تاۋەلسىزدىك كۇنى قارساڭىندا اقتوبە قالاسىنىڭ الماتى اۋدانىندا جاڭا سوت اشىلدى.
شاراعا اقتوبە وبلىسىنىڭ اكىمى بەردىبەك ساپاربايەۆ، جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ورىنباسارى قايرات ەلىبايەۆ، سونىمەن قاتار، مەملەكەتتىك جانە قۇقىققورعاۋ ورگاندارىنىڭ باسشىلارى، ارداگەرلەر مەن سوت جۇيەسىنىڭ قىزمەتكەرلەرى قاتىستى.
جاڭا سوتتىڭ ايرىقشا ەرەكشەلىگى – وندا ازاماتتارعا ىڭعايلى بولۋ ءۇشىن ءوز وزدەرىنە قىزمەت كورسەتۋ ايماعى مەن اقپارات ورتالىعى، مەدياتورلاردىڭ، قورعاۋشىلار مەن نوتاريۋستاردىڭ، كابينەتتەرى جۇمىس جاسايتىن وڭىردەگى ءبىرىنشى فرونت-كەڭسە اشىلدى. ەكى قاباتى زاماناۋي عيمارات حالىق لەگىنىڭ كوپتىگىن ەسكەرە وتىرا جوبالانعان. مۇمكىندىگى شەكتەۋلى جاندارعا ارنايى جاعدايلار جاسالعان. وسىنداعى بارلىق التى زال دا اۋديو-بەينە جازبا جۇيەسىمەن جابدىقتالعان.
عيماراتتىڭ ماتەريالدىق-تەحنيكالىق جاراقتانۋىن قاراپ شىققان بەردىبەك ساپاربايەۆ سونداي-اق، ەلەكتروندى سوت ءىسى مەن «سمارت سوت» پيلوتتىق جوباسىنىڭ جۇمىسىمەن تانىستى.
* ساپالى سوت تورەلىگى ءۇشىن جاعداي جاساۋ – ەلباسىنىڭ ماڭىزدى باسىمدىقتارىنىڭ ءبىرى. بۇل عيماراتتا قىزمەتكەرلەر ىڭعايلى جۇمىس ىستەۋلەرى ءۇشىن جانە كەلۋشىلەرگە بارلىق جاعداي بار. باستى مىندەت – سوت تورەلىگىن اتقارۋ كەزىندە زاڭدىلىقتى، اشىقتىق پەن ايقىندىقتى قامتاماسىز ەتىپ، ازاماتتارمەن جۇمىس كەزىندە بيۋروكراتيا مەن اۋرە-سارساڭدى بارىنشا بولدىرماۋ،-دەپ اتاپ ءوتتى وبلىس اكىمى سوتتارمەن جانە سوت قىزمەتكەرلەرىمەن اڭگىمە كەزىندە.
ءوڭىر باسشىسى جينالعانداردى ق ر تاۋەلسىزدىگى كۇنىمەن قۇتتىقتاپ، حالىقتىڭ سوتتارعا دەگەن سەنىمدەرىنىڭ ارتۋىن تىلەدى.
پىكىر قالدىرۋ