ق ر تاۋەلسىزدىگى قارساڭىندا اقتوبەدە قوعام جانە ساياسي قايراتكەر، قازاقستان حالىق جازۋشىسى ءابىش كەكىلبايەۆتىڭ ەسىمى بەرىلگەن جاڭا مەكتەپ اشىلدى. بۇل باتىس وڭىرىندەگى زاماناۋي اقپاراتتىق تەحنولوگيالاردى تەرەڭ وقىتاتىن العاشقى مەكتەپ-ليسەي.

سالتاناتتى شاراعا اقتوبە وبلىسىنىڭ اكىمى بەردىبەك ساپاربايەۆ، ءابىش كەكىلبايەۆتىڭ جۇبايى مەن ۇلى – كلارا جۇمابايەۆا مەن داۋلەت كەكىلبايەۆ، قوعام وكىلدەرى قاتىستى.

* ءابىش كەكىلبايەۆ قازاقستاننىڭ زاماناۋي مادەنيەتىندە ەرەكشە ورىن الادى. ونىڭ ۇلى شىعارمالارى الەمنىڭ ونداعان تىلىنە اۋدارىلدى. ول جازۋشى عانا ەمەس، مەملەكەتتىڭ قالىپتاسۋى مەن نىعايۋىنا، حالىقتىڭ بىرلىگىن دامىتۋ ءۇشىن كوپ نارسە جاساعان دارىندى ساياسي قايراتكەر. ماعان ونىمەن تانىس بولۋ جانە كوپ جىلدار بويى بىرگە جۇمىس ىستەۋ باقىتى بۇيىردى. ول – جۇرەگى كەڭ جان. ونىڭ مۇراسىن وسكەلەڭ ۇرپاققا تابىس ەتۋ – پارىزىمىز. بالالار وسىنداي ۇلى ادامداردى ۇلگى تۇتىپ، ءومىر ءسۇرۋدى ۇيرەنۋلەرى كەرەك. سوندىقتان دا جاڭا مەكتەپ ءابىش كەكىلبايەۆتىڭ قۇرمەتىنە، ونىڭ ەسىمىمەن اتالدى،-دەدى وبلىس اكىمى قۇتتىقتاۋ سوزىندە.

900 وقۋشىعا ارنالعان №72 ىت-مەكتەپ-ليسەي اۆياتور شاعىن اۋدانىندا ورنالاسقان. ونىڭ قۇرىلىسىنا، اباتتانۋى مەن جاراقتانۋىنا شامامەن 1،6 ملرد تەڭگە ءبولىندى. مەكتەپتە قىرىق وقۋ كابينەتى جۇمىس جاسايتىن بولادى، سونىڭ ىشىندە ينفورماتيكا، فيزيكا، حيميا جانە بيولوگيا، اعىلشىن ءتىلى پاندەرىنىڭ جابىدقتالعان كابينەتتەرى، كىتاپحانا، مەدياتەكا بار. 1-7 سىنىپ وقۋشىلارى اقپاراتتىق تەحنولوگيا نەگىزدەرىن ۇيرەنەدى، 7 سىنىپتان باستاپ ارنايى باعدارلامالاۋ ءتىلىنىڭ كۋرستارى وقۋ جوسپارىنا ەنگىزىلەدى. سونداي-اق، روبوت تەحنيكاسى مەن 3D-پرينتينگتى تەرەڭ وقىتۋ جاعى قارالدى.

مەكتەپتىڭ سالتاناتتى اشىلۋ ءراسىمى وقۋ عيماراتىنىڭ قاسبەتىندە ءابىش كەكىلبايەۆتىڭ قۇرمەتىنە ورناتىلعان مەموريالدى تاقتاعا گۇل شوقتارىن قويۋمەن اياقتالدى.

* اقتوبەلىكتەرگە ەسكە العاندارى ءۇشىن العىس ايتامىن. ءابىش 77 جاسىندا ومىردەن ءوتتى، ءبىراق ارتىنان ۇلكەن ءىز قالدىردى. ونىڭ باستى تىلەگى ءارقاشان ءبىر نارسە بولدى – ءوز ەلىنىڭ باي، بەيبىت ءارى گۇلدەنگەنىن كورۋ. بۇگىندە ءبىز سونداي ۋاقىتتا ءومىر ءسۇرىپ جاتىرمىز. بالالار، وسى سىيدى باعالاي بىلىڭىزدەر. ۇلكەندەردىڭ سىزدەر ءۇشىن جاساعاندارىن باعالاي بىلىڭىزدەر، وسىنداي يگى ىستەردى جالعاستىرىپ، ارتتىرۋعا ۇمتىلىڭىزدار،-دەدى ءابىش كەكىلبايەۆتىڭ جۇبايى كلارا جۇمابايەۆا.

ءابىش كەكىلبايەۆ – قوعام جانە ساياسي قايراتكەر، ەڭبەك ەرى جانە قازاقستاننىڭ حالىق جازۋشىسى. ول ق ر ءبىرىنشى حاتشىسى، پرەزيدەنتتىڭ كەڭەسشىسى بولدى. قازاقستان تاۋەلسىزدىگى قارساڭىندا ءابىش كەكىلبايەۆ قازاق تىلىنە، ونوماستيكاعا، ۇلتتىق تاريحقا، الەۋمەتتىك-مادەني ماسەلەلەرگە جانە حالىقارالىق قاتىناستارعا بايلانىستى ماسەلەلەردى شەشۋگە بەلسەنە ات سالىستى.