«MEN QAZAQPYN» رەسپۋبليكالىق مەگا-جوباسىنىڭ «ءداستۇرلى ءان» اتالىمى بويىنشا باس جۇلدەسى ماڭعىستاۋلىق ونەرپاز الپىسبەك وڭايبايۇلىنا بۇيىردى. ەلورداداعى قازاق ۇلتتىق ونەر ۋنيۆەرسيتەتىنىڭ ستۋدەنتى بيىل جوباعا ەكىنشى رەت قاتىسقان.

جوبانى «قازاقستان» تەلەراديو كورپوراسياسى اقپارات جانە كوممۋنيكاسيالار مينيسترلىگىنىڭ قولداۋىمەن وتكەن جىلى دا ۇيىمداستىرعان. ول كەزدە «جىر-تەرمە» اتالىمى بويىنشا دا ماڭعىستاۋلىق وسپان قۇلسىماق جەڭىسكە جەتكەن ەدى.

مەگا-جوبادا 1500 ونەرپاز ب ا ق سىناعان. اقتىق سىنعا 49 ۇمىتكەر ءوتىپ، تەليەۆيزيالىق تۇسىرىلىمگە جولداما العان. ولاردىڭ اراسىندا رەسەيدەن كەلگەن ەكى ونەرپاز جانە جاپونيادان كەلگەن ءبىر قاتىسۋشى بار.

بايقاۋ قورىتىندىسىندا قازىلار «ۇزدىك ءداستۇرلى ءانشى» نوميناسياسى بويىنشا باس جۇلدەنى ەكىگە ءبولدى. ءسويتىپ الپىسبەك وڭايباي ۇلى مەن راۋان الىمبايەۆ جەڭىستى ءبولىپ الدى. ال «ۇزدىك تەرمەشى» نوميناسياسىمەن — كۇنسۇلۋ تۇركپەن، «ۇزدىك كۇيشى» نوميناسياسى بويىنشا — جانىبەك جامييەۆ ماراپاتتالدى.