بۇگىندە اقتاۋ قالاسى بويىنشا جاڭا شاعىناۋداندارداعى 24 جەر تەلىمىندە سالىنىپ جاتقان تۇرعىن ۇيلەردىڭ جارتىسى «7-20-25» باعدارلاماسى بويىنشا بەرىلمەك. بۇعان دەيىن باعدارلاما اياسىندا ەكىنشى دارەجەلى بانكتەرگە 2 ملرد. 872 ملن. تەڭگە بولاتىن 371 ءوتىنىم ءتۇسىپ، 235ء-ى ماقۇلدانعان. بۇل جونىندە ماڭعىستاۋ وبلىسى قۇرىلىس باسقارماسى ءبولىم باسشىسى يمامماحمۋد شاعىربايەۆ مالىمدەدى دەپ حابارلايدى mangystaumedia.kz.

قازىرگى تاڭدا ماڭعىستاۋ وبلىسى «7-20-25» باعدارلاماسىن ىسكە اسىرۋدا الماتى مەن استانا قالالارىنان كەيىنگى ءۇشىنشى ورىندا.

«7-20-25» باعدارلاماسى بويىنشا 8 بانك جۇمىس ىستەيدى. ونىڭ ىشىندە 5 بانك نەسيە بەرىپ جاتىر. ولار: «اتف»، «سەسنا»، «سەنتر كرەديت»، «ربك» جانە حالىق بانكى.

«باستى تالاپتاردىڭ ءبىرى – كليەنتتىڭ اتىندا ءۇيى جانە تولەنىپ جاتقان نەسيەسى بولماۋى كەرەك. اتىنداعى ءۇيىن بۇگىن ساتىپ، ەرتەسىنە باعدارلاماعا قاتىسۋىنا بولادى»، — دەيدى «اتف بانك» ماڭعىستاۋ وبلىستىق فيليالىنىڭ ديرەكتورىنىڭ ورىنباسارى جاسۇلان سارپىقوۆ.

جىل سوڭىنا دەيىن 1500 پاتەر قولدانىسقا بەرىلەدى دەپ كۇتىلۋدە.

سونداي-اق ماماندار «7-20-25» باعدارلاماسىنا جەكە كاسىپكەرلەر قاتىسا المايتىنىن ايتادى. 21 جاستان جوعارى ازاماتتار باعدارلاماعا قاتىسۋعا قۇقىلى. نەسيە مەرزىمى زەينەتكە شىعاتىن جىلىنا دەيىن (ەر ادام 63، ايەل ادام 58 جاس) ەسەپتەلەدى. ماسەلەن، 55 جاستاعى ايەل ادام 3 جىلعا دەيىن الا الادى.