلتتى قازاقستاندا بەيبىتشىلىك، بىرلىك پەن كەلىسىم بار. وسىنىڭ ءبارى مەملەكەت باسشىسى نۇرسۇلتان ءابىش ۇلى نازاربايەۆتىڭ كورەگەن ىشكى جانە سىرتقى ساياساتىنىڭ، ۇزدىكسىز ەڭبەگىنىڭ، بەدەلىنىڭ ارقاسى،-دەدى بەردىبەك ساپاربايەۆ قۇتتىقتاۋ سوزىندە.
- ءبىز، اقتوبەلىكتەر پرەزيدەنت ساياساتىن ءارقاشان قولدايمىز، ونىڭ تاپسىرمالارىن ورىندايمىز. وعان مەملەكەت باسشىسىنىڭ ءبىزدىڭ وبلىسقا جۋىردا جاساعان جۇمىس ساپارىندا اقتوبەلىكتەرگە بەرگەن جوعارى باعاسى دالەل. ءبىز ءارقاشان ءبىر بولۋىمىز كەرەك، ەگەر ءارقايسىسىمىز ەل بولاشاعىنا ءوز ۇلەسىمىزدى قوساتىن بولساق، نۇرسۇلتان ءابىش ۇلى نازاربايەۆتىڭ باسشىلىعىمەن ودان دا زور تابىسقا جەتەتىن بولامىز. بارلىعىڭىزدى وسى ۇلكەن مەرەكەمەن قۇتتىقتايمىن. ءارقايسىسىڭىزعا مىقتى دەنساۋلىق، ۇيلەرىڭىزگە اماندىق تىلەيمىن، ەلىمىزدە بەيبىتشىلىك پەن كەلىسىم بولسىن، پرەزيدەنتىمىز باسقارىپ وتىرعان گۇلدەنگەن قازاقستانىمىزدىڭ مەملەكەتتىك تۋى ماقتانىشپەن جەلبىرەسىن،-دەپ جالعاستىردى وبلىس اكىمى.
شارا كەزىندە قازاقستاننىڭ تۇڭعىش پرەزيدەنتىنىڭ اتىنا جىلى لەبىزدەر مەن ءسۇيىۋتى اندەر ايتىلدى.
بۇدان باسقا، «جومارت جۇرەك» سىيلىعىنىڭ وبلىستىق كەزەڭىنىڭ جەڭىمپازدارى اتانعان وبلىس مەسەناتتارى ماراپاتتالدى. ولاردىڭ بارلىعى دا ءوڭىر حالقىنا كومەك كورسەتىپ، وسىندا ءىرى قايىرىمدىلىق جوبالارىن جۇزەگە اسىرعان. وسىلايشا، ءبىلىم، مادەنيەت جانە الەۋمەتتىك سالالاردى دامىتۋعا ۇلەس قوسىپ، ومىردە قيىندىققا تاپ بولعان وتباسىلارعا قايىرىمدىلىق كومەك كورسەتكەنى ءۇشىن تالعات سالفيكوۆ «جىل مەسەناتى» اتاندى. «جىل ادامى» اتالىمىنا ايتەكە بي اۋدانىنىڭ قارابۇلاق اۋىلىندا ءبىرقاتار سپورتتىق جانە الەۋمەتتىك نىساندار سالعان جانە جوندەۋ جۇرگىزگەن قايرات قويلىبايەۆ يە بولدى. جەتىم بالالارعا جانە تۇرمىسى تومەن وتباسىلاردىڭ بالالارىنا كومەك كورسەتىپ، ينكليۋزيۆتى ورتانى قۇرۋعا ۇلەس قوسقانى ءۇشىن «قازاقستاننىڭ حالىق بانكى» اق وبلىستىق فيليالى «ۇزدىك جىل مەكەمەسى» اتاندى. بۇدان وزگە، ەرىكتىلەر قوزعالىسىن، ءبىلىم سالاسىن، تۋعان جەرىن، قايىرىمدىلىق مادەنيەتى مەن مەسەناتتىقتى دامىتۋعا قوسقان ۇلەسى ءۇشىن ەدىل ايماعامبەتوۆ، جانسەن كەرەيەۆ، باۋىرجان قوندىبايەۆ، تيمۋر ءامينوۆ، قارجاۋباي ءاليقۇلوۆ جانە اسحات قابييەۆ «جومارت جۇرەك» جوباسىنىڭ ءتۇرلى اتالىمدارىنىڭ لاۋرەاتتارى اتاندى. وبلىستىڭ بارلىق ەلدى مەكەندەرىندە تۇڭعىش پرەزيدەنت كۇنىنە ارنالعان 700 مادەني-بۇقارالىق، سپورتتىق مەرەكەلىك شارالار ءوتىپ جاتىر، سونىڭ جەتپىسى اۋقىمدى دەڭگەيدە. بەردىبەك ساپاربايەۆ اقتوبە وبلىسىنداعى شالعاي اۋىلداردىڭ حالقىن تۇڭعىش پرەزيدەنت كۇنىمەن قۇتتىقتادى
ق ر تۇڭعىش پرەزيدەنتى كۇنى اقتوبە وبلىسىنىڭ اكىمى بەردىبەك ساپاربايەۆ جۇمىس بابىمەن بايعانين اۋدانىندا بولىپ، وبلىس ورتالىعىنان شالعاي جاتقان اۋىلدارعا باردى، ولاردىڭ دامۋىمەن، جاڭا نىسانداردىڭ قۇرىلىسىمەن جانە اۋىل حالقىنىڭ تۇرمىسىمەن تانىستى.
بەردىبەك ساپاربايەۆ ەرتەمەن اقتوبەدەن 370 شاقىرىم جەردە ورنالاسقان جارقامىس اۋىلىنا كەلدى. اۋىل بيىل ورتالىقتاندىرىلعان اۋىز سۋمەن جابدىقتاۋ جۇيەسىمەن قامتىلعان بولاتىن. بۇل ماقساتقا مەملەكەت 230 ملن تەڭگەدەن استام قاراجات ءبولدى. قۇرىلىس 2017 جىلى تامىزدا باستالىپ، وسى جىلدىڭ قازان ايىندا اياقتالدى. وبلىس اكىمى سورعىلاۋ بەكەتىن، ۇڭعىمانى، ەلەكترمەن جابدىقتاۋدىڭ اۆتونومدى جۇيەسىن قاراپ شىقتى.
بايعانين اۋىلىندا 24 ەلدى مەكەننىڭ ونى ورتالىقتاندىرىلعان اۋىز سۋمەن قامتىلعان. ايتا كەتۋ كەرەك، بەس اۋىلعا بيىل سۋمەن جابدىقتاۋ جۇيەسى جۇرگىزىلدى، بۇل ميالى، ويماۋىت، كەمەرشي، ەبەيتى جانە جارقامىس اۋىلدارى.
اۋداندا ساپالى اۋىز سۋمەن قامتۋمەن قاتار، گازداندىرۋ جۇمىستارى دا بەلسەندى جۇرگىزىلىپ جاتىر. وسى جىلى كەمەرشى، بۇلاقتىكول، جاڭاتاڭ، جارلى اۋىلدارىندا گاز جۇيەلەرىنىڭ قۇرىلىسى باستالدى.
كەيىن وبلىس اكىمى جاڭادان اشىلعان «بوتاقان» بالاباقشاسىنا باردى. مەكتەپكە دەيىنگى مەكەمە مەملەكەتتىك تاپسىرىس اياسىندا جۇمىس جاسايدى جانە وسى جىلدىڭ قىركۇيەك ايىندا العاشقى تاربيەلەنۋشىلەرىن
قابىلدادى. مەكتەپكە دەيىنگى مەكەمەنىڭ بارلىق ستاندارتتارىنا ساي جابدىقتالعان جاڭا كەڭ عيمارات اۋىلداعى كونە شاعىن ورتالىقتى جابۋعا مۇمكىندىك بەردى. ايتا كەتەيىك، بۇگىندە بايعانين اۋدانى وبلىستىڭ باسقا دا اۋداندارى سەكىلدى بالاباقشامەن 100 % قامتىلعان.
وبلىس اكىمى سونداي-اق، Samruk KazynaTrust الەۋمەتتىك جوبالاردى دامىتۋ قورىنىڭ «مەنىڭ ەلىم» باعدارلاماسى اياسىندا سالعان بالالار ويىن الاڭىن قاراپ شىقتى. مۇندا بالالار ءۇشىن ۆوركاۋتپەن اينالىساتىن، جازدا فۋتبول - قىستا حوككەي وينايتىن الاڭ بار، بالالار الاڭى ورناتىلدى. جوبا قۇنى 58 ملن تەڭگە. Samruk KazynaTrust وسىنداي الاڭدى بيىل قاراۋىلكەلدى اۋىلىنا دا سالعان.
جارقامىستاعى ساپار 150 ورىندىق جاڭا مادەنيەت ءۇيىنىڭ سالتاناتتى اشىلۋىنا قاتىسۋمەن اياقتالدى. عيمارات اۋدان بيۋدجەتىنە تۇرعىزىلعان. جوبانى جۇزەگە اسىرۋعا بارلىعى 86 ملن تەڭگە سالىندى. مادەنيەت ۇيىندە وبلىس اكىمى اۋىل تۇرعىندارىمەن اڭگىمەلەسىپ، تۇڭعىش پرەزيدەنت مەرەكەسىمەن قۇتتىقتادى.
- سىزدەر ەلباسىنىڭ اۋىلداردى دامىتۋعا قانشالىقتى كوڭىل ءبولىپ جاتقانىن بىلەسىزدەر. پرەزيدەنت جۋىرداعى جولداۋىندا «اۋىل – ەل بەسىگى» ارنايى جوباسىنىڭ باستالعانىن جاريالادى. سونىڭ اياسىندا اۋىلدىق اۋماقتاردىڭ الەۋمەتتىك ورتاسىن جاڭعىرتۋ تاپسىرمالارى بەرىلدى. مەملەكەت ءبىر عانا جارقامىس اۋىلىن دامىتۋعا 500 ميلليون تەڭگە ءبولدى. سونىڭ ارقاسىندا اۋىل سۋمەن قامتىلدى، گاز بەن جارىق بار. ەندى ءبارى سىزدەرگە بايلانىستى. جانۇيالارىڭىز بەن تۋعان اۋىلدارىڭىزدىڭ يگىلىگى ءۇشىن ەڭبەكتەنىڭىزدەر، بالالارىڭىزدى ەڭبەككە، ادەپتىلىككە ۇيرەتىڭىزدەر. ەڭبەك پەن جوعارى ينتەللەكتۋالدى، رۋحاني باي قوعام – بولاشاق ۇرپاقتىڭ يگىلىگى مەن ەل كەلەشەگىنىڭ كەپىلى. بۇگىن مەن سىزدەردى تۇڭعىش پرەزيدەنت كۇنىمەن، سونىمەن قاتار مادەنيەت ءۇيىنىڭ اشىلۋىمەن قۇتتىقتايمىن. مىقتى دەنساۋلىق، وتباستارىڭىزعا بەرەكە، ەلىمىزدە بەيبىتشىلىك پەن كەلىسىم بولسىن دەپ تىلەيمىن،-دەدى بەردىبەك ساپاربايەۆ.
بۇرىنعى مادەنيەت ءۇيى 1957 جىلى سالىنعان، ال بەس جىل بۇرىن عيمارات اپاتتى جاعدايدا دەپ تانىلدى. سالدارىنان بالالاردىڭ بارلىق ۇيىرمەسى مەكتەپتە ءوتتى. اۋىل تۇرعىندارى بىلتىر بيلىكتەن جاڭا مادەنيەت ءۇيىن سۇراعان بولاتىن. جاڭا مادەنيەت ۇيىندە ەندىگى بيمەن، سۋرەت سالۋمەن، قولدانبالى ونەرمەن جانە ت.ب. اينالىساتىن كابينەتتەر بار. جۇزگە جۋىق بالا ۇيىرمەگە باراتىن بولادى.
بايعانين اۋدانىنداعى جۇمىس ساپارى قوجاساي كەن ورنىندا جالعاستى. مۇندا وبلىس اكىمى قۇنى 42 ملرد تەڭگە بولاتىن Gas Processing Company ءجشس-نىڭ گاز وڭدەۋ كەشەنىن پايدالانۋعا بەرۋ ءۇشىن دايىندىق بارىسىن تەكسەردى. كاسىپورىن جىل سايىن 350 ملن تەكشە مەتر ىلەسپە گاز وڭدەپ، ونى قۇرعاق تاۋارلى گازعا، گازدى كۇكىرتكە، پروپانبۋتان قوسپاسىنا اينالدىرادى. قۇرىلىس كەزىندە 1500 ادام جۇمىسپەن قامتىلدى، پايدالانۋعا بەرىلگەن سوڭ 250 ادام تۇراقتى جۇمىسقا ورنالاسادى.
مەرەكە اياسىندا «تاۋەلسىزدىك جانە تۇڭعىش پرەزيدەنت» كىتاپ كورمەسى مەن «ۇلت تىرەگى — ەلباسى» فوتوكورمەسى اشىلدى.
«كورمەدە كىتاپحانا قورىنداعى پرەزيدەنت نازاربايەۆتىڭ قازاقستان تۋرالى، تاۋەلسىزدىك جىلدارىنداعى جەتىستىكتەر تۋرالى كىتاپتارى كورەرمەن نازارىنا ۇسىنىلىپ وتىر. ەلباسىنىڭ تاعدىرى قازاقستاننىڭ جانە تاۋەلسىزدىكتىڭ تاعدىرىمەن تىكەلەي بايلانىستى. ودان بولەك، نازاربايەۆتىڭ بوس ۋاقىتىندا ءسۇيىپ وقيتىن كىتاپتارى دا قويىلدى. فيلوسوف سەنەكادان ەلباسى ءجيى دايەكسوز كەلتىرەدى. سۇيىكتى اۆتورلار تىزىمىندە اباي قۇنانباي ۇلى، ساكەن سەيفۋلليندەر بار»، — دەدى ق ر ۇلتتىق اكادەميالىق كىتاپحاناسى ديرەكتورىنىڭ ورىنباسارى ءاليا قوجابەكوۆا.
«ۇلت تىرەگى — ەلباسى» فوتوكورمەسىندە «كازاحستانسكايا پراۆدا» گازەتىنىڭ ءفوتوتىلشىسى يگور بۋرگاندينوۆتىڭ، «ايقىن» گازەتىنىڭ ءفوتوتىلشىسى ايتجان مىرزانوۆتىڭ، «ليتەر» گازەتىنىڭ ءفوتوتىلشىسى سوۆەتبەك ماعزۇموۆتىڭ، «دەلوۆوي كازاحستان» گازەتىنىڭ ءفوتوتىلشىسى تالعات عالىموۆتىڭ جۇمىستارى قويىلدى.
«ەلباسى نۇرسۇلتان نازاربايەۆتىڭ 1997 جىلدان بەرى ءتۇسىرىپ كەلە جاتىرمىن. ءوزىم ءار جىلدارى «قازاقپارات» اگەنتتىگىندە، «ستوليچنوە وبوزرەنيە» گازەتىندە، «قازاقستان تەمىرجولشىسى»، «ستوليچنايا جيزن»، «ايقىن» باسىلىمدارىندا جۇمىس ىستەدىم. جۇمىس بارىسىندا پرەزيدەنتتى تۇسىرگەن سۋرەتتەرىم كوپ. سولاردىڭ اراسىنان ەڭ ۇزدىك 8 سۋرەتىمدى ىرىكتەپ، بۇگىنگى كورمەگە قويدى. جاس فوتوتىلشىلەرگە ايتارىم، بەدەلدى ادامدار قاتىساتىن شارالاردا ۋاقىت وتە تىعىز بولادى. سول از ۋاقىتتا مومەنتتى ءتۇسىرىپ ۇلگەرۋ كەرەك. كادردا ادامداردىڭ كوزقاراسى جانە كۇلىپ تۇرعانى ماڭىزدى. جارىقتىڭ دۇرىس ءتۇسۋىن دە قاداعالاۋ كەرەك»، — دەپ كەڭەس بەردى ايتجان مىرزانوۆ.
ايتا كەتەيىك، بيىل قازاقستان حالقى جەتىنشى رەت رەسپۋبليكامىزدىڭ تۇڭعىش پرەزيدەنتى كۇنىن اتاپ وتەدى. 2011 جىلدىڭ 10 جەلتوقسانىندا ق ر پارلامەنتى سەناتى دەپۋتاتتارىنىڭ باستاماسىمەن 1 جەلتوقسان — قازاقستان رەسپۋبليكاسىنىڭ تۇڭعىش پرەزيدەنتى كۇنى دەپ بەلگىلەندى.
