تاۋەلسىزدىك كۇنى قارساڭىندا اقتوبە قالاسىنداعى №41 مەكتەپ-گيمنازياسىنىڭ عيماراتىندا اتاقتى اقىن، ق ر حالىق جازۋشىسى، مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ قۇرمەتىنە ەسكەرتكىش تاقتا ورناتىلدى.

سالتاناتتى شاراعا اقتوبە وبلىسىنىڭ اكىمى بەردىبەك ساپاربايەۆ، اقىننىڭ ۇلى - الماس وڭعارسىنوۆ، قوعام قايراتكەرى ءارى جازۋشى ءابىش كەكىلبايەۆتىڭ جۇبايى – كلارا جۇمابايەۆا، قالا تۇرعىندارى مەن قوناقتارى قاتىستى. وبلىس اكىمى تاۋەلسىزدىكتىڭ 27 جىلى ىشىندە حالىقتىڭ ءال-اۋقاتىن كوتەرىپ، ءبىلىم، دەنساۋلىق، مادەنيەت، سپورت، تۇرعىن ءۇي قۇرىلىسى، اۋىل شارۋاشىلىعى سالالارىن دامىتۋ ءۇشىن قازاقستاندا ەڭ ءتيىمدى شارالار قابىلدانعانىن اتاپ ءوتتى.

* وسى جەتىستىكتەردىڭ ءبارى – مەملەكەت باسشىسىنىڭ كورەگەن ساياساتىنىڭ ناتيجەسى. تاۋەلسىز ەلىمىزدىڭ قالىپتاسۋىندا قازاق حالىقىنىڭ داڭقتى قىزى فاريزا وڭعارسىنوۆانىڭ ءرولى ماڭىزدى. ول قازاق پوەزياسىن دامىتۋعا ەلەۋلى ۇلەس قوسىپ، ادەبيەتكە وشپەس ءىزىن قالدىردى: ونىڭ قالامىنان ماحاباتتى، ەرلىك ىستەردى، ادامداردىڭ قايسارلىعىن جىرلايتىن جۇزدەگەن شىعارمالار شىقتى. سوندىقتان مەملەكەتىمىزدىڭ ماڭىزدى مەرەكەسى قارساڭىندا اتاقتى اقىن قىزدىڭ ەسىمى بەرىلگەن مەكتەپتە ەسكەرتكىش تاقتا ورناتىلدى،-دەدى ءوڭىر باسشىسى.

سونداي-اق، مەكتەپتە ف.وڭعارسىنوۆا اتىنداعى مۇراجاي اشىلدى. مۇندا وقۋشىلار اتاقتى اقىن قىزدىڭ ومىربايانىمەن جانە شاعىرماشىلىعىمەن تانىسا الادى. الماس وڭعارسىنوۆ مۇراجايعا ق ر حالىق جازۋشىسىنىڭ 12 تومدىق شىعارمالار جيناعىن سىيعا تارتتى. ايتا كەتەيىك، اقىن، ق ر حالىق جازۋشىسى فاريزا وڭعارسىنوۆا اتىنداعى 600 ورىندىق جالپى ءبىلىم بەرەتىن مەكتەپ-گيمنازياسى وسى جىلدىڭ تامىز ايىندا اشىلعان. الاڭى 10،3 مىڭ شارشى مەترلىك وقۋ ورنىنىڭ ءۇش قاباتتى عيماراتى بالالاردىڭ وقۋعا جانە دەمالۋعا، سونىمەن قاتار، مادەني جانە سپورتتىق بىلىمگە دەگەن قاجەتتىلىگىن ەسكەرە وتىرا جوبالانعان.