اقتوبە وبلىسىنداعى ءىرى كاسىپورىندار جۇمىسشىلاردىڭ ەڭبەكاقىسىن كوتەرۋدە.

اقتوبە وبلىسىندا ق ر پرەزيدەنتى نۇرسۇلتان نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىنداعى تاپسىرمالاردى جۇزەگە اسىرۋ اياسىندا «قازحروم» تۇك» اق، «اقتوبە مىس كومپانياسى» ج ش س، «ۆوسحود-Oriel» ج ش س جانە «قازاقويل-اقتوبە» ج ش س مەن باسقا دا ءىرى كاسىپورىندار 2019 جىلدان باستاپ جۇمىسشىلارىنىڭ ايلىقتارىن كوتەرەدى.

اتاپ ايتقاندا، 1 قاڭتاردان باستاپ ەۋرازيالىق توپ قۇرامىنا كىرەتىن «قازحروم» تۇك» سىندى بولىمشەلەردىڭ قىزمەتكەرلەرىنىڭ ەڭبەكاقىلارى 9-14 پايىزعا وسپەك. ارمان ەسەنجولوۆ سونىڭ ىشىندە جۇمىسشى ماماندىقتارىنىڭ ايلىعى ءبىرشاما وسەتىنىن مالىمدەدى. بۇدان باسقا، قىزمەتكەرلەر ءۇشىن ۇجىمدىق كەلىسىمشارتپەن قاتار، باسقا دا ءتۇرلى ارەكەت ەتۋشى الەۋمەتتىك باعدارلامالار ساقتالاتىن بولادى.

«امك» ج ش س قىزمەتكەرلەرىنىڭ ايلىقتارى جاڭا جىلدان باستاپ 4 پايىزعا، «ۆوسحود-Oriel» ج ش س قىزمەتكەرلەرىنىكى 9 پايىزعا وسەدى. «قازاقويل-اقتوبە» ج ش س جۇمىسشىلارىنىڭ دا ايلىقتارى كەلەسى جىلدىڭ قاڭتار ايىنان باستاپ 7-10 پايىزعا كوتەرىلەدى.

ەلباسىنىڭ ازاماتتاردىڭ ءال-اۋقاتىن كوتەرۋ بويىنشا تاپسىرمالارىنا سايكەس وڭىردەگى ءبىرقاتار كاسىپورىندار جاڭا جىلدىق مەرەكەلەرگە وراي جۇمىسشىلارىنا سىياقىلار مەن 13ء-شى ايلىقتارىن بەرەدى.

ايتا كەتەيىك، وسى جىلدىڭ قازان ايىندا وتكەن مەملەكەت باسشىسى جولداۋىنىڭ مىندەتتەرىن ءتۇسىندىرۋ كەزدەسۋدە اقتوبە وبلىسىنداعى ونەركاسىپ سالاسىندا، مۇناي-گاز سەكتورىندا، وڭدەۋ سالاسىندا، قۇرىلىس جانە جول-كولىك يندۋسترياسىندا جۇمىس جاسايتىن 200-گە تارتا كاسىپورىن مەملەكەت باسشىسىنىڭ جۇمىسشىلاردىڭ ايلىعىن كوتەرۋ تۋرالى باستاماسىن قولداپ، سوعان سايكەس قازاقستانداعى بارلىق كاسىپورىندارعا ۇندەۋ ايتتى.

بيىل وڭىردەگى 53-تەن اسا ءىرى كاسىپورىن مەن كومپانيالار ەڭبەكاقىنى 7-20 پايىزعا دەيىن كوتەردى.