اقتوبە وبلىسىنىڭ مارتوك اۋدانىندا «باستاۋ» جوباسى بويىنشا ءبىلىم العان تۇلەكتەردىڭ العاشقى سلەتى وتكىزىلدى. جيىنعا جوبانى بيىل جانە الدىڭعى جىلعى تۇلەكتەرى، اۋدان اكىمدىگىنىڭ، «اتامەكەن» كاسىپكەرلەر پالاتاسىنىڭ، قارجى ينستيتۋتتارىنىڭ وكىلدەرى جانە جەرگىلىكتى تۇرعىندار قاتىستى.
سلەتتى اۋدان اكىمىنىڭ ورىنباسارى بەكبولات سارسەنبايەۆ اشىپ، جوبانىڭ ءوڭىر ەكونوميكاسىن دامىتۋداعى ماڭىزىن اتاپ ءوتتى. شارانى ۇيىمداستىرۋشىلار «باستاۋ» جوباسى بويىنشا كاسىپكەرلىك ءبىلىم العان تۇلەكتەردىڭ بىر-بىرىمەن تانىسىپ، تاجىريبە الماسۋىن ماقسات تۇتقان.
-«باستاۋ» - ەڭ الدىمەن اۋىل تۇرعىندارىنىڭ الەۋمەتتىك بەلسەندىلىگىن ارتتىرۋ ءۇشىن جاسالعان جوبا. بۇگىنگى كۇنى باعدارلاما العاشقى ناتيجەلەرىن بەرە باستادى. جوبا بويىنشا وقۋدان ءوتىپ، كاسىپ اشقان جانداردىڭ قاتارى كوبەيىپ كەلەدى. بيىل مارتوك اۋدانى جوسپاردى ارتىعىمەن ورىنداپ، الدىڭعى قاتاردان كورىنىپ وتىر. باعدارلاما تۇلەكتەرىنە «باستاۋ» جوباسىنىڭ مۇمكىندىكتەرىنە سەنىم بىلدىرگەندەرى ءۇشىن العىس ايتا وتىرىپ، ولاردىڭ بيزنەس جوبالارىنا ءارى قاراي دا قولداۋ بىلدىرە بەرەتىنىمىزدى ايتقىم كەلەدى،-دەدى «اتامەكەن» كاسىپكەرلەر پالاتاسى ديرەكتورىنىڭ ورىنباسارى جاڭاايىم كەلباتىروۆا.
«باستاۋ» جوباسى اياسىندا وبلىستا بيىل 2 231 ادام كاسىپكەرلىك نەگىزدەرىن وقىپ، ونىڭ 460-سى قارجى ينستيتۋتتارى ارقىلى 1 105 ملن تەڭگە كولەمىندە نەسيە قاراجاتىن راسىمدەگەن جانە 901ء-ى گرانت بويىنشا، 5 –ءۋى ەكىنشى دەڭگەيلى بانك ارقىلى قارجى الىپ، كاسىپتەرىن باستادى. جوبانىڭ العاشقى تۇلەكتەرىنىڭ ءبىرى – مارتوك اۋدانىنىڭ تۇرعىنى ەركىناي ورازىمبەتوۆا. ول «اۋىل شارۋاشىلىعىن قولداۋ قورى» ارقىلى 1،5 ملن تەڭگە نەسيە الىپ، 14 باس باسپاق ساتىپ الىپ، ونى كوبەيتىپ، كەيىن ەشكى شارۋاشىلىعىن قولعا الدى. بۇگىنگى كۇنى اۋدان ورتالىعىنداعى «اياگوز» ەشكى شارۋاشىلىعىنىڭ قايماق، ىرىمشىك، شۇبات سەكىلدى ونىمدەرى جەرگىلىكتى تۇرعىندار اراسىندا ۇلكەن سۇرانىسقا يە بولىپ وتىر.
- جوبانى ۇيىمداستىرۋشى «اتامەكەن» كاسىپكەرلەر پالاتاسىنا ۇلكەن العىسىمدى بىلدىرەمىن. ءوزىم كوپ بالالى انا بولا وتىرىپ، ءبىلىم الىپ، كاسىپتىڭ كوزىن اشۋعا مۇمكىندىك الدىم. قازىرگى كەزدە ۇلكەن 2 بالامدى اقتوبە قالاسىنداعى اۋىلشارۋاشىلىعى كوللەدجىنە وقۋعا بەرىپ، ولار بىتىرگەن سوڭ، شارۋاشىلىعىمدى ۇلكەن كەشەنگە اينالدىرسام دەيمىن. وعان اۋداندا بارلىق مۇمكىندىك بار. باستىسى مەن كاسىپتى ساۋاتتى جۇرگىزۋدى ۇيرەندىم،-دەيدى ەركىناي ورازىمبەتوۆا
سلەت كەزىندە «اۋىلداعى بيزنەستى جۇرگىزۋ الەۋەتى»، «ءوزىن-وزى جۇمىسپەن قامتىعانداردى ەكونوميكالىق اينالىمعا جۇمىلدىرۋ» تاقىرىبىنداعى باياندامالار جاسالىپ، تۇلەكتەردىڭ جۇزەگە اسىرىلعان جوبالارى تۋرالى بەينە روليكتەر كورسەتىلدى. شارا بارىسىندا اۋدان اكىمىنىڭ، كاسىپكەرلەر پالاتاسىنىڭ اتىنان ۇزدىك جوبا يەلەرى العىس حاتتارمەن ماراپاتتالدى. شارا جوبا تۇلەكتەرىنىڭ ونىمدەرى قويىلعان جارمەڭكەگە ۇلاستى.
- سلەتتى ۇيىمداستىرۋداعى ماقساتىمىز جوبانى بىتىرگەن تۇلەكتەردىڭ بىر-بىرىمەن تاجىريبە الماسىپ، جەتىستىكتەرىمەن بولىسۋىنە، بىر-بىرىمەن تىعىز بايلانىس ورناتۋىنا ىقپال جاساۋ بولدى. «باستاۋ» جوباسىنىڭ نەگىزگى يدەياسى -كاسىپكەرلەردىڭ سانىن كوبەيتىپ، جۇمىسسىزدىقتى جويۋ، -دەيدى وڭىرلىك كاسىپكەرلەر پالاتاسىنىڭ مارتوك اۋداندىق فيليالىنىڭ ديرەكتورى ايگۇل باۋبەكوۆا.
جوبا تۇلەكتەرىنە ارنالعان سلەت رەسپۋبليكا بويىنشا العاش رەت وتكىزىلدى. سلەتكە قاتىسۋشىلار مۇنداي شارالاردىڭ جاڭا مۇمكىندىكتەرگە جول اشاتىنىن جانە اۋىل كاسىپكەرلەرىنە ەرەكشە جىگەر بەرەتىنىن ايتتى.
ايتا كەتەيىك، قازاقستاندا العاش رەت بيزنەس سالاسىنا قاتىستى «نەگىزىن سالۋشىلار» – «وسنوۆاتەلي» اتتى رەاليتي-شوۋ جوباسى قولعا الىندى. اتالعان جوباعا قاتىسامىن دەگەن ازاماتتاردان ءوتىنىم قابىلداۋ 2018 جىلدىڭ 18 قازانىنان باستالعان بولاتىن.
«نەگىزىن سالۋشىلار» – «وسنوۆاتەلي» قازاقستانداعى YouTube ارناسىنا شىعارىلاتىن العاشقى شىنايى بيزنەسشوۋ جوباسى بولىپ تابىلادى.
جوبا قازاقستانداعى شاعىن جانە ورتا بيزنەستىڭ دامۋى ءۇشىن جاستار اراسىندا بيزنەستى باستاۋ جانە ىسكە قوسۋ ىسىنە قىزىعۋشىلىقتى ارتتىرۋ ارقىلى العىشارتتار جاساۋعا باعىتتالعان. «نەگىزىن سالۋشىلار» جوباسى تولىعىمەن جەكە جوبا بولىپ تابىلادى. ونىڭ مەملەكەتتىك ۇيىمدارمەن ەشقانداي قاتىسى جوق. دەگەنمەن، جوبانىڭ ماڭىزدىلىعىنا بايلانىستى قازاقستان اقپارات جانە كوممۋنيكاسيالار ميءنيسترى داۋرەن ابايەۆ ونى قولدايتىنىن مالىمدەدى. د.ابايەۆ اتالعان جوبانىڭ باستالۋىنا وراي «بيزنەس – كەز كەلگەن ەكونوميكانىڭ نەگىزى بولىپ تابىلادى. ول حالىقتىڭ ءال-اۋقاتىن ارتتىرۋدى قامتاماسىز ەتەدى، ال كاسىپكەرلەر ورتا تاپتىڭ نەگىزىن قۇرايدى. قازىرگى تاڭدا قازاقستاندا بيزنەستى قولداۋعا، دامىتۋعا ۇلكەن كۇش جۇمسالىپ وتىر»، دەدى. ونىڭ ايتۋىنشا، «نەگىزىن سالۋشىلار» – «وسنوۆاتەلي» اتتى بۇل جاڭا جوبا جاستاردىڭ بيزنەس باستامالارىن قولداۋعا باعىتتالعان يگى قادام بولىپ تابىلادى. سونداي-اق مينيستر اتالعان جوبانىڭ قازاقستاندىقتار ءۇشىن تابىسقا جەتۋدىڭ، يگىلىكتى ىستەردىڭ باستاۋ الاتىن الاڭىنا اينالاتىنىنا سەنىم ءبىلدىردى.
