ماڭعىستاۋدا وبلىسىنداعى ولكەمەن اتتاس ءبىر اۋدان مەن بىرنەشە اۋىلدىڭ بار ەكەندىگى، ولاردىڭ اتاۋىن وزگەرتۋ تۋرالى ماسەلە بۇعان دەيىن بىرنەشە رەت كوتەرىلگەن. وسى ماسەلە شەشىمىن تاۋىپ، مۇنايلى اۋدانىنداعى «ماڭعىستاۋ» اتتى 5 اۋىلدىڭ اتاۋى وزگەردى، — دەپ حابارلايدى qamshy.kz پورتالى mangystaumedia.kz سايتىنا سىلتەمە جاساپ.

مۇنايلى اۋدانى اكىمدىگىنىڭ حابارلاۋىنشا، اۋىلداردىڭ اتاۋى ماڭعىستاۋ وبلىستىق ونوماستيكا كوميسسياسىنىڭ شەشىمىمەن اۋىلدارعا تومەندەگىدەي اتاۋلار بەرىلگەن: ماڭعىستاۋ 1 – اق ەسپە؛ ماڭعىستاۋ 2 – بوزجىرا؛ ماڭعىستاۋ 3 – ايراقتى؛ ماڭعىستاۋ 4 – شەرقالا؛ ماڭعىستاۋ 5 – بەسشوقى.

ەستەرىڭىزگە سالا كەتەيىك، اۋىلداردىڭ اتاۋىنىڭ قايتالاناتىنى ماڭعىستاۋ وبلىسى اكىمىنىڭ تۇرعىندارمەن ەسەپتىك كەزدەسۋىندە دە كوتەرىلىپ، مۇنايلىداعى ماڭعىستاۋ-1،2،3،4،5 اۋىلدارىنىڭ اتاۋىن وزگەرتىپ، بەلگىلى تۇلعالاردىڭ اتىن بەرۋدى ۇسىنعان ەدى. سول كەزدە مۇنايلى اۋدانىنىڭ اكىمى قىزمەتىن اتقارعان ن. تاجىبايەۆ وناماستيكا كوميسيياسىنا «اقەسپە»، «بوزجىرا» سەكىلدى جەر-سۋ اتاۋلارى ۇسىنىلعانىن ايتقان بولاتىن.