مەملەكەتتىك قىزمەتتى ەلەكتروندى ۇكىمەت ارقىلى الۋدىڭ باستى ارتىقشىلىعى – ۋاقىتتى قىسقارتۋعا جانە ولاردىڭ ساپاسىن ارتتىرۋعا، سونداي-اق سىبايلاس جەمقورلىق ءقاۋىپىن بارىنشا جويۋعا ەداۋىر مۇمكىندىك بەرەدى.
ەلەكتروندى قىزمەتتەر كورسەتۋ ورتالىعى - حالىققا قىزمەت كورسەتەتىن ورتالىقتاردىڭ جاڭا فورماتى، بۇل جەردە مەملەكەتتىك قىزمەتتەردى كورسەتۋ سالاسىنىڭ بارلىق جاڭاشىلدىقتارىن كورۋگە جانە سيفرلىق ساۋاتتىلىقتى ارتتىرۋعا بولادى.
ەلەكتروندىق قىزمەت كورسەتۋ ورتالىعى EXPO اۋماعىندا ورنالاسقان. پاۆيلوندا مەملەكەتتىك قىزمەتتەردى كورسەتۋدەگى قازىرگى زامانعى تەحنولوگيالار ۇسىنىلعان. «ELEKTRONDYQYZMETORTALYGY» «جاندى» وپەراتورلارسىز، جاساندى ينتەللەكتتىڭ كومەگىمەن جۇمىس ىستەيتىن بولادى. ۆيرتۋالدى كەڭەسشى ايسانا قانداي دا ءبىر انىقتامالاردى الۋ تۋرالى اقپاراتتى ۇسىنىپ، قاجەتتى سەكتورعا باعىت بەرەدى. سونداي-اق بۇل جەردە «M-gov» ءموبيلدى نۇسقاسىنىڭ مۇمكىندىكتەرىمەن تانىسۋعا، ۇيالى بايلانىس وپەراتورىن وزگەرتۋگە، ءنومىردى ساتىپ الۋعا جانە دە ەسق-نى SIM كارتاعا جازدىرتىپ الۋعا بولادى.
سونىمەن قاتار، قىزمەت الۋشىلاردىڭ كولىك جۇرگىزۋشى كۋالىگىن الار كەزدە كولىك جۇرگىزۋ بويىنشا الدىن-الا ەمتيحاننان ءوتۋ مۇمكىندىگى بولادى. ورتالىق ەمتيحاندى ناقتى اۆتوكولىكتە تاپسىرعان كەزدە تەكسەرۋ مۇمكىن بولمايتىن توتەنشە جاعدايلاردا جۇرگىزۋدىڭ كاسىبي داعدىلارىنا قول جەتكىزۋگە كومەكتەسەتىن «digitaldrive» سيمۋلياتورىمەن جابدىقتالعان.
ورتالىقتا «Video call room» بار، ونىڭ كومەگىمەن ازامات مەملەكەتتىك ورگانداردىڭ ءبىرىنشى باسشىلارىنا ارنالعان بەينە ۇندەۋدى جازىپ جىبەرە الادى، ال ولار ۇندەۋدى قاراستىرىپ، جاۋاپتى 15 كۇن ىشىندە ءوتىنىش بەرۋشىلەردىڭ ەلەكتروندىق پوچتاسىنا جولداۋعا مىندەتتى. سونىمەن بىرگە، بۇل جەردە قوعامدىق قولجەتىمدىلىك پۋنكتەرى ورنالاسقان، ولاردىڭ كومەگىمەن ازاماتتار ەلەكتروندىق ۇكىمەت پورتالىندا بيومەتريالىق دەرەكتەر، ەلەكتروندىق سيفرلىق قولتاڭبا نەمەسە ءبىر رەتتىك قۇپيا ءسوز جانە مەملەكەتتىك قىزمەتتەردى الۋدىڭ دەربەس سەكتورىندا اقپاراتتىق انىقتامالاردىڭ 44 ءتۇرىن ءوز بەتىنشە الا الادى.
سونداي-اق، ازاماتتاردىڭ سيفرلىق ساۋاتتىلىعىن ارتتىرۋ ماقساتىندا، ورتالىقتاردا بەكىتىلگەن كەستەگە ساي ۇيرەتۋ سەمينارلارى وتكىزىلەتىن بولادى. ىڭعايلى جاعدايدا ازاماتتار ەلەكتروندىق ۇكىمەت پورتالىنىڭ سەرۆيستەرىن پايدالانۋدىڭ داعدىلارىن الىپ، وقۋ قورىتىندىسى بويىنشا وقىتۋدان وتكەنى تۋرالى سەرتيفيكات ولاردىڭ ەلەكتروندىق مەكەنجايلارىنا جولداناتىن بولادى.
استانا، الماتى، شىمكەنت جانە قوستاناي قالالارىندا سيفرلىق حقكو ىسكە قوسىلعان بولاتىن، مۇنداعى مەملەكەتتىك قىزمەتتەردى الۋ تولىعىمەن اۆتوماتتاندىرىلعان، ولار وپەراتورلاردىڭ قاتىسۋىنسىز جۇزەگە اسىرىلادى. حالىققا قىزمەت كورسەتۋ سيفرلىق ورتالىقتارىنىڭ اشىلۋى ازاماتتاردىڭ قوعامدىق قولجەتىمدىلىك پۋنكتەرىنىڭ، «Connectionpoint» وزىنە-وزى قىزمەت كورسەتۋ سەكتورلارىنىڭ جانە مەملەكەتتىك كورپوراسيانىڭ ارنايى پاۆيلون قابىرعالارىنداعى پلانشەتتەردىڭ كومەگىمەن ءوز بەتىنشە ەلەكتروندىق وتىنىمدەردى بەرەتىن مەملەكەتتىك قىزمەتتەردى ۇسىنۋدىڭ جاڭا فورماتىنا كوشۋدىڭ كەزەڭىنە اۋىستى.
جاقىن ارادا قازاقستاندىقتار مەملەكەتتىك قىزمەتتەردى بەتتىڭ نەمەسە ساۋساقتىڭ ءىزىن سكانەرلەۋ ارقىلى الۋ مۇمكىندىگىنە يە بولادى. ازاماتتار ەلەكتروندى ۇكىمەت پورتالىندا، وپەراتور نەمەسە حالىققا قىزمەت كورسەتۋ ورتالىقتارىنداعى قوعامدىق قولجەتىمدىلىك پۋنكتەرى ارقىلى بيومەتريا بويىنشا قىزمەتتەردى الۋعا مۇمكىندىك بەرەتىن تەكسەرۋ ورتالىعى قۇرىلماق.
قىزمەت كورسەتۋلەردىڭ باسىم بولىگى ەلەكتروندىق فورماتقا كوشىرىلۋدە. ەلەكتروندىق فورماتتا ەندى قولجەتىمدى قىزمەتتەر ىشىندەگى كوپشىلىك قولداناتىن قىزمەتتىڭ ءبىرى – egov.kz پورتالىندا جۇرگىزۋشى كۋالىگىن اۋىستىرۋ بولىپ تابىلادى. ول كولىكتى ونلاين تىركەۋ، حقكو-عا بارماي-اق، ءاۆتوموبيلدى ارنايى راسىمدەۋ مۇمكىندىگىن ۇسىنادى. پورتالدا اتالمىش قىزمەتتى پايدالانۋ ءۇشىن ساتۋشىنىڭ دا، كولىكتى ساتىپ الۋشىنىڭ دا ەلەكتروندى ساۋاساق قولتاڭباسى (ەسق) بولۋى ءتيىس.
كولىكتى ونلاين تىركەۋ ءۇشىن ساتۋشى egov.kz پورتالىندا اۆتورلانۋدان ءوتىپ، ساتىلاتىن كولىك جايلى اقپاراتتى ەنگىزىپ، ايىپپۇلدارى، سالىق قارىزدارى مەن تەحنيكالىق تەكسەرىسكە سۇرانىس جىبەرۋى قاجەت، ال ولار بولعان جاعدايدا ەلەكتروندىق ۇكىمەتتىڭ تولەم ءشليۋزى ارقىلى تولەم جۇرگىزۋى ءتيىس. وسىدان كەيىن ساتىپ الۋشى ەلەكتروندىق پورتالداعى جەكە كابينەتىندە وتىنىممەن تانىسىپ، ايىپپۇلداردى تەكسەرگەننەن كەيىن، نومىرلىك بەلگى، كولىك قۇرالىن تىركەۋ جانە تىركەۋ تۋرالى كۋالىك ءۇشىن مەملەكەتتىك باجدى تولەۋگە كوشە الادى. ساتىپ الۋشى سمارت-مامىلەنى ءوزىنىڭ ەسق-مەن راستايدى جانە دە وعان تەك ارنايى حقكو-عا بارىپ نومىرلىك بەلگىنى الۋ نەمەسە ونى ۇيگە جەتكىزۋگە تاپسىرىس بەرۋى عانا قالادى.
جۇرگىزۋشى كۋالىگىن ونلاين اۋىستىرۋ كەزىندە egov.kz پورتالىندا اۆتورلانۋدان وتكەننەن كەيىن ەلەكتروندىق ءوتىنىم بەرىپ، ەسق-مەن قول قويۋ كەرەك. وتىنىمگە سۋرەت جانە قولتاڭبا بەينەسى بار سكان قوسا بەرىلەدى. ودان ءارى جەكە كابينەتتىڭ «قىزمەتتەردى الۋ تاريحى» بولىمىندەگى قالىپتاستىرىلعان ەلەكتروندىق ارىزدى باسىپ شىعارۋ قاجەت جانە دە مەملەكەتتىك باجدى تولەۋ تۋرالى ەلەكتروندىق چەكتى باسىپ شىعارۋى ءتيىس. ونى قىزمەتتەردى تولەۋ تاريحى بولىمىندە تابۋعا بولادى.
ايتا كەتەيىك، جۇرگىزۋشى كۋالىگى ءۇشىن مەملەكەتتىك باج قۇنى – 1،25 اەك بولىپ تابىلادى.
بۇدان كەيىن تۇرعىلىقتى مەكەنجايى بويىنشا ارنايى حقكو-عا نەمەسە جول پوليسياسىنىڭ تەب-نە دايىن جۇرگىزۋشى كۋالىگىن الۋ ءۇشىن عانا بارادى. باسىپ شىعارىلعان ارىز بەن چەك، اۋىستىرىلاتىن جۇرگىزۋشى كۋالىگى جانە جەكە باستى كۋالاندىراتىن قۇجاتتارى وزىمەن بىرگە بولۋى ءتيىس. جك كورسەتىلگەن مەرزىمىنەن كەشىكتىرىپ اۋىستىراتىن جاعدايدا وزىمەن بىرگە پسيحياتريالىق جانە ناركولوگيالىق ديسپانسەردەن انىقتامالار، جانە دە 083-نىساندى مەديسينالىق انىقتامالار بولعانى ءجون.
2018 جىلى شىلدە ايىنان باستاپ 30 قازانعا دەيىن ونلاين فورماتتا 2 453 كولىك قۇرالى تىركەلگەن. 10 اي ىشىندە 9 564 جۇرگىزۋىشى كۋالىگىن ونلاين تارتىپتە العان.
«ازاماتتارعا ارنالعان ۇكىمەت» مەملەكەتتىك كورپوراسيا «ۇلتتىق اقپاراتتىق تەحنولوگيالار» اق-مەن بىرگە بالا تۋۋ تۋرالى قىزمەتتەردى دە پرواكتيۆتى فورماتتا كورسەتۋ جونىندە پيلوتتىق جوبانى ىسكە قوستى. اقپاراتتىق جۇيەلەردىڭ ينتەگراسيالانۋى ناتيجەسىندە جاڭا ازاماتتاردىڭ تۋۋىن تىركەۋگە بەرىلگەن ءوتىنىش اۆتوماتتى تۇردە تۇسەتىن بولادى.
بالا تۋعاننان كەيىن ونىڭ اتا-اناسىنىڭ ۇيالى تەلەفونىنا نارەستەنىڭ تۋۋىن تىركەۋ بويىنشا مەملەكەتتىك قىزمەتتى الۋ تۋرالى ۇسىنىس بىردەن كەلىپ تۇسەدى. بارلىق مالىمەتتەردى ەلەكتروندىق ۇكىمەت پورتالى ءار ءتۇرلى مەملەكەتتىك ورگانداردىڭ اقپاراتتىق جۇيلەرىنەن تارتادى، ال جەتىسپەيتىندەرىن – قىزمەت الۋشىدان SMS-حابارلامالار ارقىلى سۇراتادى. بالانىڭ تۋۋىن تىركەۋمەن بايلانىستى پرواكتيۆتى قىزمەتتەردى كورسەتۋ جونىندەگى پيلوتتىق جوبا قازاقستاننىڭ بارلىق وبلىستارىندا ارەكەت ەتەدى.
تەلەفون ارقىلى تەك بالانىڭ تەگىن، اتىن جانە اكەسىنىڭ اتىن عانا ەمەس، تۋۋ بويىنشا جاردەماقىنى راسىمدەۋگە ارنالعان ەسەپشوت ءنومىرىن جانە بالاباقشاعا كەزەككە قويۋ ءۇشىن دەرەكتەردى جىبەرۋگە بولادى.
پرواكتيۆتى فورماتتاعى مەملەكەتتىك قىزمەتتەردى الۋ ءۇشىن ءموبيلدى ازاماتتار بازاسىندا تىركەلگەن بولۋى مىندەتتى بولىپ تابىلادى. بۇل ءۇشىن www.egov.kz سايتىنداعى جەكە كابينەتتە ءموبيلدى تەلەفون ءنومىرىن جسن-نە بايلانىستىرۋ قاجەت.
جوبانى ىسكە قوسقان ساتتەن باستاپ 100 مىڭ ادام مەملەكەتتىك قىزمەتتى پرواكتيۆتى رەجيمدە الۋعا نيەت بىلدىرگەن.
ءموبيلدى ازاماتتار بازاسىندا تىركەلۋ قازاقستاندىقتار ءۇشىن زور مۇمكىندىكتەر اشادى. ءموبيلدى ازاماتتار بازاسىنىڭ پايدالانۋشىلارىنا مەملەكەتتىك قىزمەتتەردى پرواكتيۆتى فورماتتا الۋ قولجەتىمدى بولىپ تابىلادى. ولار egov.kz سايتىندا ەسق-سىز، ءبىر رەتتىك sms-قۇپيا ءسوزدىڭ كومەگىمەن 40-تان استام مەملەكەتتىك قىزمەتكە قول جەتكىزە الادى. سونىمەن قاتار، وزىنە قاتىستى انىقتامالاردى ءۇشىنشى تۇلعالارعا الۋ قۇقىعىن بەرە الادى. تەلەگرامم-بوت ارقىلى انىقتامالار الىپ، قىزمەتتەردى پايدالانا الادى. بۇگىندە قازاقستاندا 5 ملن-نان استام تۇرعىن ءموبيلدى ازاماتتار بازاسىندا تىركەلگەن.
كۇن سايىن پورتال ارقىلى 100 مىڭنان استام قىزمەت كورسەتىلەدى.
جوبا ىسكە قوسىلعان ساتتەن باستاپ «ۇلتتىق اقپاراتتىق تەحنولوگيالار» اق ازاماتتار ۇيدەن شىقپاي-اق الا الاتىن قىزمەتتەر مەن سەرۆيس ءتىزىمىن ارتتىرۋ جونىندەگى جۇمىسىن جالعاستىرىپ كەلەدى. وسىلايشا، ۇسىنىلاتىن قىزمەتتەر مەن سەرۆيستەردىڭ سانى 12 جىل ىشىندە 235-كە دەيىن ارتقان، كومپوزيتتىك قىزمەتتەر پايدا بولدى، 44-تەن استام قىزمەت ءبىر رەتتىك سمس-قۇپيا ءسوزدىڭ كومەگىمەن قولجەتىمدى بولدى، تولەمدەردىڭ 38 ءتۇرى اۆتورلانۋدان وتپەگەن قولدانۋشىلار ءۇشىن ونلاين رەجيمگە كوشىرىلدى جانە دە «انىقتاماسىز قىزمەتتەر» سەرۆيسى ەڭ كوپ قولداناتىن انىقتامالارعا ءۇشىنشى تۇلعالاردىڭ سۇراتۋىنا رۇقسات بەرۋ اۆتوماتتاندىرىلعان.
بۇگىندە « ۇلتتىق اقپاراتتىق تەحنولوگيالار» اق-نىڭ eGov.kz پورتالىنىڭ قۇرامىنا 150-دەن استام اقپاراتتىق جۇيە مەن دەرەكتەر بازاسى ينتەگراسيالانعان، وسىنىڭ ارقاسىندا پايدالانۋشى بىرنەشە ۆەدومستۆوعا بارماي-اق، ءبىر سۇراتۋ ارقىلى «ءبىر تەرەزە» قاعيداسى بويىنشا كەشەندى قىزمەتتەر كورسەتۋگە كوشۋدى جۇزەگە اسىرۋعا مۇمكىندىك بەرەدى.
قازىرگى تاڭدا قىزمەتتەر مەن سەرۆيستەردىڭ قولجەتىمدىلىگى دامىپ، سونىمەن بىرگە، تىركەلگەن قولدانۋشىلار سانى دا ارتا باستادى.
ەسق-نى قولدانباي-اق @EgovKzBot – تەلەگرام مەسسەندجەرى ارقىلى مەملەكەتتىك قىزمەتتەردى الۋعا بولادى.
EgovKzBot ارقىلى 15 مەملەكەتتىك قىزمەت پەن سەرۆيستى – الەۋمەتتىك مارتەبەنى تەكسەرۋ جانە نەگىزگى زەينەتاقى تولەمىنىڭ مولشەرى تۋرالى اقپاراتتى الۋ، ەرەسەكتەر مەن بالالاردى ەمحاناعا تىركەۋ، دارىگەردىڭ قابىلداۋىنا جازىلۋ جانە دارىگەردى ۇيگە شاقىرتۋ، حقكو-عا باراتىن كەزدە كەزەكتى برونداۋ، جۇمىس جانە قىزمەتكەرلەر ىزدەۋ، جىلجىمايتىن مۇلىككە تىركەلگەن قۇقىقتار (اۋىرتپالىقتار) تۋرالى انىقتامانى الۋ، مەكەنجاي انىقتاماسى جانە ت.ب. الۋعا بولادى.
مەملەكەتتىك قىزمەتتەردى تەلەگرام-بوت ارقىلى الۋ ءۇشىن «ءموبيلدى ازاماتتار بازاسىندا» تىركەلۋ قاجەت. بۇل ءوز تەلەفون ءنومىرىڭىزدى eGov.kz پورتالىنداعى جەكە كابينەتتە بايلانىستىرىپ، ءوز گادجەتىڭىزدىڭ Telegram مەسسەندجەرىندەگى بوتتى ىسكە قوسۋ كەرەك دەگەن ءسوز.
سودان كەيىن الدىن الا بەلگىلەنگەن كوماندالاردى جىبەرۋ جانە SMS-كودى ارقىلى راستاۋ ارقىلى انىقتامالار مەن سەرۆيس اقپاراتىن سۇراتۋعا جانە ولاردى پايدالانۋشىنىڭ ەلەكتروندىق پوچتاسىنا قايتا جىبەرۋگە بولادى.
جاقىندا «كاسسا24» تولەم تەرمينالدارىندا ەل حالقىنىڭ ازاماتتارىنا ارنالعان كوپشىلىك پايدالاناتىن مەملەكەتتىك قىزمەتتەردىڭ 5-ەۋى قولجەتىمدى بولادى:
- مەكەنجاي انىقتاماسى؛
- جىلجىمايتىن مۇلىكتىڭ بار-جوعى تۋرالى انقىتاما؛
- سوتتالماعاندىعى تۋرالى انىقتاما؛
- زەينەتاقى اۋدارىمدارى تۋرالى انىقتاما؛
- جەكە تۇلعانىڭ باسقا زاڭدى تۇلعالارعا قاتىسۋى تۋرالى انىقتاما.
قولدانۋشى انىقتامالاردى العانىن ءبىر رەتتىك قۇپيا ءسوز (one time password) ارقىلى راستايدى. بۇل ءۇشىن ازامات ءموبيلدى ازاماتتار بازاسىندا تىركەلگەن بولۋى ءتيىس. ياعني، ەسق العان كەزدە ازاماتتار eGov.kz پورتالىنىڭ جەكە كابينەتىندە ءموبيلدى تەلەفون ءنومىرىن تىركەيدى، بۇل ءنومىر ءموبيلدى ازاماتتار بازاسىنا ەنگىزىلەدى.
سونداي-اق انىقتامالاردى كاسسا24 كومەگىمەن باسىپ شىعارۋ مۇمكىندىگى قاراستىرىلۋدا.
بۇگىندە قازاقستاننىڭ مەملەكەتتىك قىزمەتتەر ءتىزىلىمى 741 قىزمەت كورسەتۋدەن تۇرادى. ولاردىڭ 598ء-ىن «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى، 454ء-ىن ەلەكتروندىق ۇكىمەت پورتالىندا الۋعا مۇمكىندىك بار.
اعىمداعى جىلى 9 ايدىڭ ىشىندە مەملەكەتتىك كورپوراسيا 25 ميلليوننان استام قىزمەت كورسەتكەن. سولاردىڭ ىشىندە 13 ميلليوننان استامى – ەلەكتروندىق قىزمەتتەر، ال 9 ميلليوننان استام مەملەكەتتىك قىزمەتتى ازاماتتار فرونت-كەڭسەلەردەگى وزىنە-وزى قىزمەت كورسەتۋ سەكتورى ارقىلى ءوز بەتىنشە العان.
بۇگىندە «ازاماتتارعا ارنالعان ۇكىمەت» مەملەكەتتىك كورپوراسيا الدىندا مەملەكەتتىك قىزمەتتەردى ەلەكتروندىق فورماتقا كوشىرۋ بويىنشا تاپسىرما تۇر. قاراۋىنا مەملەكەتتىك كورپوراسيا ەنەتىن اقپارات جانە كوممۋنيكاسيا مينيسترلىگى وكىلەتتى مەملەكەتتىك ورگاندارمەن بىرگە مەملەكەتتىك قىزمەتتەردى ازاماتتارعا جانە بيزنەس ءۇشىن كورسەتۋ پروسەستەرىن مەيلىنشە وڭتايلاندىرۋدى جۇرگىزىپ جاتىر. سيفرلاندىرۋ مەملەكەتتىك ورگاندارعا ءوز ونىمدىلىكتەرىن ارتتىرۋعا مۇمكىندىك بەرەدى.
پىكىر قالدىرۋ