تاۋەلسىزدىك! تاۋەلسىزدىك! تاۋەلسىزدىك! تامسانۋعا تۇرارلىق ءتاتتى تاقىرىپ! تۋعان توپىراعىم، تاۋەلسىزدىگىڭمەن!
ءتاي - ءتايلاپ، تۇلىمشاعى تەربەلىپ، ءتۇرلى - ءتۇستى تاتتىگە تەلمىرە تومپاڭداعان تيتتەي تۇلعا ءتارىزدى، تاسباقاشا تىربىڭداعان، تىزگىنسىز تايداي تەبىنگەن تاۋەلسىزدىك تاعىمىزعا تۇراقتادى تۇبىندە. تۇس - تۇستان تالان - تاراجعا، تالاسقا، تالاۋعا تۇسكەن تاۋەلسىزدىكتىڭ تىزگىنى ءتۇپتىڭ تۇبىندە ءتۇپ تورەسىنە تاپسىرىلدى.
تاريحىمىزدا تانىلعان تانىمال تۇلعالاردىڭ تەگەۋىرىندى تالاسىنىڭ، تويتارىسىنىڭ، تالاپتانۋىنىڭ ءتۇبى تاۋەلسىزدىككە تۇتاستى!
تۋعان توپىراعىم، تامىرى تەرەڭگە تارالعان، تىرەگى تىعىز تەرەكتەي تۇلعاڭدى تەڭسەلتپە! تاۋەلسىزدىكتىڭ تاڭى تاريحىڭنىڭ تاسىندا تاڭبالانعان.
تۋعان توپىراعىم، تورىڭدەگى تاۋەلسىزدىكتىڭ تۋىنىڭ تۇعىرى تومەندەمەسىن! ءتۇپتىڭ تۇبىندە تالايلاردى تامساندىرىپ، تاڭعالدىرىپ، تاڭىرقاتاسىڭ ! تاۋەلسىزدىكتىڭ تاريحى تالايلارعا تاعىلىم.
تاتۋلىق، تاۋەكەلدىلىك، تۇتاستىق، تاباندىلىق، توزىمدىلىك، تاپقىرلىق، تاقۋالىق، تۋىسقانشىلدىق، تياناقتىلىق، تاۋبەشىلدىك، تاتۋ - تاتتىلىك، تاعىسىن تاعى تەك تورىڭدە تۇراقتاسىن!
تورەلەردىڭ تورەسى - تۋعان توپىراعىم، تەڭدەسىز تاۋەلسىزدىگىڭە توسقاۋىل تۇرماۋى ءتيىس! تاۋەلسىزدىكتىڭ تۇمارى - تۇتاستىق، تاتۋلىق!
تاۋەلسىزدىكتىڭ ءتالىم - تاربيەگە تولى تارتىبىمەن، تاپتىرماس تالاپ - تىلەكتەرىمەن، ءتۇرلى تاسىلدەرىمەن تاربيەلەنگەن تۇلعا تۇبىندە تانىمىلدىلىققا تابان تىرەيدى.
تۇندىك تۇرىلگەن تۇستا تۇپ - تۇنىق توبەدەن تەمىرقازىقتى تاپتىم! تەمىرقازىق تاۋەلسىزدىكتىڭ تاڭباسىنداي تانىلدى!
تۋعان توپىراعىم، تامشى تەرىمنىڭ توپىراعىڭا تامعانىنا ءتاۋبا!
تارتىنبا، تاۋەلسىزدىك، تويدىڭ تورەسىسىڭ! تاۋسىلمايتىن تاۋ - تاۋ، تەلەگەي تەڭىز تابىستار تىلەيمىن! تورقالى توي - تومالاعىڭ، تاماشاڭ تارقاماسىن! تالدارىڭ تۇراعىڭنىڭ تورىنە تىرەلگەن تەرەكتەرگە تەڭەستى! تىزبەكتەلگەن تىلەكتەرىم تەك تاۋەلسىزدىككە!
ماقپال سەمبايدىڭ فەيسبۋك پاراقشاسىنان
