ق ر ۇلتتىق اكادەميالىق كىتاپحاناسىندا قازاقستاننىڭ حالىق جازۋشىسى، مەملەكەت جانە قوعام قايراتكەرى ءابىش كەكىلباي ۇلى اتىنداعى جاڭا وقۋ زالىنىڭ سالتاناتتى اشىلۋ كەشى ءوتتى دەپ حابارلايدى qamshy.kz وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

وقۋ زالىنىڭ قورى جازۋشىنىڭ كىتاپحانا كوللەكسياسىنان ىرىكتەلگەن جەكە كىتاپحاناسىنىڭ كاتالوگى بويىنشا ادەبيەتتەردى ۇسىنادى. اتاپ ايتساق، ادامزات تاريحىنا ارنالعان مادەنيەت جانە ونەر تاريحى تۋرالى باسىلىمدار، پلانەتانىڭ ۇلى تۇلعالارى تۋرالى كىتاپتار، قازاقستاننىڭ اقىندارى مەن جازۋشىلارىنىڭ كىتاپتارى، البومدار مەن اتلاستار، قازاقستاننىڭ گەوگرافياسى مەن تاريحى جانە ونىڭ شاعىن وتانى – ماڭعىستاۋداعى الماناحتار مەن كوپتەگەن قىزىقتى باسىلىمدار. كوللەكسيادا بارلىعى 6019 باسىلىم ۇسىنىلىپ وتىر، ونىڭ ىشىندە 5 883 كىتاپ، 134 دانا CD جانە DVD ديسكىلەرىندەگى بەينەفيلمدەر مەن اۋديو كىتاپتار جانە 2 بيبليوگرافيالىق بروشيۋرا بار.

ءىس-شارا بارىسىندا ءا.كەكىلباي ۇلىنىڭ جەكە كىتاپحاناسى قورىنداعى قالامگەرلەردىڭ قولتاڭبا كوللەكسيالارىنىڭ جيناعى بويىنشا جارىق كورگەن «قالامگەر قولتاڭباسى» كىتابى تانىستىرىلدى.

ءقازىر وقىرمانداردىڭ سۇرانىسىنا بايلانىستى ق ر ۇلتتىق اكادەميالىق كىتاپحاناسى جازۋشىنىڭ «اڭىزدىڭ اقىرى» كىتابىن فرانسۋز جانە جۇڭگو تىلدەرىنە اۋدارىپ جاتىر.

ق ر ۇلتتىق اكادەميالىق كىتاپحاناسى بازاسىنداعى قازاقستاننىڭ ۇلتتىق ەلەكتروندى كىتاپحاناسىنىڭ ۆەب-پورتالىندا جازۋشىمەن اۆتورلىق كەلىسىم-شارت جاسالىنىپ، كىتاپتارى وقىرماندارعا قولجەتىمدى بولىپ وتىر. ونىڭ بىرنەشە كىتاپتارى سيفرلىق فورماتقا ءوتتى: «شىڭىراۋ»، «ەلەڭ-الاڭ»، «قۇس قاناتى»، «دالا باللادارى»، «ماحاببات مۇناراسى»، «زامانمەن سۇحبات»، «حانشا داريا حيكاياسى».

50-دەن استام كىتاپتىڭ اۆتورى ءابىش كەكىلبايەۆ گ.موپاسساننىڭ «پەر جانە جان»، «ءومىر»، ش. ايتماتوۆتىڭ «راننيە جۋراۆلي» روماندارىن اۋدارعان. ل. تولستويدىڭ «سوعىس جانە بەيبىتشىلىك» ەپيكالىق رومانىنىڭ اۋدارماسىنا قاتىسقان. ونىڭ اۋدارعان ۆ. شەكسپيردىڭ «رومەو مەن دجۋلەتتا»، «كورول لير»، ك. گوسسيدىڭ «حانشايىم تۋراندوت»، م.كارىمنىڭ «ايدىڭ تۇتىلۋ ءتۇنى»، م. ءفريشتىڭ «دون حۋان نەمەسە گەومەترياعا دەگەن سۇيىسپەنشىلىگى»، گ. يبسەننىڭ «ەلەس»، ا.ۆالەحونىڭ «بۇگىن مەرەكە» شىعارمالارى رەسپۋبليكالىق تەاترلاردىڭ رەپەرتۋارىندا قويىلىپ ءجۇر. بۇل جۇمىستار كوپ تومدىق باسىلىمدار مەن جيناقتاردا ۇسىنىلعان.

اتالمىش زال ق ر پرەزيدەنتى ن.ءا.نازاربايەۆتىڭ «بولاشاققا باعدار:رۋحاني جاڭعىرۋ» اتتى باعدارلامالىق ماقالاسىن ىسكە اسىرۋ اياسىندا ق ر مادەنيەت جانە سپورت مينيسترلىگىنىڭ قولداۋىمەن اشىلدى.