ق ر تاۋەلسىزدىگى كۇنى قارساڭىندا اقتوبەدە «وركەن» تۇلعانى دامىتۋ ورتالىعى مەن «نۇرزەرەك» بوبەكجايى العاشقى تاربيەلەنۋشىلەرى ءۇشىن ءوز ەسىگىن ايقارا اشتى. سالتاناتتى شارالارعا اقتوبە وبلىسىنىڭ اكىمى بەردىبەك ساپاربايەۆ قاتىستى.

* تاۋەلسىزدىك العان كۇننەن باستاپ مەملەكەت باسشىسىنىڭ ساياساتى جاس قازاقستاندىقتاردى باسەكەگە قابىلەتتى تۇلعا بولۋعا تاربيەلەۋگە باعىتتالدى. وتكەن 27 جىلدىڭ ىشىندە سول ءۇشىن كوپ جۇمىستار اتقارىلدى. ءبىر عانا اقتوبەنىڭ وزىندە 21 مىڭنان استام ءبۇلدىرشىن بارىپ جۇرگەن 142 بالاباقشا بار. بۇگىندە قالانىڭ مەكەتپكە دەيىنگى مەكەمەلەرمەن قامتىلۋى - 98%، وبلىس بويىنشا 100%-دى قۇرايدى. جارىن اقتوبەدە بالالار مەكتەپكە دەيىنگى بىلىممەن 100% قامتىلادى جوسپارلانىپ وتىر. بۇل جاعىنان بىزگە سوڭعى جىلدارى مەملەكەتتىك-جەكەمەنشىك سەرىكتەستىك اياسىندا وبلىستا ونداعان بالاباقشا اشقان الەۋمەتتىك جاعىنان جاۋاپتى كاسىپركەرلەر كومەكتەسۋدە. ولارعا بەلسەندىلىك تانىستقاندارى ءۇشىن العىس ايتامىن،-دەدى وبلىس اكىمى قۇتتىقتاۋ سوزىندە.

بۇگىن اشىلعان مەكتەپكە دەيىنگى مەكەمەلەر دە بالاباقشانى وتە قاجەت ەتەتىن جەرلەردە جەكە ينۆەستيسيالار ەسەبىنەن سالىنعان.

ماسەلەن، «وركەن» تۇلعانى دامىتۋ ورتالىعىنىڭ ءتورت قاباتتى عيماراتى اقجار-2 تۇرعىن ءۇي الابىندا ورنالاسقان. ونىڭ قۇرىلىسى مەن جابدىقتالۋىنا 500 ملن تەڭگە سالىندى. ورتالىققا ءبىر جارىم جاستان التى جاسقا دەيىنگى 200 ءسابي باراتىن بولادى.

170 ورىنعا ارنالعان جاڭا «نۇرزەرەك» بوبەكجايى باتىس-2 شاعىن اۋدانىنىڭ تۇرعىندارىنا قىزمەت كورسەتپەك. اتالمىش جوبا قۇنى – 560 ملن تەڭگە. كوركەمدىك-ەستەتيكالىق باعىتتا قوسىمشا ءبىلىم بەرەتىن كابينەتتەر، پسيحولوگ، لوگوپەد، قازاق، اعىلشىن جانە ورىس تىلدەرىنىڭ، توپىراقپەن ەمدەۋ كابينەتتەرى، گيمناستيكالىق زالدار بار. عيمارات اينالاسىنداعى زاماناۋي سپورت الاڭدارى مەن ويىن كەشەندەرى ورناتىلعان اۋماقتار دا تولىقتاي اباتتاندىرىلعان.

ءاربىر مەكتەپكە دەيىنگى مەكەمە بالالاردىڭ مادەني جانە فيزيكالىق تۇرعىدا دامىپ، مەكتەپكە ساپالى دايىندالۋلارىنا قاجەت بارلىق قۇرالدارمەن جابدىقتالعان. تاربيەلەنۋشىلەر مەن قىزمەتكەرلەردىڭ قاۋىپسىزدىكتەرىنە باسا نازار اۋدارىلعان، ياعني دامىتۋ ورتالىعىندا دا، بوبەكجايدا دا زاماناۋي اۆتوماتتى ءورت دابىلى، دىبىستىق حابار جۇيەسى ورناتىلعان.