اقتوبە وبلىسىنىڭ جاستارى ساراپشىلارمەن بىرگە پرەزيدەنتتىڭ «ۇلى دالانىڭ جەتى قىرى» ماقالاسىن تالقىلادى.

اتاقتى قازاقستاندىق ساياساتتانۋشىلار، قوعام قايراتكەرلەرى مەملەكەت باسشىسىنىڭ «ۇلى دالانىڭ جەتى قىرى» ماقالاسى تۋرالى پىكىرلەرىمەن الماسۋ ءۇشىن اقتوبەلىك جاستارمەن كەزدەستى.

شىعارماشىلىق اكادەمياسىندا وتكەن كەزدەسۋگە وڭىردەگى جوعارى جانە ارنايى ورتا وقۋ ورىندارىنىڭ 400-دەن اسا بەلسەندى ستۋدەنتتەرى قاتىستى. وڭىرگە ارنايى كەلگەن «ەگەمەن قازاقستان» رگ» اق باسقارما ءتوراعاسى، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، «قازاقپارات» حالىقارالىق اقپارات اگەنتتىگىنىڭ باس ديرەكتورى اسقار ۋماروۆ، «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ءابدىعالي، قوعام قايراتكەرى ايدوس سارىم، «قازاقستان بلوگەرلەرىنىڭ اليانسى» قب ءتوراعاسى عالىم بايتۋك ماقالا ەرەجەلەرىنىڭ ورىندالۋى تۋرالى ءوز كوزقاراستارىمەن ءبولىستى.

جيىندى اشقان وبلىس اكىمى بەردىبەك ساپاربايەۆ پرەزيدەنتتىڭ «ۇلى دالانىڭ جەتى قىرى» باعدارلامالىق ماقالاسى ەڭ الدىمەن جاستارعا باعىتتالعانىن اتاپ ءوتتى.

كەزدەسۋگە وبلىس اكىمى بەردىبەك ساپاربايەۆ، «ەگەمەن قازاقستان» رەسپۋبليكالىق گازەتى» اكسيونەرلىك قوعامىنىڭ باسقارما ءتوراعاسى، حالىقارالىق تۇركى اكادەمياسىنىڭ پرەزيدەنتى دارحان ءقىدىرالى، «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ءابدىعالي، «قازاقپارات» حالىقارالىق اگەنتتىگىنىڭ باس ديرەكتورى اسقار وماروۆ، ساياساتتانۋشى ايدوس سارىم، «قازاقستان بلوگەرلەرى اليانسى» قوعامدىق بىرلەستىگى ءتوراعاسى عالىم بايتوق، سونداي-اق، ستۋدەنتتەر مەن وقۋشىلار قاتىستى. مۇنداعى ماقسات — جاستارعا پرەزيدەنت ماقالاسىندا ايتىلعان ماسەلەلەردى ءتۇسىندىرۋ، ۇلتتىق قۇندىلىقتاردى ۇلىقتاۋ.

- سىزدەر ەلباسىنىڭ جاس ۇرپاققا قالاي كوپ كوڭىل بولەتىنىن وزدەرىڭىز دە كورىپ جۇرسىزدەر. بەس الەۋمەتتىك باستاما ەڭ ءبىرىنشى، جاستاردى قولداۋعا، ياعني ءبىلىم گرانتتارىن ارتتىرۋعا جانە بيزنەستى شاعىن نەسيەلەۋگە، ستۋدەنتتەر جاتاقحاناسىن سالۋعا باعىتتالعان. «ۇلى دالانىڭ جەتى قىرى» دا ەڭ الدىمەن سىزدەرگە ارنالعان. سىزدەر وزدەرىڭىزدىڭ ماقتانۋعا تۇرارلىق جانە ۇيالۋعا ەش نەگىزى جوق ناعىز تاريحىڭىزدى بىلۋلەرىڭىز كەرەك،-دەدى وبلىس اكىمى ستۋدەنتتەرگە.

تاريحشى عالىم دارحان ءقىدىرالى ءوز سوزىندە تامىرىن جوعالتقان ادامنىڭ جەردە نىق تۇرا المايتىندىعىن اتاپ ءوتتى.

— مەملەكەت باسشىسى سىزدەرگە، جاستارعا، ەرەكشە كوڭىل بولەتىنىن بىلەسىزدەر. ويتكەنى ءبىزدىڭ بولاشاعىمىز — سىزدەردىڭ قولدارىڭىزدا. سوندىقتان قازىرگى تاڭدا جاسالىپ جاتقان جاعداي، ۇيىمداستىرىلىپ جاتقان شارالار، بارلىعى سىزدەر ءۇشىن وتكىزىلىپ جاتىر. ەڭ نەگىزگى ماقسات — قازاقستاندىق جاستاردىڭ ءبىلىمى، دەنساۋلىعى، باسقا دا تۇستارى، شەتەلدىك قاتارلاستارىمەن سالىستىرعاندا، كەم بولماۋى كەرەك.

ەلباسىنىڭ الەۋمەتتىك بەس باستاماسى، جاقىندا جارىق كورگەن ماقالاسى دا ءبىرىنشى كەزەكتە سىزدەرگە ارنالعان. سول ءۇشىن تاريحتى قاستەرلەپ، ونى ءتانىپ-بىلىپ، قازاقستاننىڭ دامۋى ءۇشىن بار كۇش-جىگەرلەرىڭىزدى سالۋلارىڭىز كەرەك. بۇل ماقساتتا جاقسى وقىپ، قاي جاعىنان دا وزىپ شىعۋعا ۇمتىلۋ قاجەت.

ەلباسىنىڭ ماقالاسىن جەتە ءتۇسىندىرۋ ءۇشىن ەلىمىزگە بەلگىلى ولكەتانۋشىلار، ساياساتتانۋشىلار، جۋرناليستەردى شاقىردىق. ولاردىڭ ماقالا تۋرالى پىكىرى، جاستارعا نە بەرەتىنى تۋرالى پايىمى سىزدەرگە دە قىزىق بولادى عوي دەپ ويلايمىن، — دەدى وبلىس اكىمى بەردىبەك ماشبەك ۇلى.

ءوز كەزەگىندە، عالىم بايتۋك «ۇلى دالانىڭ جەتى قىرى» - جاستارعا پاتريوتتىق تاربيەنى قالىپتاستىراتىن ادامگەرشىلىك نەگىزى ەكەنىن اتاپ ءوتتى.

عالىم بايتۋك: «اقتوبە ەڭ قىزىقتى جانە قارقىندى دامىپ كەلە جاتقان قالالاردىڭ ءبىرى. بۇگىن مەن مۇراجاي، سپورت ورتالىقتارى، «اناعا تاعزىم» ورتالىعى سياقتى بىرنەشە جاڭا الەۋمەتتىك نىسانداردى قاراپ شىعىپ،

پرەزيدەنت ماقالاسىنداعى مىندەتتەردى جۇزەگە اسىرۋ ءۇشىن مىقتى قور قۇرىلعانىن ايتا الامىن. سىزدەر عاسىرلار بويى پروگرەستىڭ قوزعالتقىشى بولعان جاستار رەتىندە وسى بىرەگەي نىسانداردى پاتريوتيزمگە نەگىزدەلگەن يدەيالارىڭىزبەن دامىتۋعا كومەكتەسۋلەرىڭىز كەرەك. پاتريوت بولىڭىزدار – سولاي عانا سىزدەر وتان ءۇشىن كوپ نارسە ىستەي الاسىزدار، ويتكەنى پاتريوتيزم – بۇل ءارقاشان ۇمتىلىس، قولداۋ جانە دامۋ»،-دەگەن سەنىمدە.

ال «قاسيەتتى قازاقستان» عىلىمي-زەرتتەۋ ورتالىعىنىڭ ديرەكتورى بەرىك ءابدىعالي:

— «رۋحاني جاڭعىرۋ» باعدارلاماسى مەن «ۇلى دالانىڭ جەتى قىرى» اتتى ماقالا — بىر-بىرىمەن ۇندەس، ءتول تاريحىمىزدى تاني تۇسۋگە دەگەن تالپىنىستان جارىققا شىققان قۇجاتتار. ويتكەنى، اسىرەسە، عالامتوردا سوڭعى ۋاقىتتا ءبىزدىڭ ءداستۇرىمىزدى جوققا شىعاراتىن ۇعىمدار ناسيحاتتالا باستادى. وسىنىڭ ءبارى جاستارعا كەرى اسەرىن تيگىزدى. ءبىر عانا مىسالدى ايتايىن، وز-وزىنە قول جۇمساۋ جاعىنان قازاقستان الەمدە الدىڭعى ورىنداردىڭ بىرىندە تۇر. قوعامىمىزدا وسىنداي پروبلەما بار بولعان سوڭ، ەندىگى رۋحاني قۇندىلىقتاردىڭ ناسيحاتتالۋىنا، تاربيە جۇمىستارىنا ايرىقشا ءمان بەرىلىپ جاتىر. سونىڭ ىشىندە الەۋمەت، مادەنيەت سالالارىنا قامقورلىق كۇشەيۋ ۇستىندە. كەلەسى جىلدىڭ جاستارعا ارنالۋى دا بەكەر ەمەس. مەملەكەتتىك دەڭگەيدە جاستارعا باعىتتالعان جاقسىلىقتار ارتا تۇسپەك. نەگە دەسەڭىز، سولارعا قازىردەن كوڭىل بولمەسەك، بولاشاقتا قازاقستان قانداي بولادى؟! بۇل سۇراق ءبارىمىزدى الاڭداتۋى كەرەك. سوندىقتان ءار ادام وز-وزىنە ەسەپ بەرىپ، كوكەيىندە «تۋعان جەرىمە نە ىستەدىم؟» دەگەن سۇراق بولۋى ءتيىس. اۋىلىنا كومەك كورسەتۋ دەگەن مىندەتتى تۇردە مەكتەپ، اۋرۋحانا سالۋ، بولماسا اقشا جاعىنان قولداۋ ەمەس. تۋعان جەرىنە وزىنە قىمبات كىتابىن بەرسە دە، بۇل — ۇلكەن سىي. قىسقاسى، ءار ادام قولىنان كەلگەنشە شاراپاتىن تيگىزسە، بۇنىڭ دا ەلىمىزدىڭ، قوعامىمىزدىڭ دامۋىنا وڭدى جاعى كوپ، — دەدى.

«قازاقستان بلوگەرلەرى اليانسى» قوعامدىق بىرلەستىگى ءتوراعاسى عالىم بايتوق رەسپۋبليكامىزدا ءالى كۇنگە ناسيحاتى از كيەلى جەرلەر، باتىرلار، باسقا دا قۇندىلىقتاردىڭ كوپ ەكەنىن، ونى زەردەلەپ، زەرتتەۋگە ەلباسىنىڭ ءوزى باسا نازار اۋدارىپ وتىرعانىن قوستى. ونىڭ سوزىنشە، قىز-جىگىتتەر وسى مۇمكىندىكتى ءمۇلت جىبەرمەي، ماقالانى جازۋداعى ماقسات-مۇراتتاردى جەتە ءتۇسىنۋ قاجەت. سوندا عانا رۋحاني جاڭعىرىپ، اباي ايتقان «تولىق ادام» دەگەن ۇعىمعا ساي بولادى.

كەزدەسۋ ستۋدەنتتەردىڭ سۇراقتارىمەن اياقتالدى. جاستاردى قازاقستانداعى كيەلى جەرلەردىڭ ءارى قارايعى زەرتتەلۋى، باق-تىڭ ەلەكتروندى فورماتقا كوشۋى، لاتىن ءالىپبيىن ەنگىزۋدىڭ قازىرگى جاعدايى جانە ت.ب. قىزىقتىردى.