اقتوبەدە ق ر تاۋەلسىزدىگى قارساڭىندا جاستاردىڭ «جاس اقتوبە-2018» قايىرىمدىلىق بالى ءوتتى. شاراعا ەرىكتىلەر، اۋىل جاستارى، جاس كاسىپكەرلەر، جوعارى وقۋ ورىندارى مەن كوللەدج ستۋدەنتتەرى قاتىستى.

وبلىستىڭ ۇزدىك جاستارى ماراپاتتالدى. ولار - ءار سالادا ەڭبەك ەتىپ جاتقان ازاماتتار. تاۋەلسىزدىك كۇنى قارساڭىندا جاستار بالى ۇيىمداستىرىلىپ، ءوڭىردىڭ كوركەيۋىنە ۇلەس قوسقاندار العىسا بولەندى.

"اسەم" لاگەرىندە وتكەن شاراعا 500 گە جۋىق اقتوبەلىك جاس جينالدى.  وركەستر. بويجەتكەندەر ءساندى كويلەك كيسە، جىگىتتەردىڭ ۇستىندە  كوستيۋم. 32 جۇپ دوڭگەلەنە  ۆالس بيلەپ، جينالعانداردىڭ كوز قۋانىشىنا اينالدى.

وبلىس اكىمى ب.ساپاربايەۆ 10 ادامعا ءارقايسىسىنا 100 مىڭ تەڭگە كولەمىندە اقشالاي سىيلىق تابىستادى. ولار-جاس ونەرپازدار، سپورتشىلار، مۇعالىمدەر، دارىگەرلەر، ەڭ ۇزدىك جاستار ءىسى جونىندەگى كوميتەتتەر مەن جاس كاسىپكەرلەر، ەرلىگىمەن ەرەكشەلەنگەن ازاماتتار مەن اۋدان تۇرعىندارى دا بار. بارلىعى دا ماقتاۋعا لايىق.

بال وڭىردەگى مەملەكەتتىك جاستار ساياساتىنا سۇبەلى ۇلەس قوسقان وسكەلەڭ ۇرپاق وكىلدەرىن انىقتاپ، ولاردى ىنتالاندىرۋ ماقساتىندا ۇيىمداستىرىلعان. وبلىس اكىمى بەردىبەك ساپاربايەۆ قازاقستاندا مەملەكەت باسشىسى قامقورلىعىنىڭ ارقاسىندا جاستار ساياساتى ماسەلەلەرىنە زور كوڭىل ءبولىنىپ جاتقانىن اتاپ ءوتتى.

- سىزدەر - ءبىزدىڭ تاۋەلسىز ەلىمىزدىڭ بولاشاعىسىزدار جانە قازاقستاندى جاڭا بەلەستەر مەن جەتىستىكتەرگە جەتكىزەتىن دە وزدەرىڭىز. پرەزيدەنتتىڭ باستاماسىمەن 2019 جىل جاستار جىلى دەپ جاريالاندى. ءبىزدىڭ وبلىستا وسكەلەڭ ۇرپاق پاتريوتيزم رۋحىندا، وتانعا دەگەن سۇيىسپەنشىلىككە تاربيەلەنۋى ءۇشىن بارلىق جاعداي جاسالعان. ءبىز سىزدەردىڭ بارلىق باستامالارىڭىز بەن يدەيالارىڭىزدى قولداۋعا ءازىرمىز،-دەدى ءوڭىر باسشىسى.

قالانىڭ  قوعامدىق-ساياسي ءومىرى مەن جاستار  ساياساتىن جۇزەگە اسىرۋعا بەلسەندى  اتسالىسقان جاستاردىڭ قاتارىندا "اقتوبە" تەلەارناسىنىڭ ەڭ جاس ءتىلشىسى ەرلان مۇقانوۆ تا بار. ول "جاستار" باعدارلاماسىنىڭ اۆتورى.  ەرلان ءۇشىن بۇل جۇلدە ۇلكەن موتيۆاسيا. العا قويعان جوسپارى كوپ.

جاستار ۇيىمدارىنىڭ، جوعارى  وقۋ  ورىندارىنىڭ  جاستار ىستەرى  جونىندەگى كوميتەتتەرىنىڭ  وكىلدەرى العىس حاتتارمەن جانە كادەسىيلارمەن ماراپاتتالدى. ديپلوممەن اۋىلعا باعدارلاماسىنىڭ قاتىسۋشىلارى دا بار. ولار تۋعان اۋىلدارىنىڭ كوركەيۋىنە اتسالىسىپ جۇرگەندەر. بىرەۋى-تۋعان جەرىندە بالاباقشا اشسا، ەندى ءبىرى رەسپۋبليكالىق جانە حالىقارالىق جارىستاردا ەل نامىسىن قورعاپ جۇرگەن تالانتتار.

ءوڭىرىمىزدىڭ ءار ءتورتىنشى تۇرعىنى - جاس. اقتوبەدە ەڭبەكشى جاستارعا ارنالعان جاتاقحانا سالىندى. جاستار جانە وقۋشىلار سارايى پايدالانۋعا بەرىلدى. اشىق اسپان استىندا دەنە شىنىقتىرۋعا ارنالعان سپورت الاڭدارى دا بوي كوتەرىپ جاتىر. بۇگىندە اقتوبە سپورت الاڭدارى سانىنان رەسپۋبليكادا 5-ورىندا تۇر. "اسەم" لاگەرىنىڭ ەسىگى ۇزدىك وقۋشىلار ءۇشىن ايقارا اشىق.  جاستىق شاقتىڭ مۇمكىندىگى زور،-دەدى ءوڭىر باسشىسى.

قايىرىمدىلىق بال اياسىندا 1 ملن.تەڭگە قارجى جينالدى. بۇل قاراجات جەتىم بالالارعا، مۇمكىندىگى شەكتەۋلى ازاماتتارعا جولدانباق. شاراعا اقتوبە مەديسينالىق كوللەدجى مەن دەپۋتاتتار قاتىستى. جەرگىلىكتى سۋرەتشىلەردىڭ تۋىندىلارى ساۋداعا شىعارىلدى. ساتىلعان كارتينالاردان تۇسكەن قارجى مۇقتاج جاندارعا تابىستالادى. وبلىستىق جاستار ساياساتى باسقارماسىنىڭ ۇيىمداستىرۋىمەن وتكەن شاراعا 1000 عا جۋىق اقتوبەلىك جاس اتسالىستى.

اتاپ وتەيىك، 2016 جىلى وبلىس اكىمى شىعارماشىل جانە دارىندى جاستاردى ىنتالاندىرىپ، ايتۋلى ەڭبەكتەرىن ەلەۋ ماقساتىندا «جاس-اقتوبە» سىيلىعىن بەكىتكەن بولاتىن. ول ءداستۇر بويىنشا جارقىن وكىلدەرگە ءتۇرلى اتالىمداردا بەرىلەدى. وسى جىلى وعان وقۋدا، جۇمىستا جانە شىعارماشىلىقتا ۇزدىك ناتيجەگە جەتكەن ون جاس يە بولدى. 100 مىڭ تەڭگەنىڭ سەرتيفيكاتىن ۇزدىك جىل سپورتشىسى اتانعان ماقسات ساۋىربايەۆ، «جىل دارىنى» اتالىمىنىڭ سىيلىعى تابىس ەتىلگەن قىمبات قۋانتايەۆا، «ۇزدىك رەسۋرستىق ورتالىق» سىيلىعىن يەلەنگەن بايعانين رەسۋرستىق ورتالىعى، «ۇزدىك جاستار ءىسى جونىندەگى كوميتەت» دەپ تانىلعان اقتوبە پوليتەحنيكالىق كوللەدجىنىڭ جاستار ءىسى جونىندەگى كوميتەتى الدى. كەشتىڭ باستى وقيعاسى – م.مامەتوۆا اتىنداعى جوعارى مەديسينالىق كوللەدج ستۋدەنتتەرىنىڭ 32 جۇبىنىڭ اعىلشىن ءۆالسىن ورىنداۋى بولدى. سونداي-اق، شارا اياسىندا قايىرىمدىلىق اۋكسيونى ۇيىمداستىرىلىپ، اقتوبەلىك سۋرەتشىلەردىڭ كارتينالارى مەن قولونەر جۇمىستارىنىڭ بۇيىمدارى ساتىلدى. اۋكسيوننان تۇسكەن 1 ملن تەڭگە كولەمىندەگى قاراجات ەرەكشە قاجەتتىلىكتەرى بار جاستار مەن مەديسينالىق كوللەدجدە وقيتىن جەتىم بالالارعا بەرىلدى.