ق ر تاۋەلسىزدىگى كۇنى قارساڭىندا اقتوبەدە الماتى مەن استانادان كەيىنگى قازاقستانداعى ءۇشىنشى «قازپوشتا» اق باتىس» وڭىرلىك لوگيستيكالىق ورتالىعى اشىلدى. ورتالىق قوستاناي، ماڭعىستاۋ، اتىراۋ، باتىس قازاقستان جانە اقتوبە وبلىستارىنا قىزمەت كورسەتەتىن بولادى.

اقتوبە وبلىسىنىڭ اكىمى بەردىبەك ساپاربايەۆ ءوڭىر باسشىلىعىنىڭ جۇمىس ورىندارىن قۇرىپ، سالىق سالىناتىن نەگىزدەردى ارتتىرۋعا مۇمكىندىك بەرەتىن وسىنداي نىسانداردىڭ اشىلۋىنا قىزىعۋشىلىق تانىتىپ وتىرعانىن اتاپ ءوتتى.

* ەلباسى الدىمىزعا جاڭا تەحنولوگيالاردى ەنگىزۋ، ەلەكتروندى ساۋدانى دامىتۋ مىندەتىن قويدى. ءبىز پرەزيدەنت تاپسىرماسىن ورىنداۋعا باعىتتالاتىن جانە جالپى ءوڭىردى دامىتۋعا وڭ اسەرىن تيگىزەتىن بارلىق جوبالاردى قولداۋعا ءازىرمىز. ءبىزدىڭ وبلىس ەۋروپا مەن ازيانى قوساتىن قازاقستاننىڭ باتىس قاقپاسى بولىپ تابىلادى، جۇڭگو تاۋارلارى ءبىز ارقىلى ءوتۋ ءۇشىن قولداعى بارلىق مۇمكىندىكتى بارىنشا پايدالانۋىمىز قاجەت،- دەپ اتاپ ءوتتى وبلىس اكىمى بەردىبەك ساپاربايەۆ.

* بۇرىن سالەمدەمەلەردىڭ باسىم بولىگى الدىمەن الماتىنىڭ سۇرىپتاۋ ورتالىعىنا جەتكىزىلەتىن. ەندى ەۋروپا مەن تمد ەلدەرىنەن كەلەتىن سالەمدەمەلەر بىردەن اقتوبەنىڭ كەدەندىك باقىلاۋىنان وتەدى. بۇل سالەمدەمەنى يەسىنە جەتكىزۋ مەرزىمىن التى كۇنگە دەيىن قىسقارتىپ، پوشتانىڭ تاعى ءبىر ترانزيتتىك ايىرباستاۋ پۋنكتىن الىپ تاستاي وتىرا، الماتىداعى لوگيستيكالىق ورتالىققا تۇسەتىن جۇكتەمەنى ازايتادى. بۇرىن اقتوبەدە كۇنىنە 6 مىڭعا جۋىق جونەلتىم وڭدەلسە، ەندى وڭدەلگەن پوشتالاردىڭ كولەمى كۇنىنە 20-25 مىڭعا دەيىن وسەدى،-دەدى جاڭا ورتالىقتىڭ ءبىرقاتار ارتىقشىلىقتارىن اتاپ وتكەن «قازپوشتا» اق-نىڭ پوشتا بيزنەسى جونىندەگى اتقاۋرشى ديرەكتورى ساۋلە ەگەمبەردييەۆا.

حاب - رەسەي، مولدوۆا، قىرعىزستان، وزبەكستان ەلدەرىنەن، جەرگىلىكتى، تمد مەن قىتايدان كەلگەن سالەمدەمەلەردى تيەيتىن سۇرىپتاۋ پۋنكتى. ولار كەدەندىك باقىلاۋ مەن سۇرىپتاۋدى حاب اۋماعىندا جۇرگىزەتىن بولادى. بۇل سالەمدەمەلەردى جەتكىزۋ مەرزىمىن قىسقارتۋعا مۇمكىندىك بەرەدى. تاۋاردى سۇرىپتاۋ ۋاقىتى دا ايتارلىقتاي قىسقارماق. لوگيستيكالىق ورتالىق زاماناۋي جابدىقپەن، قاۋىپسىزدىك جانە بەينەقابىلداۋ جۇيەلەرىمەن، سونىمەن قاتار، كەدەندىك باقىلاۋ جانە تەكسەرۋ ايماقتارىمەن جاراقتانعان. مۇندا سونىمەن قاتار، وندىرىستىك قۋاتتىلىعى 160 مىڭ سالەمدەمە بولاتىن فۋلفيلمەنت ورتالىعى جۇمىس جاسايتىن بولادى.

حابتىڭ جالپى اۋماعى 3500 شارشى مەتر. سەكسەن جۇمىس ورنى قۇرىلدى.