اقتوبە وبلىسى پوليسيا دەپارتامەنتىنىڭ اۆتوپاركى «شكودا وكتاۆيا» ماشينالارىمەن تولىقتى. پوليسەيلەردىڭ قىزمەتتىك اۆتوكوىلكپەن قامتىلۋى 100%-دى قۇراۋعا جاقىن.

تاۋەلسىزدىك كۇنىنە ارنالعان سالتاناتتى شارا «قازاق حالقىنا مىڭ العىس» الاڭىندا ءوتتى. وعان وبلىس اكىمى بەردىبەك ساپاربايەۆ، قۇقىقورعاۋ ورگاندارىنىڭ باسشىلارى، ىشكى ىستەر ورگاندارىنىڭ جەكە قۇرامى قاتىستى. ءوڭىر باسشىسى ەگەمەن قازاقستاننىڭ بارلىق جەتىستىگى ەلباسىمەن بايلانىستى ەكەنىن اتاپ ءوتتى.وسىلايشا، پرەزيدەنت تاپسىرماسىمەن وڭىردە پوليسيا دەپارتامەنتى بولىمشەلەرىنىڭ وبلىستاعى قۇقىقتىق ءتارتىپ ءۇشىن بىرلەسكەن جاۋاپكەرشىلىگىنىڭ جاڭا مىندەتتەرىنە جاۋاپ بەرەتىن ماتەريالدىق-تەحنيكالىق بازاسىن نىعايتۋدىڭ ءتيىمدى شارالارى قابىلدانىپ جاتىر.

* 2018 جىلى جەرگىلىكتى بيۋدجەتتەن پوليسيا دەپارتامەنتىنە 7،2 ملرد تەڭگە ءبولىندى. ءبىرقاتار بىرلەسكەن جوبالاردى جۇزەگە اسىرۋدىڭ، قىزمەتكەرلەردىڭ كاسىبيلىگىنىڭ ارقاسىندا وڭىردە قىلمىس دەڭگەيى تومەندەدى. ۇلت جوسپارىنىڭ وتىز قادامىن جۇزەگە اسىرۋ اياسىندا دەپارتامەنت اۆتوپاركى جاڭا قىزمەتتىك اۆتوكولىكتەرمەن تولىقتى. بۇل قىلمىس پەن قۇقىقبۇزۋشىلىقتىڭ اشىلۋ جەدەلدىگىنە، قۇقىقتىق ءتارتىپتى قامتاماسىز ەتۋگە جانە وبلىس جولدارىن پاترۋلدەۋگە وڭ اسەرىن تيگىزەرى ءسوزسىز. بارىنشا زاڭدىلىقتى جانە وبلىس تۇرعىندارىنىڭ قوعامدىق قاۋىپسىزدىگىن قامتاماسىز ەتۋ ماسەلەلەرى باسىمدىق بولىپ تابىلادى،-دەگەن وبلىس اكىمى پوليسەيلەرگە اۆتوكولىك كىلتتەرىن تابىس ەتتى.

ءوز كەزەگىندە پوليسيا قىزمەتكەرلەرى وزدەرىنىڭ قىزمەتتىك پارىزىن لايىقتى اتقارىپ، وڭىردەگى قۇقىقتىق ءتارتىپتى قامتاماسىز ەتە وتىرا ادامداردىڭ تىنىشتىعى مەن قاۋىپسىزدىگىن قورعاۋعا ۋادە بەردى. مەرەكەلىك شارانىڭ سوڭىندا ىشكى ىستەر ورگاندارىنىڭ ارداگەرلەرى مەن ۇزدىك قىزمەتكەرلەرىنە ماراپاتتار تابىستالدى. ق ر پرەزيدەنتىنىڭ جارلىعىمەن پوليسيا دەپارتامەنتىنىڭ سەگىز قىزمەتكەرى مەملەكەتتىك ماراپاتتارمەن ماداقتالدى.