استانا قالاسى قورعانىس ىستەرى جونىندەگى دەپارتامەنتىنىڭ اسكەري قىزمەتشىلەرى ەلوردادا وتكەن قالا جاستارىنا جۇمىسقا ورنالاسۋ بويىنشا كونسۋلتاسيالىق كومەك كورسەتۋ ماقساتىمەن ۇيىمداستىرىلعان شاراعا قاتىستى. شاراعا، سونداي-اق، استانا قالالىق قوعامدىق دەنساۋلىق ساقتاۋ باسقارماسى، «ازاماتتارعا ارنالعان ۇكىمەت» مەملەكەتتىك كورپوراسياسى، جۇمىسپەن قامتۋ ورتالىعى، مەدياسيانى دامىتۋ ورتالىعى جانە تۇرعىن ءۇي قۇرىلىس جيناق بانكىنىڭ وكىلدەرى قاتىستى. سونىمەن قاتار، كاسىبي زاڭگەر مەن پسيحولوگ ماماندار جاستارعا تەگىن كونسۋلتاسيا جۇرگىزدى. قالاداعى «ازيا پارك» ويىن-ساۋىق ورتالىعىندا وتكەن اشىق ەسىك كۇنىندە جاستارعا ءوزىن قىزىقتىرعان ساۋالدارىنا جاۋاپ الۋ مۇمكىندىگى قاراستىرىلعان.
بۇل شارانىڭ ماقساتى - ەلوردا جاستارىن مەملەكەتتىك باعدارلامالارمەن تانىستىرىپ، ونىڭ مۇمكىندىگىن پايدالانۋدى ۇسىنۋ. ال اسكەري قىزمەتشىلەر ءوز الدىنا جاستارعا اسكەرگە بارۋ شارتتارىن، كەلىسىمشارت بويىنشا قىزمەتكە تۇرۋ، سونداي-اق، اسكەري جوعارعى وقۋ ورىندارىنا ءتۇسۋ جونىندەگى سۇراقتارىنا جاۋاپ بەردى.
«جاستار اراسىندا اسكەري سالاعا دەگەن قىزىعۋشىلىق مول ەكەنىن اڭعاردىم. كەڭەس الۋ ءۇشىن كەلگەن جاستاردىڭ كوبىن كەلىسىمشارت بويىنشا اسكەري قىزمەت اتقارۋ تۋرالى ماسەلە قىزىقتىراتىنىن اڭعاردىم. نەگىزى جاستار ءۇشىن وتە پايدالى شارا بولدى»، - دەپ استانا قالاسى قورعانىس ىستەرى جونىندەگى دەپارتامەنتىنىڭ اسكەري قىزمەتشىسى قايىربەك اكباروۆ ءوز ويىمەن ءبولىستى.
