18 جەلتوقسان، سەيسەنبى كۇنى اباي داڭعىلىندا اقتوبە وبلىسىنىڭ 30 مەترلىك باس شىرشاسىنىڭ شامدارى جاعىلدى

شىرشانى تانىمال اقتوبەلىكتەر – ق ر ەڭبەك سىڭىرگەن قايراتكەرى، ءانشى، «ميسسيس اقتوبە-2011» بايقاۋىنىڭ جەڭىمپازى سۆەتلانا ايتبايەۆا، مانەرلەپ سىرعاناۋدان حالىقارالىق ءتۋرنيردىڭ جۇلدەگەرى داريا ۆدوۆينا مەن اقتوبەدەگى حوككەيدەن جاستار كومانداسىنىڭ كاپيتانى نيكيتا بەلاشيەۆ سالتاناتتى تۇردە جاقتى. سول كەشتە اقتوبەدە وبلىس اكىمدىگىنىڭ الدى مەن ارباتتا ورناتىلعان بارلىعى ءتورت شىرشانىڭ شامدارى جاعىلدى. سالتاناتتى راسىمنەن كەيىن ءتۇرلى-تۇستى تەاترلاندىرىلعان قويىلىم مەن  كونسەرتتىك باعدارلاما ءوتتى. سالتاناتتى شاراعا قالا تۇرعىندارىمەن جانە قوناقتارىمەن قاتار وبلىس اكىمى بەردىبەك ساپاربايەۆ تا قاتىستى. ول ارباتتىڭ بويىمەن قىدىرىپ، قالالىقتارمەن اڭگىمەلەستى، ولاردى مەرەكەلەرىمەن قۇتتىقتادى.

سول كەشتە اقتوبەدەگى ارباتتىڭ بارلىق الاڭدارى ءتۇرلى-تۇستى يلليۋميناسيامەن جارىقتاندىرىلىپ، قالا تۇرعىندارىن ەرتەگى كەيىپكەرلەرىنىڭ كوستيۋمدەرىن كيگەن مانەرلەپ سىرعاناۋشىلار ءوز ونەرلەرىمەن قۋانتتى. اقتوبەلىكتەر كوڭىلدى سپورتتىق جارىستارعا قاتىستى.

وبلىس ورتالىعىنىڭ الاڭدارى مەن كوشەلەرىندە 17 جەلتوقساننان باستاپ ەلۋدەن استام شىرشا ورناتىلا باستادى. جاڭا جىل سۇلۋلارى سونداي-اق، تۇڭعىش پرەزيدەنت اتىنداعى ساياباقتا، «باتىس-2» جانە «نۇر اقتوبە» تۇرعىن ءۇي الاپتارىنا دا ورناتىلادى.

 ورتالىق ستاديون اۋدانىندا قالا تۇرعىندارى مەن قوناقتارى ءۇشىن مۇز قالاشىعى سالىنعان. 14 جەلتوقساننان باستاپ قالا بويىنشا بارلىعى 48 مۇز ايدىنى جۇمىس جاساپ جاتىر. مىڭنان اسا جاڭاجىلدىق ەرتەڭگىلىكتەرگە 80 مىڭنان استام بالا جينالادى.

تۇرعىندارعا قولايلى بولۋ ءۇشىن جاڭا جىل كۇندەرى ق ر تۇڭعىش پرەزيدەنتى اتىنداعى ساياباقتا، «باتىس-2» جانە «نۇر اقتوبە» تۇرعىن ءۇي الاپتارىندا باستى مادەني-كوپشلىلىك جاڭاجىلدىق شارالار مەن مەرەكەلىك وتشاشۋلار وتەدى.

مەرەكەلەر قارساڭىندا قالانىڭ ءار نۇكتەسىندە اۋىل شارۋاشىلىعى جارمەڭكەلەرى ۇنەمى وتكىزىلىپ تۇراتىن بولادى. قالا تۇرعىندارىنا ازىق-تۇلىك تاۋارلارىنىڭ كەڭ تاڭداۋى تومەن باعامەن ۇسىنىلاتىن بولادى.