ديماش قۇدايبەرگەن شاڭحايدا وتكەن «The Silk Road Cohesion Awards 2018» حالىقارالىق فەستيۆالدە «جىل ءانشىسى» دەگەن ماراپاتقا يە بولدى دەپ جازادى Qamshy.kz اقپارات اگەنتتىگى. قۋانىشتى حابارىن ول Instagram الەۋمەتتىك جەلىسىندە ءبولىستى. ول ماراپاتقا يە بولعاننان كەيىن قازاق تىلىندە العىس ءبىلدىردى. سونداي-اق ءوزىنىڭ باقىتتى ءانشى ەكەنىن ايتتى.
"ۇلكەن راقمەت. مەن شىن مانىندە وتە باقىتتى ءانشى ەكەنمىن. ونەر - الىپ مۇحيت. الىپ مۇحيتتا نەشە ءتۇرلى داۋىلدار بولادى. جاس بولسام دا وسىنداي بيىكتەن كورىنسىن دەگەن نيەتپەن قوناقجايلىق تانىتىپ، ماعان وسىنداي سىيلىق بەرىپ جاتقاندارىڭىزعا شىن جۇرەكتەن راقمەت ايتقىم كەلەدى. وسىنىڭ ءبارى مەنىڭ جانكۇيەرلەرىمنىڭ ارقاسى. شىن جۇرەكتەن بارشا جانكۇيەرلەرىمە ماعان دەگەن ماحابباتتارىڭىز ءۇشىن، سەنىمدەرىڭىز ءۇشىن، داۋىس بەرەتىن ساتتەردە دە تالماي-تىنباي قولداۋ تانىتىپ جۇرگەن قۇرمەتتەرىڭىز ءۇشىن مىڭ دا ءبىر تاعزىم! ۇلكەن راقمەت!"، دەدى ديماش.
«جىل ءانشىسى» جانە «جىبەك جولىنىڭ مادەني ەلشىسى» دەگەن ماراپاتتار الىپ، مەرەكە قارساڭىندا سىيعا بولەندىم. قۋانىشتىمىن. ءار جەڭىسىم وتانىم ءۇشىن، بارلىق تىڭدارماندارىم ءۇشىن»، - دەپ ول جەرلەستەرىن تاۋەلسىزدىك كۇنى مەرەكەسىمەن قۇتتىقتادى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ