«نۇر وتان» پارتياسى داستۇرگە ساي جاڭا جىل قارساڭىندا مۇمكىندىگى شەكتەۋلى بالالاردى مەرەكەمەن قۇتتىقتاۋدى باستاپ كەتتى.
بۇگىن اقمولا وبلىسىنىڭ ارشالى اۋدانىندا وتكەن ءىس-شاراعا پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ ارنايى قاتىستى. «كەدەرگىسىز كەلەشەك» پارتيالىق جوباسى اياسىندا وتكىزىلگەن ءىس-شاراعا اۋدانداعى مۇمكىندىگى شەكتەۋلى بالالار مەن ولاردىڭ اتا-انالارى قاتىستى.
ءوز سوزىندە «نۇر وتان» پارتياسى ءتوراعاسىنىڭ ءبىرىنشى ورىنباسارى پارتيانىڭ «كەدەرگىسىز كەلەشەك» جوباسىنا توقتالىپ ءوتتى.
– بۇگىندە ەلباسىمىزدىڭ تاپسىرماسى بويىنشا «نۇر وتان» پارتياسى مۇمكىندىگى شەكتەۋلى جاندارعا جان-جاقتى قولداۋ كورسەتىپ كەلەدى. اتاپ ايتقاندا، «كەدەرگىسىز كەلەشەك» جوباسى بويىنشا مۇمكىندىگى شەكتەۋلى ازاماتتاردىڭ ساپالى ءبىلىم الۋىنا، ولاردىڭ جۇمىسپەن قامتىلىپ، قوعامدىق-ساياسي ومىرگە بەلسەنە ارالاسۋىنا جانە ەلىمىزدە كەدەرگىسىز ورتا قالىپتاستىرۋعا باسىمدىق بەرىپ وتىرمىز، – دەدى ماۋلەن اشىمبايەۆ.
سونىمەن قاتار ول بارشا قاتىسۋشىلاردى مەرەكەمەن قۇتتىقتاپ، بالالارعا سىي-سياپاتتار تارتۋ ەتتى.
باس پارتيانىڭ وسىنداي ءىس-شاراعا ۇيىتقى بولىپ، بالالارىنىڭ ناعىز مەرەكەلىك كوڭىل-كۇي سىيلاعانى ءۇشىن اتا-انالار ءوز ريزاشىلىقتارىن ءبىلدىردى.
– جاڭا جىل ءار بالا ءۇشىن جىل بويى كۇتەتىن مەرەكە. ال مۇمكىندىگى شەكتەۋلى بالالار ءۇشىن مۇنداي ءىس-شارالاردىڭ ءجونى مۇلدەم بولەك. بۇگىن بالامنىڭ جۇزىنەن كۇلكى ءۇيىرىلىپ، ەل قاتارلى جاڭا جىلدىق شىرشاعا قاتىسقانى ءۇشىن ەرەكشە قۋانىشتىمىن. وسىنداي يگى ءىس ءۇشىن ەلباسى پارتياسىنا العىسىمىز شەكسىز، – دەيدى بالاسىن مەرەكەلىك ءىس-شاراعا الىپ كەلگەن اتا-انالاردىڭ ءبىرى نۇرجامال قوجابەكوۆا.
