ماڭعىستاۋ وبلىسى اكىمىنىڭ قوس ورىنباسارى تاعايىندالدى. ق ر پرەزيدەنتى اكىمشىلىگىنىڭ كەلىسىمىمەن، وبلىس اكىمىنىڭ وكىمىنە سايكەس، ماڭعىستاۋ وبلىسى اكىمىنىڭ ورىنباسارلارى قىزمەتىنە نۇرداۋلەت يگىلىك ۇلى قيلىباي جانە وركەن سەرىكقالي ۇلى بيساقايەۆ كەلدى. بۇل جونىندە اكىمدىكتىڭ باسپا ءسوز قىزمەتى حابارلادى.

نۇرداۋلەت يگىلىك ۇلى قيلىباي 1978 جىلى ماڭعىستاۋ وبلىسى بەينەۋ اۋدانىندا دۇنيەگە كەلگەن، ءبىلىمى جوعارى، «تاسىمالداۋدى ۇيىمداستىرۋ جونىندەگى ينجەنەر»، «قارجى جانە قارجى قۇقىعى» ماماندىقتارى بويىنشا بىتىرگەن. 2018 جىلى اقش بوستون قالاسىندا Stafford House حالىقارالىق مەكتەبىندە ءبىلىم العان. قيلىباي نۇرداۋلەت يگىلىك ۇلى جوعارى كاسىبي دايىندىقتان وتكەن، باسشى لاۋازىمدارداعى ەڭبەك تاجىريبەسى جەتكىلىكتى. ەڭبەك جولىن 1999 جىلى ماڭعىستاۋ تاسىمالداۋ بولىمشەسى ستانسياسىنىڭ كەزەكشىسى قىزمەتىنەن باستاعان. كەيىن استانا ستانسياسىندا كىرمە جولدارى بويىنشا جۇكتەردى قابىلداپ-تاپسىرۋشى، «قتج» ۇك» اكسيونەرلىك قوعامىنىنىڭ باس مامانى، ءبولىم باستىعى، ماگيسترالدى جەلىلەر ديرەكسياسى باسقارۋشىسىنىڭ كومەكشىسى قىزمەتتەرىندە بولدى. 2005 - 2009 جىلدار ارالىعىندا قازاقستان رەسپۋبليكاسى كولىك جانە كوممۋنيكاسيالار مينيسترلىگىنىڭ كولىك جانە قاتىناس جولدارى كوميتەتىنىڭ ءبولىم باستىعى، باسقارما باستىعى، ءتوراعانىڭ ورىنباسارى. 2009 – 2010 جىلدارى «ۆوكزال-سەرۆيس» اق پرەزيدەنتى، «قتج» ۇك» اق جولاۋشىلاردى تاسىمالداۋ جونىندەگى باسقارۋشى ديرەكتورى بولدى. 2010 – 2011 جىلدارى قازاقستان رەسپۋبليكاسى كولىك جانە كوممۋنيكاسيالار مينيسترلىگىنىڭ كولىك جانە قاتىناس جولدارى كوميتەتىنىڭ ءتوراعاسى قىزمەتىن اتقاردى. 2011 - 2012 جىلدار ارالىعىندا «قتج» ۇك» اق پرەزيدەنتىنىڭ كەڭەسشىسى، كەيىن وسى اكسيونەرلىك قوعامنىڭ ماڭعىستاۋ جولدارى بولىمشەسى فيليالىنىڭ ديرەكتورى. 2012 – 2013 جىلدارى قازاقستان رەسپۋبليكاسى كولىك جانە كوممۋنيكاسيالار مينيسترلىگىنىڭ كولىك جانە قاتىناس جولدارى كوميتەتىنىڭ ءتوراعاسى قىزمەتىندە بولدى. 2013 – 2017 جىلدارى «قتج» ۇك» اق اپپارات باسشىسى - اتقارۋشى ديرەكتورى، «قتج» ۇك» اق اتقارۋشى ديرەكتورى - «جولاۋشىلار تاسىمالداۋ» اق پرەزيدەنتى. 2017 جىلدىڭ قاراشا ايىنان باستاپ قازىرگى ۋاقىتقا دەيىن «تەمىرجولسۋ» اق باس ديرەكتورى – باسقارما ءتوراعاسى قىزمەتىن اتقاردى.

وركەن سەرىكقالي ۇلى بيساقايەۆ ەڭبەك جولىن 1999 جىلى باتىس قازاقستان وبلىسىنداعى «ينتەرگازستروي» ااق-دا ەكونوميست قىزمەتىنەن باستاپ، كتك جوباسى ديرەكتورىنىڭ ورىنباسارى، تەنگيزشيەۆرويل جوبا باسقارماسىنىڭ ينجەنەر-جوبالاۋشىسى، «ينتەرگازستروي» جوبا - ەكونوميكالىق ءبولىمى باستىعىنىڭ ورىنباسارى قىزمەتتەرىن اتقاردى. 2003 – 2004 جىلدارى «كازترانسكوم» ااق –دا شارۋاشىلىق دەپارتامەنتىنىڭ كۇردەلى قۇرىلىس ءبولىمىنىڭ باستىعى. 2004 – 2007 جىلدارى «نيۋتەك ديستريبيۋشن» ج ش س كورپوروتيۆتى جوبالار دەپارتامەنتىنىڭ مەنەدجەرى، دەپارتامەنت ديرەكتورى، باس ديرەكتورىنىڭ ورىنباسارى بولدى. 2007 - 2010 جىلدار ارالىعىندا ماڭعىستاۋ وبلىسى اكىمى اپپاراتىنىڭ ۇيىمداستىرۋ-باقىلاۋ ءبولىمىنىڭ باس ينسپەكتورى، كەيىن ءبولىم مەڭگەرۋشىسى قىزمەتتەرىن اتقاردى. 2010 - 2012 جىلدارى اقتاۋ قالاسى اكىمىنىڭ ورىنباسارى. 2012 - 2016 جىلدار ارالىعىندا ماڭعىستاۋ وبلىسىنىڭ جولاۋشىلار كولىگى جانە

اۆتوموبيل جولدارى باسقارماسىنىڭ باسشىسى. 2016 - 2017 جىلدارى اقتاۋ قالاسى اكىمىنىڭ ورىنباسارى. 2017 جىلدىڭ قاراشا ايىنان باستاپ قازىرگى ۋاقىتقا دەيىن «ماڭعىستاۋ وبلىسىنىڭ تۋريزم باسقارماسىنىڭ باسشىسى قىزمەتىن اتقاردى.

ەسكە سالا كەتەيىك، وبلىس اكىمىنىڭ ورىنباسارى شولپان يلمۋحامەدوۆا باسقا قىزمەتكە اۋىسۋىنا بايلانىستى ءوز قىزمەتىنەن بواستىلدى.