الماتىلىقتار 1986 جىلعى جەلتوقسان وقيعاسىنىڭ قۇرباندارىن ەسكە الىپ، ولارعا تاعزىم ەتتى. «تاۋەلسىزدىك تاڭى» مونۋمەنتىنە مەملەكەت قايراتكەرلەرى، ونىڭ ىشىندە الماتى اكىمى باۋىرجان بايبەك، جەلتوقسان وقيعاسىنا قاتىسۋشىلار جانە جاستار ۇيىمدارىنىڭ مۇشەلەرى گۇل شوقتارىن قويدى دەپ جازادى Qamshy.kz اقپارات اگەنتتىگى. 

گۇل شوقتارى قويىلعان سوڭ جينالعاندار ءبىر مينۋت ۇنسىزدىكپەن قازا بولعانداردى ەسكە ءتۇسىردى.

ايتا كەتەرلىگى، بۇىرندارى الماتىدا «تاۋەلسىزدىك تاڭى» مونۋمەنتى الدىنا شاعىن الاڭ جاسالعان ەدى. قالا اكىمى ەسكەرتكىشكە كەلىپ، تاعزىم ەتكەندەردىڭ قاۋىپسىزدىگىن قامتاماسىز ەتۋ ءۇشىن ولارعا جاقسى جاعداي جاساۋدى تاپسىرعان بولاتىن. ەگەر بۇرىن كولىكتىڭ قوزعالىس بولىگى ەسكەرتكىشكە ءتيىپ تۇرسا، ەندى بارىنشا قولايلى جانە ءقاۋىپسىز شاعىن الاڭ پايدا بولدى، كەسپە تاس توسەلىپ، جارىق كوزدەرى ورناتىلدى، جاسىل جەلەك وتىرعىزىلدى.

كەشە، قازاقستاننىڭ تاۋەلسىزدىگىنە 27 جىل تولعان كۇنى قالاداعى تاۋەلسىزدىك مونۋمەنتىنە سالتاناتتى تۇردە گۇل شوقتارى قويىلعان بولاتىن.

قالا باسشىلىعى، 1986 جىلعى جەلتوقسان وقيعاسىنا قاتىسۋشىلار، ارداگەرلەر كەڭەسى، ساياسي پارتيالار مەن قوعامدىق جانە جاستار ۇيىمدارى، قالا تۇرعىندارى اسكەري-ۇرلەمەلى وركەستردىڭ مۋزىكالىق سۇيەمەلدەۋىمەن رەسپۋبليكا الاڭىنداعى تاۋەلسىزدىكتىڭ باستى سيمۆولىنا گۇل شوقتارىن قويدى.