قازاقستان رەسپۋبليكاسىنىڭ الدىڭعى قاتارلى ارنالارىنىڭ ءبىرى «31 ارنا» يۋريي برودسكييدىڭ باس ديرەكتور قىزمەتىنە تاعايىندالعانىن حابارلايدى.
بۇعان دەيىن يۋريي برودسكيي RTVI تەلەارناسىنىڭ جاڭالىققا جاتپايتىن حابارلار تاراتاتىن ديرەكسياسىنىڭ ديرەكتورى قىزمەتىن اتقاردى. ونىڭ الدىندا ستس ارناسىنىڭ پرايمدىق حابار تاراتۋ ديرەكسياسىن باسقاردى جانە 31 ارنانىڭ باس پروديۋسەرى بولىپ قىزمەت ەتكەن.
«سوڭعى جىلداردا 31 ارنادا قازاقستانعا ساپالى كونتەنت تاراتاتىن جوعارى بىلىكتى ماماندار قالىپتاسقان. جاڭا باس ديرەكتوردىڭ الدىندا ءتول ونىمدەردى جالعاستىرۋ، ساپاسىن ارتتىرۋ جانە جاڭا دەڭگەيگە كوتەرۋ مىندەتى تۇر. ءبىز تەليەۆيزيانى دامىتۋعا باعىتتالعان زاماناۋي عالامدىق ترەندتەردى ءجىتى باقىلاپ وتىرمىز. سول سەبەپتى دە يۋريي "31 ارنا" ۇجىمىنىڭ اۋىزبىرلىگىن ودان ءارى نىعايتىپ، ونىڭ كاسىبي دەڭگەيىن بايىتادى ءارى كوتەرەدى دەگەن سەنىمدەمىن»، - دەيدى «ۆەرنىي كاپيتال» كومپانيالار توبىنىڭ ديرەكتورى جانە «31 ارنانىڭ» باقىلاۋشىلار كەڭەسىنىڭ مۇشەسى ەرلان وسپانوۆ.
«ءيۋرييدىڭ كوماندامىزعا قايتىپ ورالعانىنا قۋانىشتىمىن. ونىڭ تەليەۆيزيا سالاسىندا كوپجىلدىق تاجىريبەسى بار. ول تاماشا ۇيىمداستىرۋشى جانە بىرنەشە تابىستى جوبالاردىڭ پروديۋسەرى. ءيۋرييدىڭ تەليەۆيزيالىق ءونىم ءوندىرۋ سالاسىنداعى تاجىريبەسى مەن ساراپتاما جاساۋ قابىلەتى اكتيۆتەرىمىزدى ودان ءارى دامىتىپ، قازاقستاننىڭ تەليەۆيزيا نارىعىندا كوش باسىنا شىعۋىمىزعا سەپتىگىن تيگىزەدى دەپ بىلەمىن، - دەپ ءوز ويىن ءبىلدىردى «ستس حولدينگ» اقب باقىلاۋشىلار كەڭەسىنىڭ مۇشەسى الەكسەي سولوۆەينيك.
ءيۋرييدىڭ باس ديرەكتور قىزمەتىندەگى باستى مىندەتى - ارنانىڭ ستراتەگياسىن ارى قاراي جالعاستىرۋ، سونىڭ ىشىندە «31 ارنانىڭ» اۋديتوريالىق كورسەتكىشى مەن نارىقتاعى ۇلەسىن ارتتىرۋ، ارنانىڭ ءتول ونىمدەرىنىڭ سانىن كوبەيتۋ، بيزنەستىڭ تيىمدىلىگىن كوتەرۋ.
يۋريي برودسكيي «31 ارنانىڭ» باس ديرەكتورى: «ومىرىمدە ۇلكەن ورىن الاتىن ارناعا قايتا ورالعانىما قۋانىشتىمىن. جاي كەلمەي، جاڭا قىزمەت ءۇشىن كەلۋ مەن ءۇشىن ۇلكەن مارتەبە ءارى زور جاۋاپكەرشىلىك. قازاقستان تەليەۆيزياسىنىڭ كوشىن باستاۋعا 31 ارنانىڭ مۇمكىندىگى مول. ەڭ باستىسى، ارناعا سەنگەن، ونى سەزىنە بىلەتىن، ودان جاڭا جوبالار مەن ەرەكشە تارتۋلار كۇتەتىن ءبىر قاۋىم كورەرمەنى بار».
يۋريي برودسكيي 1974 جىلى 17 تامىزدا شيەۆچەنكو (قازىرگى اقتاۋ) قالاسىندا دۇنيەگە كەلگەن. 1997 جىلى ش.ەسەنوۆ اتىنداعى قازمۋ-دى بىتىرگەن. Tel-Aviv Universityء-نىڭ ونەر فاكۋلتەتىندە كينو جانە تەليەۆيدەنيە ماماندىعى بويىنشا ءبىلىم العان. بۇگىنگە دەيىن يۋريي برودسكيي RTVI تەلەارناسىنىڭ جاڭالىققا جاتپايتىن حابارلار تاراتاتىن ديرەكسياسىنىڭ ديرەكتورى قىزمەتىن اتقارىپ، ستراتەگيالىق جوسپارلاۋ، حابار تاراتۋ كەستەسىن باسقارۋ، باعدارلامالىق قۇقىقتار ساتىپ الۋ، ەفير ماركەتينگى، رەسەيلىك جانە امەريكالىق فيليالداردا جاڭالىقتارعا جاتپايتىن فورماتتاردى ءوندىرۋ جانە جاساقتاۋ جۇمىستارىمەن اينالىستى. سونداي-اق، مۋلتيپلاتفورمالىق تەلەفورماتتار مەن تۆ-ديدجيتالدىڭ جالپى ينفوكەڭىستىگىن جاسادى. 2015-2016 جىلدارى ستس ارناسىنىڭ پرايمدىق حابار تاراتۋ ديرەكسياسىنىڭ ديرەكتورى قىزمەتىن اتقاردى جانە پرايمعا ارنالعان تەلەحيكايا، كينو، شوۋلار جاساۋ جۇمىستارىنا باسشىلىق ەتتى. «ۆزۆەشەننىە ليۋدي» (2016 جىلعى تەفي يەگەرى)، «كاك يا ستال رۋسسكيم»، «كرىشا ميرا»، «ۆورونينى»، «ۆوسميدەسياتىە»، «بەگلىە رودستۆەننيكي» جوبالارىنىڭ پروديۋسەرى. 2013-2015 جىلدارى 31 ارنانىڭ باس پروديۋسەرى قىزمەتىن اتقارىپ، ارنانىڭ ءتول ونىمدەرىنە جەتەكشىلىك جاسادى. ونىڭ جەتەكشىلىگىمەن دۇنيەگە كەلگەن تابىستى جوبالاردىڭ ءبىرى ارىقتاۋعا ارنالعان «دوم ۆەسى» باعدارلاماسى قازاقستانداعى ەڭ ءىرى تەلەشوۋ اتاندى. باس جۇلدەگە تالاسقان تارتىستى شوۋدىڭ 42 ەپيزودى تەلەارناعا بۇرىنعى تاۋلىكتىك كورسەتكىشتەن ەكى ەسە جوعارى اۋديتوريالىق ۇلەس سىيلادى. يۋريي تەليەۆيزيا سالاسىندا 2001 جىلدان بەرى جۇمىس ىستەپ كەلەدى.
