"تەحنيكالىق اقاۋى بار اۆتوبۋستى زاڭسىز پايدالانعان" دەپ كۇدىككە ىلىنگەن 46 جاستاعى وردۋحان مەحتييەۆ - قازاقستان ازاماتى. 2018 جىلعى 18 قاڭتار كۇنى جولاۋشىلار اۆتوبۋسى ورتەنىپ كەتكەن سوڭ مەحتييەۆ قازاقستاندىق قۇقىق ورگاندارىنا كەلمەي، تەرگەۋدەن قاشىپ جۇرگەن. كەيىن تۇركىستان وبلىسىنىڭ سارىاعاش اۋداندىق ىشكى ىستەر باسقارماسى وعان حالىقارالىق ىزدەۋ جاريالاپ، قىلمىستىق كودەكستىڭ "كولiك قۇرالدارىن ساپاسىز جوندەۋ نەمەسە ولاردى تەحنيكالىق اقاۋلارىمەن پايدالانۋعا شىعارۋ" تۋرالى 348-بابىنىڭ 4-تارماعى بويىنشا ايىپ تاققان. وردۋحان مەحتييەۆ 20 قاراشادا تاشكەنتتىڭ سەرگەلى اۋدانىندا ۇستالعان.
قازاقستان باس پروكۋراتۋراسى وردۋحان مەحتييەۆتىڭ 26 جەلتوقسان كۇنى شىمكەنت قالاسىنداعى تەرگەۋ يزولياتورىنا جەتكىزىلگەنىن مالىمدەدى.
بيىل 18 قاڭتاردا اقتوبە وبلىسىنىڭ ىرعىز اۋدانى قالىباي اۋىلىنان 10 كيلومەتر قاشىقتا شىمكەنت - سامارا جولىندا جولاۋشىلار اۆتوبۋسى ورتەنگەن. بيلىك ورىندارىنىڭ حابارلاۋىنشا، اۆتوبۋستا بارلىعى 57 ادام بولعان، ولاردىڭ 52ء-سى قازاعا ۇشىراعان. قۇربان بولعانداردىڭ بارلىعى – وزبەكستان ازاماتتارى. ەكى جولاۋشى مەن ءۇش جۇرگىزۋشى امان قالعان.
كەيىن اقتوبەدە قايعىلى وقيعاعا بايلانىستى ءىس قوزعالىپ، بەس ادام قامالعان. امان قالعان ءۇش جۇرگىزۋشى بيىل قاراشا ايىندا بەس جىلعا، اۆتوبۋستى جالعا العان "ازيا ترانزيت سەرۆيس" كومپانياسىنىڭ قۇرىلتايشىسى مەن اۆتبوۋس مەحانيگى ءۇش جارىم جىلعا سوتتالعان.
سوت شەشىمىمەن سوتتالۋشىلار قايتىس بولعان وزبەكستان ازاماتتارىنىڭ تۋىستارىنا 2 ملن تەڭگەدەن ($5400) مورالدىق وتەماقى تولەۋى ءتيىس.
