اقتوبە وبلىسىنىڭ اكىمى بەردىبەك ساپاربايەۆ مەملەكەت باسشىسىنىڭ قاۋىپسىزدىك كەڭەسى وتىرىسىندا بەرگەن كوممۋنالدى قىزمەتتەردىڭ تاريف قۇرۋلارىنا قاتىستى تاپسىرماسىن ورىنداۋ سۇراقتارىنا بايلانىستى جيىن وتكىزدى.

جيىن كەزىندە كوممۋنالدى كاسىپورىن باسشىلارىنىڭ تاريف قۇرۋ جانە جەكەمەنشىك ينۆەستيسيالىق باعدارلامالاردى ورىنداۋ ماسەلەلەرىنىڭ اعىمداعى جاعدايى تۋرالى باياندامالارى تىڭدالدى. قازىرگى تاڭدا پروكۋراتۋرا مەن مونوپولياعا قارسى قىزمەت ورگاندارى مونوپوليستەردىڭ كوممۋنالدى سالاداعى قىزمەتتەرىنىڭ زاڭدىلىعىن تەكسەرۋدىڭ كەشەندى شارالارىن جۇرگىزىپ جاتىر. وبلىس بويىنشا تابيعي مونوپوليالاردىڭ 47 سۋبەكتىسى تىركەلگەن،-دەپ مالىمدەدى تابيعي مونوپوليالاردى رەتتەۋ دەپارتامەنتىنىڭ باسشىسى گۇلنۇر ماسينا. وبلىس اكىمى اۋماقتىق جانە جەرگىلىكتى ورگاندار باسشىلىعىنىڭ، تابيعي مونوپوليالار سۋبەكتىلەرىنىڭ نازارىن ەل پرەزيدەنتى تاپسىرماسىنىڭ مۇلتىكسىز ورىندالۋىنا اۋداردى.

"پروكۋراتۋرا تەكسەرىسى اياقتالعان سوڭ ءبىز كوممۋنالدى قىزمەت تاريفتەرىنىڭ قۇرىلۋى بويىنشا سۇراقتاردى قاراۋ ءۇشىن قايتا جينالاتىن بولامىز. پروكۋراتۋرا ورگاندارى مەن مونوپولياعا قارسى مەكەمەلەر ينۆەستيسيالىق باعدارلامالاردىڭ جۇزەگە اسىرىلۋىنا، قاراجاتتىڭ ءتيىمدى جۇمسالۋى مەن مونوپوليستەردىڭ ماتەريالدىق-تەحنيكالىق بازانى نىعايتۋلارىنا دا قاتاڭ نازار اۋدارۋلارىن سۇرايمىن"،-دەدى قاداعالاۋ ورگاندارىنىڭ نازارىن اۋدارعان بەردىبەك ساپاربايەۆ.

بۇدان باسقا، جيىن بارىسىندا وبلىس اكىمى كوممۋنالدى كاسىپورىن باسشىلارىنىڭ ەستەرىنە 2019 جىلدىڭ 1 قاڭتارىنان باستاپ ەڭ از ەڭبەكاقىنى كوتەرۋ كەرەكتىگىن سالدى.

-1 قاڭتاردان باستاپ ەڭ از جالاقى 42 مىڭ تەڭگەنى قۇرايتىن بولادى. جەكەمەنشىك تۇرىنە قاراماستان بارلىق ۇيىمدار، كاسىپورىندار ەلباسى تاپسىرماسىنىڭ ورىندالۋىن قامتاماسىز ەتۋلەرى ءتيىس. سول ءۇشىن بيىلعى جىلدىڭ 1 جەلتوقسانىنا دەيىن ەسەپتەردى جاساپ، جۇمىسشىلاردىڭ ەڭبەكاقىلارىن كوتەرۋ كوزدەرىن انىقتاۋلارىڭىز قاجەت. كەلەسى جىلعا بەكىتىلگەن ەڭ تومەن ەڭبەكاقى مولشەرىن الاتىن بىردە ءبىر ادامنىڭ ايلىعى كوتەرىلمەي قالماسىن، -دەپ اتاپ ءوتتى وبلىس اكىمى.