اقتوبە وبلىسىنىڭ اكىمى بەردىبەك ساپاربايەۆ قارعالى اۋدانىنا جۇمىس ساپارى كەزىندە قاساقانا وت قويۋدان زارداپ شەككەن قوس ەستەك اۋىلىنىڭ تۇرعىندارىمەن كەزدەستى.
اۋىلدىقتارمەن اڭگىمەلەسكەن ول جاعدايدىڭ ءبىرىنشى كۇننەن باستاپ-اق ونىڭ جەكە باقىلاۋىندا ەكەنىن اتاپ ءوتتى.
ءوڭىر باسشىسى:
"ارنايى توپ قۇرىلىپ، جۇمىس جاساپ جاتىر. ونىڭ قۇرامىنا پروكۋراتۋرا، پوليسيا، جەرگىلىكتى اتقارۋشى ورگانداردىڭ وكىلدەرى كىردى. اۋدان اكىمدىگى مەن دەمەۋشىلەر بارلىق زارداپ شەككەندەرگە ماتەريالدىق كومەك كورسەتتى. وسىعان كىنالى جاندار قازاقستاننىڭ زاڭناماسىنا سايكەس جازاسىن الاتىن بولادى. سونداي-اق، جەكەلەگەن پوليسيا قىزمەتكەرلەرىن جاۋاپكەرشىلىككە تارتۋ ماسەلەسى قارالادى"،-دەپ سەندىردى.
كەزدەسۋدە بولعان اقتوبە وبلىسىنىڭ پوليسيا دەپارتامەنتىنىڭ باستىعى ماحامبەت ءابيساتوۆ اتالمىش ءىس بويىنشا ءتورت كۇدىكتى انىقتالعاندىعىن باياندادى. ءارقايسىسىنىڭ تۇلعارارالىق قارىم-قاتىناس پەن ماتەريالدىق پايدا كورۋدى كوكسەۋ سياقتى ءوز ءۋاجى بولعان. تەرگەۋ امالدارى جالعاسىپ جاتىر. كەزدەسۋ سوڭىندا اۋىلدىقتار كورسەتىلگەن ماتەريالدىق كومەك پەن قولداۋ ءۇشىن العىستارىن ءبىلدىردى.
پىكىر قالدىرۋ